လံာ်ယၡါယၤ 54:10 - Sgaw Karen Common Bible

¹⁰ ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 54:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

စံးထီၣ်ပတြၢၤ 102:26

တၢ်တဖၣ်န့ၣ်ကလီၤမၢ်ကွံာ်ဝဲ, မ့မ့ၢ်နဲဒၣ်အံၤနကအိၣ်ကဆိးဒံးနဲလီၤ. အဝဲသ့ၣ်ကလီၢ်လံၤခဲလၢာ်ဒ်ဆ့ကၤတဖၣ်အသိး, ဒီးနကစူးကွံာ်အီၤဒ် ဆ့ကၤတဖၣ်အသိး ဒီးကဟါမၢ်ကွံာ်ဝဲလီၤ.

စံးထီၣ်ပတြၢၤ 46:2

မၤသးဒ်န့ၣ်ဒီးဟီၣ်ခိၣ်မ့ၢ်လဲလိာ်အသးဘၣ်ဆၣ်, ကစၢၢ်ကလိတဖၣ်မ့ၢ်ဟူးဝးဝဲလၢ ပီၣ်လဲၣ်အသးကံၢ်ပူၤဘၣ်ဆၣ်,

စံးထီၣ်ပတြၢၤ 46:3

ထံတဖၣ်မ့ၢ်သီၣ်ထီၣ်ဒီးအသဘှဲထီၣ်ဘၣ်ဆၣ်, ကစၢၢ်ကလိတဖၣ်မ့ၢ်ဟူးဝးဝဲလၢအတၢ်သီၣ်ဘၣ်ဆၣ် ပတပျံၤဘၣ်တၢ်ဘၣ်. စ့လၤ

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 49:15

သတးဒီးယွၤစံးဆၢဝဲ, “ပိာ်မုၣ်တဂၤသးပ့ၤနီၣ်အဖိဒၣ်ဝဲကသ့ဧါ. ဒီးတအဲၣ်ဘၣ်ဖိလၢအဆံးစၢ်ထီၣ်ဝဲန့ၣ်ဘၣ်ဧါ. မိၢ်တဂၤမ့ၢ်သးပ့ၤနီၣ်အဖိဒၣ်လဲာ်န့ၣ်, ယတသးပ့ၤနီၣ်ဘၣ်နၤနီတစုဘၣ်.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယၡါယၤ 61:8

ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်ယၡါယၤ 63:7

ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 31:36

အဝဲအၢၣ်လီၤဝဲလၢ, ထဲသိးန့ဆၢၣ် တၢ်ဘၣ်တ့ၢ်ဖၣ်အိၣ်စံာ် အိၣ်ကျၢၤယံာ်ဝဲန့ၣ်, အံၣ်စရ့လးကမ့ၢ်ဒံးဒၣ် အပှၤတကလုာ်ဒ်န့ၣ် အသိးလီၤ.

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်မၤလကံ 2:5

လၢယတၢ်အၢၣ်လီၤအီလီၤအပူၤန့ၣ်, ယအၢၣ်လီၤအဝဲသ့ၣ်တၢ်မူဒီးတၢ်အိၣ်မုာ်ဆိးပၢၤ, ဒီးတၢ်အံၤမ့ၢ်တၢ်လၢယဟ့ၣ်အဝဲသ့ၣ်ဒ်သိးအဝဲသ့ၣ်ကယူးယီၣ်ပာ် ကဲယၤန့ၣ်လီၤ. ဒီးလၢမုၢ်နံၤတဖၣ်န့ၣ်အပူၤ, အဝဲသ့ၣ်ယူးယီၣ်ပာ်ကဲယၤလီၤ.

လံာ်တၢ်ဂံၢ် 25:12

မၤသးဒ်န့ၣ်ဒီးတဲဘၣ်အီၤလၢယမၤတၢ်အၢၣ်လီၤအီလီၤတမံၤဒီး အီၤလၢကမ့ၢ်တၢ်ဂၢၢ်ဝဲကျၢၤဝဲအစိၤစိၤအဃၣ်ဃၣ်န့ၣ်တက့ၢ်.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်မးသဲ 5:18

ယစံးဘၣ်တဲဘၣ်သုတၢ်မ့ၢ်တၢ်တီအံၤလီၤ. တချုးဒံးဘၣ်လၢမူခိၣ်ဒီးဟီၣ်ခိၣ် အစိၤကတၢၢ်ဝဲဒီးတၢ်သိၣ်တၢ်သီခဲလၢာ်လၢထီၣ်ပှဲၤထီၣ်ဝဲန့ၣ်, လံာ်တၢ်သိၣ်တၢ်သီအလံာ်မဲာ်ဖျၢၣ်အဆံးကတၢၢ်ဖိတဖျၢၣ်, အနၢၣ်ဖိတနၢၣ်ဒၣ်လဲာ်တဘၣ်တၢ်မၤဟးဂီၤအီၤဘၣ်.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ဧ့ၤဘြံၤ 12:27

တၢ်ကတိၤလၢအစံးဝဲ, “ကဒီးတဘျီ,” လီၣ်ဖျါထီၣ်ဝဲဖျိဖျိဖျါဖျါလၢတၢ်ဘၣ်တ့တဖၣ်ကဘၣ်တၢ်မၤဟူး မၤဝးအီၤဒီးသုးကွံာ်အီၤဒ်သိးတၢ်လၢတၢ်မၤဟူးဝးအီၤ တသ့တဖၣ်ကအိၣ်တ့ၢ်ဝဲအဂီၢ်န့ၣ်လီၤ.

လံာ်လီၣ်ဖျါ 6:14

မူကပိာ်လိၤလီၤမၢ်ကွံာ်ဝဲဒ်လံာ်ထူတဘ့ၣ်ဘၣ်တၢ်ထူထီၣ် က့ၤအီၤအသိး, ဒီးကစၢၢ်ကိးဖျၢၣ်ဒဲးဒီးကီးကိးဖျၢၣ်ဒဲးဘၣ် တၢ်သုးကွံာ်အီၤလၢအလီၢ်န့ၣ်လီၤ.