လံာ်ယၡါယၤ 54:12 - Sgaw Karen Common Bible

¹² ယကသူၣ်ထီၣ်နပၢၤတၢ်အလီၢ်တဖၣ်န့ၣ်လၢ တၢ်မျၢ်ဂီၤတဖၣ် ဒီးနတြဲၤတဖၣ်န့ၣ်လၢလၢၢ်တဖၣ်လၢအကပီၤဝဲ ဒ်မ့ၣ်အူအသိး, ဒီးတၢ်ဒူၣ်အိၣ်ဝးတရံးနၤတဖၣ်န့ၣ်လၢတၢ်မျၢ်ပလဲတဖၣ်န့ၣ်လီၤ.

လံာ်ယၡါယၤ 54:12 Iomraidhean Croise

လံာ်စီၤပၤအခီၣ်ထံးတဘ့ၣ် 7:4

လၢတၢ်ဒူၣ်ခံကပၤအလိၤန့ၣ်ပဲတြီအိၣ်ဝဲ, တခီသၢဂ့ၢ်စုာ်စုာ် န့ၣ်လီၤ.

လံာ်တၢ်ဟးထီၣ်ကွံာ် 28:19

သၢကျိၤတကျိၤန့ၣ်ပိာ်တၢ်မျၢ်ဂီၤဘီတဖျၢၣ်, တၢ်မျၢ်သူကံၢ်ဃ့တဖျၢၣ်, ဒီးတၢ်မျၢ်သကီၤဖီ တဖျၢၣ်တက့ၢ်.

လံာ်ယၡါယၤ 49:16

ဝ့ၢ်ယရူၤၡလ့ၣ်ဧၢ, ယသးပ့ၤနီၣ်နၤတသ့နီတစုဘၣ်. ယကွဲးလီၤတ့ၢ်လံနမံၤလၢယစုညါသးတဖၣ်အလိၤ, နဝ့ၢ်ခိၣ်ဒူတဖၣ်အိၣ်ဝဲလၢယမဲာ်ညါတထံၣ်ဃီလီၤ.

လံာ်ယၡါယၤ 54:11

ယွၤစံးဝဲ, “အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်, မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ, ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယဃ့းစက့လး 48:31

တၢ်ဒူၣ်တကပၤစုာ်စုာ်အိၣ်ဒီးအတြဲၤဖးဒိၣ်သၢဘ့ၣ်, လၢတဘ့ၣ်စုာ်စုာ်ဘၣ်တၢ်ယုၢ်န့ၣ်အမံၤဒ်ဒူၣ်တဖၣ် အကျါတဒူၣ်အမံၤန့ၣ်လီၤ. တြဲၤဖးဒိၣ်တဖၣ်လၢအအိၣ်လၢ ကလံၤစိးအတၢ်ဒူၣ်န့ၣ်, တၢ်ကိးအီၤလၢရူၤဘ့ၣ်, ယူဒၤ, ဒီးလ့ၤဝံန့ၣ်လီၤ.

လံာ်စကၤရယၤ 9:16

ဖဲမုၢ်နံၤဝဲန့ၣ်တုၤဃီၤန့ၣ်, ယွၤကအုၣ်က့ၤခီၣ်က့ၤ အပှၤဂီၢ်မုၢ်, ဒ်ပှၤကွၢ်သိတဂၤအုၣ်က့ၤခီၣ်က့ၤအသိတဖုလၢ တၢ်အၢတၢ်သီအပူၤအသိးန့ၣ်လီၤ. အဝဲသ့ၣ်ကကပီၤထီၣ်လၢယွၤအထံအကီၢ်အပူၤ ဒ်ခိၣ်သလုးတဖျၢၣ်အတၢ်မျၢ်ပလဲတဖၣ် အသိးန့ၣ်လီၤ.

လံာ်လီၣ်ဖျါ 21:12

ဝ့ၢ်န့ၣ်အိၣ်ဒီးတၢ်ဒူၣ်ဖးဒိၣ်ဖးထီလၢအအိၣ်ဒီးတြဲၤ ဖးဒိၣ်တဆံခံဘ့ၣ်, အိၣ်ဒီးကလူးတဆံခံဂၤလၢအအိၣ်ခိးကွၢ်ထွဲတြဲၤဖးဒိၣ် တဖၣ်န့ၣ်လီၤ. လၢတြဲၤဖးဒိၣ်အလိၤန့ၣ်ပှၤအံၣ်စရ့လးဖိ တဆံခံဒူၣ်အမံၤတဖၣ်အိၣ်ကွဲးအသးလီၤ.