လံာ်ယၡါယၤ 53:2 - Sgaw Karen Common Bible

² မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 53:2 Iomraidhean Croise

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 52:14

ပှၤအါဂၤကဖုးသံပျီၢ်ဂီၤဖဲအထံၣ်ဘၣ်အီၤအဆၢကတီၢ်န့ၣ်လီၤ. အဝဲဒၣ်အက့ၢ်အဂီၤဘၣ်ဒိဘၣ်ထံးလီၤသဘှံးတုၤဒၣ်လဲာ် နကွၢ်အီၤတလီၤဂာ်ဒီးပှၤကညီတဂၤလၢၤဘၣ်န့ၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်မၢ်ကူး 9:12

အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်.

လံာ်လူၤကၣ် 2:7

အဝဲဒၣ်ဆံးစၢ်ထီၣ်အဖိခွါဝဲၢ်ကိတဂၤ, ဒီးဘိၣ်ဘံဃာ်အီၤလၢတၢ်ကံးယာ်ဒီး ပုာ်မံလီၤအီၤလၢကျီၢ်အီၣ်ဆၣ်အကျိးအပူၤလီၤ. အဂ့ၢ်ဒ်အံၤ, ဖဲပှၤသမှံၤအဘျီၣ်ပူၤန့ၣ်ဒၢးတအိၣ် ကလီလၢအဝဲသ့ၣ်အဂီၢ်နီတဖျၢၣ်ဘၣ်.

လံာ်လူၤကၣ် 9:58

ယ့ၣ်ၡူးစံးဘၣ်အီၤ, “ထွံၣ်ဟီၣ်ခိၣ်တဖၣ်အိၣ်ဒီးအပူၤတဖၣ်, ဒီးထိၣ်တဖၣ်အိၣ်ဒီးအသွံတဖၣ်လီၤ. မ့မ့ၢ်ပှၤကညီဖိခွါအံၤ ထဲအကမံလီၤဒီးအိၣ်ဘှံးအိၣ်သါအဂီၢ်ဒၣ်လဲာ်, တၢ်လီၢ်တၢ်ကျဲတအိၣ်နီတပူၤဘၣ်.”

လံာ်ယိၤဟၣ် 18:40

အဝဲသ့ၣ်ကိးပသူထီၣ်ဒီးစံးဝဲ, “တမ့ၢ်ဘၣ်. တမ့ၢ် အဝဲဘၣ်. ပသးလီစီၤဘၤရးဘါန့ၣ်လီၤ.” (စီၤဘၤရးဘါမ့ၢ် တမျာ်တဂၤန့ၣ်လီၤ.)

လံာ်ယိၤဟၣ် 19:5

အန့ၣ်ဒီး, ယ့ၣ်ၡူးဟဲထီၣ်ဆူတၢ်ချၢ, ကၢၢ်ဝဲခိၣ်သလုး တၤဆှုၣ်ဒီးကၤဝဲဆ့ကၤလုးတကုာ်တဘ့ၣ်န့ၣ်လီၤ. စီၤပံၤလးစံးဘၣ် အဝဲသ့ၣ်, “ကွၢ်တက့ၢ်. မ့ၢ်ပှၤအဝဲအံၤလီၤ.”

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.