လံာ်ယၡါယၤ 53:4 - Sgaw Karen Common Bible

⁴ ဘၣ်ဆၣ်ဒီး, တၢ်နးတၢ်ဖှီၣ်လၢပကဘၣ်တူၢ်ဒၣ်ပဝဲ, တၢ်ဆူးတၢ်ဆါလၢပကဘၣ်ဝံထီၣ် ယိးထီၣ်ဒၣ်ပဝဲန့ၣ်အဝဲဒၣ်တူၢ်ဝဲလီၤ. ထီဘိတထံၣ်ဃီန့ၣ်ပဆိကမိၣ်ဒၣ်လၢအဝဲအတၢ်တူၢ်ဘၣ်တၢ်အံၤ မ့ၢ်တၢ်စံၣ်ညီၣ်ဟဲလၢကစၢ်ယွၤလီၤ.

လံာ်ယၡါယၤ 53:4 Iomraidhean Croise

စံးထီၣ်ပတြၢၤ 69:26

အဂ့ၢ်ဒ်အံၤ, အဝဲသ့ၣ်မၤအၢမၤသီပှၤလၢ နသိၣ်ဃီၣ်တ့ၢ်အီၤတဖၣ်, အဝဲသ့ၣ်စံးကတိၤပှၤလၢနမၤဆါတ့ၢ်အီၤ အတၢ်နးတၢ်ဖှီၣ်အဂ့ၢ်လီၤ.

စံးထီၣ်ပတြၢၤ 69:27

လိာ်ကွီၢ်အဝဲသ့ၣ်လၢ တၢ်ကမၣ်တခါဝံၤတခါဒီး မ်အသုတဒိးန့ၢ်နတၢ်အုၣ်က့ၤခီၣ်က့ၤနီတမံၤတဂ့ၤ.

စံးထီၣ်ပတြၢၤ 69:8

ယကဲထီၣ်တ့ၢ်လံပှၤသမှံၤလၢယဒီပုၢ်ဝဲၢ် သ့ၣ်တဖၣ်အဂီၢ်, လီၤဂာ်ဒီးပှၤတခီဘီမုၢ်ဖိလၢယမိၢ်အဖိတဖၣ် အဂီၢ်န့ၣ်လီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 16:10

မ့မ့ၢ်မဲာ်တဲးလဲးတဒုလၢတၢ်ဖးလီၤဘၣ်လၢတၢ်နါ ဧ့စ့ၤစ့လးအဂီၢ်န့ၣ်ကဘၣ်တၢ်ပာ်အိၣ်မူဒံးအီၤလၢအမဲာ်ညါ ဒီးပျဲလီၤအီၤဆူပှၢ်မုၢ်ကနၢလၢပှၤဂီၢ်မုၢ်အတၢ်ဒဲးဘးကဘၣ် တၢ်ပျၢ်အီၤအဂီၢ်န့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 26:37

အဝဲလဲၤကိးဃုာ်စီၤပ့းတရူးဒီးစီၤစ့းဘ့းဒဲအဖိခွါခံဂၤန့ၣ်လီၤ. အသူၣ်အုးသးအုးဒီးသူၣ်ကိၢ်သးဂီၤဝဲဒိၣ်မးလီၤ.

လံာ်မးသဲ 8:17

တၢ်အံၤယ့ၣ်ၡူးမၤဝဲဒ်သိးတၢ်လၢဝံယၡါယၤစံးတ့ၢ်ဝဲ, “အဝဲဟံးထီၣ်ကွံာ်ပတၢ်ဆိးက့မံနီၤတဖၣ်ဒီးစိာ်ထီၣ်ကွံာ် ပတၢ်ဆူးတၢ်ဆါတဖၣ်” ကလၢထီၣ်ပှဲၤထီၣ်ဝဲအဂီၢ်လီၤ(ၡါ. ၅၃:၄).

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.