လံာ်ယၡါယၤ 53:8 - Sgaw Karen Common Bible

⁸ အဝဲဘၣ်တၢ်ဖီၣ်အီၤဒီးစံၣ်ညီၣ်အီၤဒီးဆှၢထီၣ်ကွံာ်အီၤလၢ တၢ်ကမၤသံအီၤအဂီၢ်လီၤ. ဒီးတၢ်မၤအသးဒီးအီၤန့ၣ်ပှၤတကနၣ်ဃုာ်နီတဂၤဘၣ်. အဝဲဘၣ်တၢ်မၤသံအီၤလၢပပှၤဂီၢ်မုၢ်အတၢ်ဒဲးဘးတဖၣ် အဃိလီၤ.

လံာ်ယၡါယၤ 53:8 Iomraidhean Croise

စံးထီၣ်ပတြၢၤ 69:12

ယကဲထီၣ်တၢ်ဘၣ်ကတိၤအလီၢ်လၢပှၤလၢ အဆ့ၣ်နီၤလၢပဲတြီဒီး ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.

စံးထီၣ်ပတြၢၤ 88:5

ယဘၣ်တၢ်ညိကွံာ်တ့ၢ်လံယၤလၢ ပှၤသံသ့ၣ်တဖၣ်အကျါ, ယလီၤဂာ်ဒီးပှၤသံလၢအမံနီၤလၢတၢ်သွၣ်ခိၣ်အပူၤ, ပှၤသ့ၣ်တဖၣ်လၢနသးပ့ၤနီၣ်တ့ၢ်လံအီၤလၢာ်လၢာ်ဆ့ဆ့, ပှၤလၢနတၢ်မၤစၢၤတတုၤဆူအအိၣ်ဘၣ်န့ၣ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယၡါယၤ 53:5

မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်သးသယုၢ်တၢ် 3:54

ထံဟဲထီၣ်ဘၢယၤလၢယခိၣ်ဖီခိၣ်ဒီးယဆိကမိၣ်တ့ၢ်လၢတၢ်သံန့ၣ် အိၣ်ဘူးဝဲလီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်မးသဲ 1:1

အအံၤမ့ၢ်တၢ်ကွဲးဖျါထီၣ်ယ့ၣ်ၡူးခရံာ်အတၢ်ဟဲလီၤစၢၤ အဂ့ၢ်လီၤ. အဝဲမ့ၢ်ပှၤဟဲလီၤစၢၤလၢစီၤဒၤဝံးလၢအဟဲလီၤစၢၤလၢစီၤ အၤဘြၣ်ဟၣ်လီၤ.

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

မၤတၢ် 8:33

အဝဲဒၣ်ဘၣ်တၢ်မၤမဲာ်ဆှးအီၤဒီးတၢ်စံၣ်ညီၣ်တီတအိၣ်ဘၣ် လၢအဂီၢ်ဘၣ်. ပှၤလၢအကစံးကတိၤဘၣ်ဃးဒီးအဝဲဒၣ် အစၢၤအသွဲၣ်အဂ့ၢ်ကသ့န့ၣ်တအိၣ်နီတဂၤဘၣ်. အဂ့ၢ်မ့ၢ်လၢတၢ်ဟံးထီၣ်ကွံာ်အသးသမူလၢဟီၣ်ခိၣ်အံၤ အဃိန့ၣ်လီၤ.”

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.