လံာ်ယၡါယၤ 52:2 - Sgaw Karen Common Bible

² ဝ့ၢ်ယရူၤၡလ့ၣ်ဧၢ, တြုၤလီၤကွံာ်နဖၣ်ကမူၣ်ဖၣ်ဆါတဖၣ်, ဂဲၤဆၢထၢၣ်ဒီးဆ့ၣ်နီၤလၢနလီၢ်ပစိာ်န့ၣ်တက့ၢ်. ဃ့ၣ်လီၤကွံာ်ပျံၤထးတဖၣ်လၢအစၢဃာ်သု, သုဝဲဝ့ၢ်စံယိၣ် အပှၤဂီၢ်မုၢ်လၢအဘၣ်တၢ်မၢကဲကုၢ်အီၤသ့ၣ်ဧၢ.

လံာ်ယၡါယၤ 52:2 Iomraidhean Croise

လံာ်ယၡါယၤ 10:27

ဖဲတၢ်ဆၢကတီၢ်အဝဲန့ၣ်ဟဲတုၤဒီး, ယကမၤထူၣ်ဖျဲးထီၣ်နၤလၢ ကီၢ်အၤၡူၢ်အစိအကမီၤအဖီလာ်, ဒီးအဝဲသ့ၣ်အနီၣ်ယိးဘိ တမ့ၢ်တၢ်ဝံတၢ်ယိးလၢသုဖံဘၣ်ခိၣ်တဖၣ်အလိၤလၢၤဘၣ်.”

လံာ်ယၡါယၤ 14:25

ယကမၤဟးဂီၤပှၤအၤၡူၢ်ဖိတဖၣ်လၢယကီၢ်အံၣ်စရ့လးအပူၤ ဒီးယီၢ်တံၢ်အဝဲသ့ၣ်လၢယကစၢၢ်တဖၣ်အဒီခိၣ်န့ၣ်လီၤ. ယကမၤထူၣ်ဖျဲးယပှၤဂီၢ်မုၢ်လၢပှၤအၤၡူၢ်ဖိတဖၣ်အနီၣ်ယိးဘိ ဒီးလၢတၢ်ဝံတၢ်ယိးတဖၣ်လၢအဝဲသ့ၣ်ဘၣ်ဝံတ့ၢ်ယိးတ့ၢ်ဝဲန့ၣ်လီၤ.

လံာ်ယၡါယၤ 29:4

ဝ့ၢ်ယရူၤၡလ့ၣ်ကလီၤဂာ်ဒီးတၢ်တဃၣ်တဒုလၢအဂဲၤပျူၢ်ကတိၤ တၢ်လၢဟီၣ်ခိၣ်အဖီလာ်, အကလုၢ်သီၣ်ဧိၤဧိၤဧၤဧၤဟဲထီၣ်လၢ ဖၣ်ဆါကျါန့ၣ်လီၤ.

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 49:21

ဒီးနကစံးလၢနသးကံၢ်ပူၤ, မတၤဆံးစၢ်ထီၣ်ဖိသၣ်တဖၣ်အံၤလၢယဂီၢ်န့ၣ်လဲၣ်. ယဖိတဖၣ်လီၤမၢ်ကွံာ်ဒီး ယမၤန့ၢ်ကဒီးယဖိတသ့လၢၤဘၣ်. ယဘၣ်တၢ်ပာ်တ့ၢ်ယၤထဲတဂၤဧိၤလီၤ. ယဘၣ်တၢ်စိာ်မၢကဲကုၢ်ယၤဒီးနီၣ်ဟးထီၣ်ကွံာ်ယၤလီၤ. မတၤဒုးဒိၣ်ထီၣ်ဖိသၣ်တဖၣ်အံၤန့ၣ်လဲၣ်. ဖိသၣ်တဖၣ်အံၤဟဲလၢလဲၣ်တခီလဲၣ်.”

လံာ်ယၡါယၤ 51:14

ပှၤတဖၣ်လၢအဘၣ်တၢ်စၢဃာ်အီၤ လၢဃိာ်ပူၤန့ၣ်တယံာ်လၢၤဘၣ်ဒီး ကဘၣ်တၢ်မၤထူၣ်ဖျဲးအီၤလီၤ. အဝဲသ့ၣ်ကအိၣ်မူလၢတၢ်အိၣ်ကၢအိၣ်ခိးအပူၤ ဒီးကအိၣ်ဒီးတၢ်အီၣ်ခဲလၢာ်လၢအလိၣ်ဘၣ်ဝဲန့ၣ်လီၤ.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 51:45

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဃ့ၢ်ထွးထီၣ်ကွံာ်ဖဲန့ၣ်တက့ၢ်. ဃ့ၢ်ထီၣ်ကွံာ်လၢ သုသးသမူအဂီၢ်ဒီး လၢယတၢ်သးကဲၤထီၣ် အအိၣ်န့ၣ်တက့ၢ်.

လံာ်ယံးရမံယၤ 51:50

ယွၤစံးဘၣ်အပှၤဂီၢ်မုၢ်လၢ ကီၢ်ဘၤဘူၤလိၣ် အပူၤ, “သုထူၣ်ဖျဲးတ့ၢ်လၢတၢ်သံလံ. အခဲကနံၣ်အံၤ လဲၤတၢ်တက့ၢ်. တဘၣ်အိၣ်ခိးတၢ်တဂ့ၤ. သုမ့ၢ်အိၣ်ယံၤ ဒီးဟံၣ်ဒၣ်လဲာ်န့ၣ်, ဆိကမိၣ်တၢ်ဘၣ်ဃးဒီးယၤ, သုကစၢ်, ဒီးသ့ၣ်နီၣ်ထီၣ်က့ၤ ဝ့ၢ်ယရူၤရှလ့ၣ်န့ၣ်တက့ၢ်.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်စကၤရယၤ 2:6

ယွၤစံးဘၣ်အပှၤဂီၢ်မုၢ်, “ယမၤလီၤပြံလီၤပြါတ့ၢ်သုလၢမူ ပၤလွံၢ်ထံးန့ၣ်လီၤ.

လံာ်စကၤရယၤ 2:7

မ့မ့ၢ်ခဲအံၤ, သုဝဲပှၤလၢအဘၣ်တၢ်စိာ်မၢကဲကုၢ်သ့ၣ်ဧၢ, မၤပူၤမၤဖျဲးသုသးလၢကီၢ်ဘၤဘူၤလိၣ်ဒီးဟဲက့ၤက ဒါက့ၤဆူဝ့ၢ်ယရူၤၡလ့ၣ်တက့ၢ်.

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.