လံာ်ယၡါယၤ 53:5 - Sgaw Karen Common Bible

⁵ မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်ယၡါယၤ 53:5 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်စီၤယိၤဘး 33:24

လၢတၢ်သးကညီၤအပူၤ, ကလူးန့ၣ်ကစံးဘၣ်အီၤ, “ပျၢ်ဖျဲးအီၤတက့ၢ်. အဝဲတဘၣ်လဲၤလီၤဆူ တၢ်သံအကီၢ် ဘၣ်. အအံၤမ့ၢ်တၢ်ပှ့ၤထီၣ်က့ၤတၢ်လၢ ကမၤထူၣ်ဖျဲးအီၤအဂီၢ်လီၤ.”

စံးထီၣ်ပတြၢၤ 30:2

ယွၤ, ယကစၢ်ယွၤဧၢ, ယကိးထီၣ်နၤလၢတၢ်မၤစၢၤအဂီၢ်, ဒီးနမၤဘျါက့ၤလံယၤလံ.

တၢ်ကတိၤဒိ. 20:30

တဘျီဘျီတၢ်လဲၤခီဖျိတမံၤလၢအဘၣ်ဒိပှၤဆါန့ၣ်အလီၢ်အိၣ်ဝဲ, ဒ်သိးကဒုးလဲလိာ်က့ၤပကျဲတဖၣ်န့ၣ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 57:18

အဝဲသ့ၣ်ဖံးတၢ်မၤတၢ်ဒ်လဲၣ်န့ၣ်ယထံၣ်တ့ၢ်, နာ်သက့ယကမၤဘျါအဝဲသ့ၣ်လီၤ. ယကဆှၢဒီးမၤစၢၤအဝဲသ့ၣ်ဒီး ယကမၤမုာ်ပှၤလၢအသူၣ်အုးသးအုးတဖၣ်လီၤ.

လံာ်ယၡါယၤ 6:7

အဝဲထိးယနိးဖံးလၢမ့ၣ်အူကဖးကိၢ်လိၣ်ဒီးစံးဝဲ, “တၢ်အံၤထိးဘၣ်နနိးဖံးလံဒီးအခဲအံၤနတၢ်ကမၣ်လဲၤပူၤကွံာ်လံ, ဒီးနတၢ်ဒဲးဘးတဖၣ်ဘၣ်တၢ်ပျၢ်အီၤလံ.”

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

1 ကရံၣ်သူး 15:3

တၢ်လၢယဒိးန့ၢ်ဘၣ်တ့ၢ်ယဲန့ၣ်, ယဟ့ၣ်လီၤကဒီးယဲဆူသုအိၣ် တဆီလၢအမ့ၢ်တၢ်အကါဒိၣ်ကတၢၢ်တမံၤ, လၢခရံာ်သံလၢ ပတၢ်ဒဲးဘးအဃိဒ်အအိၣ်ကွဲးအသးလၢတၢ်ကွဲးအသးစီဆှံ အပူၤအသိး,

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

လံာ်သိၣ်လီၤသီလီၤတၢ် 11:2

တနံၤအံၤသ့ၣ်နီၣ်ထီၣ်တၢ်လၢသုမၤလိတ့ၢ်အီၤဘၣ်ဃးဒီးယွၤ, လၢသုတၢ်လဲၤခီဖျိဃုာ်ဒီးအီၤတဖၣ်အပူၤတက့ၢ်. တမ့ၢ်ဘၣ်သုဖိသုလံၤတဖၣ်ဘၣ်, မ့မ့ၢ်, မ့ၢ်သုဝဲပှၤအအိၣ်ဒီး တၢ်လဲၤခီဖျိတဖၣ်အံၤန့ၣ်လီၤ. သုထံၣ်ဘၣ်တ့ၢ်ယွၤအတၢ်ဒိၣ်တၢ်မုၢ်, အတၢ်စိတၢ်ကမီၤ, ဒီးအဂံၢ်ဆူၣ်ဘါဆူၣ်,

ဧ့ၤဘြံၤ 10:10

ဒီးလၢတၢ်ဘၣ်ကစၢ်ယွၤအသးအံၤအဃိ, ပဘၣ်တၢ်မၤစီထီၣ်ဆှံထီၣ်ပှၤခီဖျိယ့ၣ်ၡူးခရံာ်အတၢ်လုၢ်ထီၣ် အနီၢ်ခိထဲတဘျီဧိၤန့ၣ်လီၤ.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 5:8

အဝဲမ့ၢ်ကစၢ်ယွၤအဖိခွါဘၣ်ဆၣ်ခီဖျိအတၢ်နးတၢ်ဖှီၣ်န့ၣ် အဝဲမၤလိန့ၢ်တၢ်ဒိကနၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.