လံာ်ယၡါယၤ 52:14 - Sgaw Karen Common Bible

¹⁴ ပှၤအါဂၤကဖုးသံပျီၢ်ဂီၤဖဲအထံၣ်ဘၣ်အီၤအဆၢကတီၢ်န့ၣ်လီၤ. အဝဲဒၣ်အက့ၢ်အဂီၤဘၣ်ဒိဘၣ်ထံးလီၤသဘှံးတုၤဒၣ်လဲာ် နကွၢ်အီၤတလီၤဂာ်ဒီးပှၤကညီတဂၤလၢၤဘၣ်န့ၣ်လီၤ.

လံာ်ယၡါယၤ 52:14 Iomraidhean Croise

စံးထီၣ်ပတြၢၤ 22:15

ယဂံၢ်ယဘါဃ့ထီကွံာ်ဝဲဒ်သပၢၤတက့အသိး, ဒီးယပျုၤစဲဘူးဒီးယခၣ်ခိၣ်န့ၣ်လီၤ. နဒုးမံလီၤယၤလၢတၢ်သံအဟီၣ်ခိၣ်အကမူၣ် အပူၤန့ၣ်လီၤ.

စံးထီၣ်ပတြၢၤ 22:17

ယဃံယကွဲအိၣ်ဖျါကိးဘိဒဲး ယဒုၣ်ယဒါတဖၣ်ကွၢ်ယၤဒီးကွၢ်စူၣ်ယၤလီၤ.

စံးထီၣ်ပတြၢၤ 71:7

ယတၢ်အိၣ်မူမ့ၢ်တ့ၢ်တၢ်အဒိအတဲာ် တမံၤလၢ ပှၤအါဂၤအဂီၢ်, မ့ၢ်လၢနမ့ၢ်တ့ၢ် ပှၤဒီဒၣ်အိၣ်ဖှိၤယၤလၢ အဂံၢ်ဆူၣ်ဘါဆူၣ်အဃိလီၤ.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်မးသဲ 26:67

တုၤနုၤတစု, အဝဲသ့ၣ်ထူးပှဲာ်ယ့ၣ်ၡူးအမဲာ်ဒီးဒိအီၤတီၢ်အီၤလီၤ. ပှၤလၢအဒဲယ့ၣ်ၡူးအမဲာ်တဖၣ်

လံာ်မးသဲ 27:14

ဘၣ်ဆၣ်ဒီး, ယ့ၣ်ၡူးတစံးဆၢအီၤဘၣ်. ထဲတၢ်ကတိၤတဘီဒၣ်လဲာ်တတဲဝဲဘၣ်. တၢ်အံၤဒုးကမၢကမၣ်ပဒိၣ်ဖးဒိၣ်, ဒိၣ်ဒိၣ်အါအါလီၤ.

လံာ်မးသဲ 7:28

တုၤယ့ၣ်ၡူးစံးတၢ်တဖၣ်အံၤဝံၤဒီး, ပှၤဂီၢ်မုၢ်တဖၣ်ကမၢကမၣ်ဝဲလၢ အတၢ်သိၣ်လီၤသီလီၤအဃိန့ၣ်လီၤ.

လံာ်မၢ်ကူး 10:26

သတးဒီးအပျဲၢ်အဘီၣ်တဖၣ်တၢ်လီၤကမၢကမၣ်ဘၣ်အီၤဒိၣ်ဒိၣ်ကလဲာ် ဒီးသံကွၢ်လိာ်အသးတဂၤဒီးတဂၤ, “မ့မ့ၢ်ဒ်န့ၣ်ဒီး, ပှၤန့ၢ်ဘၣ်တၢ်အုၣ်က့ၤခီၣ်က့ၤဘၣ်ကသ့ဒံးတဂၤဂၤဧါ.”

လံာ်မၢ်ကူး 10:32

ယ့ၣ်ၡူးဒီးပှၤလၢအလဲၤသကိးဒီးအီၤတဖၣ်လဲၤဝဲလၢကျဲလၢ အလဲၤထီၣ်ဆူဝ့ၢ်ယရူၤၡလ့ၣ်န့ၣ်လီၤ. ယ့ၣ်ၡူးဟးဝဲဒၣ်လၢ အဝဲသ့ၣ်အမဲာ်ညါ, ဒီးအပျဲၢ်အဘီၣ်တဖၣ်အသးလီၤကတုၤဝဲဒၣ်လီၤ. မ့မ့ၢ်ပှၤလၢအပိာ်ထီၣ်အဝဲသ့ၣ်အခံတဖၣ် အသးပှဲၤဝဲ ဒီးတၢ်ပျံၤတၢ်ဖုးလီၤ. ယ့ၣ်ၡူးကိးဃီၤကဒီးထဲအပျဲၢ်အဘီၣ်တဆံခံဂၤဆူအအိၣ်ဒီးစံးဘၣ် အဝဲသ့ၣ်လၢတၢ်ကဘၣ်မၤအသးဒီးအီၤအဂ့ၢ်န့ၣ်လီၤ.

လံာ်မၢ်ကူး 5:42

ဖိသၣ်မုၣ်န့ၣ်ဂဲၤဆၢထၢၣ်ဒီးဟးဝဲတဘျီဃီလီၤ. (အဝဲဒၣ်အသးအိၣ်တဆံခံနံၣ်လီၤ) တၢ်မၤအသးအံၤဒုးကမၢကမၣ်ပှၤတဖၣ်န့ၣ်ဒိၣ်မးလီၤ.

လံာ်မၢ်ကူး 6:51

အန့ၣ်ဝံၤအဝဲဒၣ်လဲၤနုာ်ဒိးထီၣ်ချံလၢအဝဲသ့ၣ်အသိးဒီးကလံၤ န့ၣ်အိၣ်က့ၤဂၢၢ်တပၢၢ်လီၤ. အပျဲၢ်အဘီၣ်တဖၣ်တၢ်လီၤကမၢကမၣ်ဘၣ်အီၤဒိၣ်မးန့ၣ်လီၤ.

လံာ်မၢ်ကူး 7:37

အဝဲသ့ၣ်တဖၣ်န့ၣ်တၢ်လီၤကမၢကမၣ်ဘၣ်အီၤဒိၣ်မးဒီးစံးဝဲ, “အဝဲဒၣ်တဂၤအံၤ, မၤတၢ်ကိးမံၤဒဲးသ့ဝဲဂ့ၤဂ့ၤဘၣ်ဘၣ်လီၤ. ပှၤလၢအနၢ်တအၢဒၣ်လဲာ်န့ၣ်ဒုးနၢ်ဟူထီၣ်က့ၤဝဲတၢ်, ဒီးပှၤလၢအအုးအးန့ၣ်ဒုးကတိၤထီၣ်က့ၤဝဲတၢ်လီၤ.”

လံာ်လူၤကၣ် 2:47

ကယဲၢ်ပှၤလၢအနၢ်ဟူဘၣ်အဝဲအတၢ်စံးတၢ်ကတိၤတဖၣ်န့ၣ်, ကမၢကမၣ်ဝဲလၢအတၢ်စံးဆၢလၢအပှဲၤဒီးတၢ်ကူၣ်ဘၣ်ကူၣ်သ့, တၢ်သ့ၣ်ညါနၢ်ပၢၢ်တဖၣ်အဃိလီၤ.

လံာ်လူၤကၣ် 22:64

အဝဲသ့ၣ်ဘိၣ်ဘၢဃာ်ဝဲအမဲာ်ဒီးသံကွၢ်အီၤ, “မတၤတီၢ်နၤလဲၣ်. တယာ်ဒီးတဲတက့ၢ်.”

လံာ်လူၤကၣ် 4:36

ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.”

လံာ်လူၤကၣ် 5:26

အဝဲသ့ၣ်ကိးဂၤဒဲးကမၢကမၣ်ဝဲဒိၣ်မးဒီးလၢတၢ်ပျံၤတၢ်ဖုးအဒိၣ် အအါအပူၤ, အဝဲသ့ၣ်စံးထီၣ်ပတြၢၤကစၢ်ယွၤဒီးစံးဝဲ, “မုၢ်တနံၤအံၤ, ပထံၣ်ဘၣ်တၢ်လၢအလီၤလိၢ်လီၤလးမးတဖၣ်လီၤ.”