လံာ်ယၡါယၤ 52:4 - Sgaw Karen Common Bible

⁴ ဖဲသုလဲၤတၢ်ဒ်သိးသုကအိၣ်ကဆိးလၢကီၢ်အဲၤကူပတူး အပူၤဒ်ပှၤတခီဘီမုၢ်တဖၣ်အသိးန့ၣ်, သုလဲၤဒၣ်တၢ်လၢသုတၢ်ဘၣ် သုသးဒၣ်ဝဲအပူၤလီၤ. နာ်သက့, ကီၢ်အၤၡူၢ်စိာ်ထီၣ်ကွံာ်သုလၢ တၢ်စုဆူၣ်ခီၣ်တကးအပူၤဒီးတဟ့ၣ်တၢ်အပှ့ၤလၢသုဂီၢ်နီတမံၤဘၣ်.

လံာ်ယၡါယၤ 52:4 Iomraidhean Croise

လံာ်တၢ်ကဲထီၣ်အခီၣ်ထံး 46:6

အဝဲသ့ၣ်လဲၤစိာ်အဆၣ်ဖိကီၢ်ဖိအဒၢတဖၣ်ဒီးအတၢ်ဖိတၢ်လံၤလၢ အဒိးန့ၢ်ဝဲလၢကီၢ်ကနၤဧၣ်အပူၤတဖၣ်ဒီးလဲၤဆူကီၢ်အဲၤကူ ပတူးန့ၣ်လီၤ. စီၤယၤကိာ်လဲၤကိးဃုာ်အစၢၤအသွဲၣ်ခဲလၢာ်ဒီးအီၤ,

လံာ်တၢ်ကဲထီၣ်အခီၣ်ထံး 46:7

လၢအမ့ၢ်ဝဲ, အဖိခွါတဖၣ်, အလံၤတဖၣ်, အဖိမုၣ်တဖၣ်ဒီးအလံၤ မုၣ်တဖၣ်န့ၣ်လီၤ.

လံာ်စီၤယိၤဘး 2:3

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤဘး တဂၤလၢနသးစ့ၢ်ကီးဧါ. လၢဟီၣ်ခိၣ်ချၢန့ၣ်ပှၤအတီအလိၤဒီး ပှၤဂ့ၤဒ်သိးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟး ဆှဲးတၢ်အၢတဂၤလီၤ. နထိၣ်ဂဲၤတ့ၢ်ယၤဒ်သိးယကထီဒါအီၤ, မၤဟးဂီၤအီၤကလီကလီဘၣ်ဆၣ်ဒီးအဝဲဟံးဃာ်ဒံးအတၢ်တီတၢ် လိၤဂၢၢ်ဂၢၢ်ကျၢၤကျၢၤန့ၣ်လီၤ.”

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 44:12

နဆါကွံာ်နပှၤဂီၢ်မုၢ်ဒ် တၢ်အလုၢ်အပှ့ၤတအိၣ်ဘၣ်အသိး, နတဃ့တၢ်အပှ့ၤထဲတစဲးဧိၤလၢအဂီၢ်ဘၣ်.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

လံာ်ယၡါယၤ 14:25

ယကမၤဟးဂီၤပှၤအၤၡူၢ်ဖိတဖၣ်လၢယကီၢ်အံၣ်စရ့လးအပူၤ ဒီးယီၢ်တံၢ်အဝဲသ့ၣ်လၢယကစၢၢ်တဖၣ်အဒီခိၣ်န့ၣ်လီၤ. ယကမၤထူၣ်ဖျဲးယပှၤဂီၢ်မုၢ်လၢပှၤအၤၡူၢ်ဖိတဖၣ်အနီၣ်ယိးဘိ ဒီးလၢတၢ်ဝံတၢ်ယိးတဖၣ်လၢအဝဲသ့ၣ်ဘၣ်ဝံတ့ၢ်ယိးတ့ၢ်ဝဲန့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).