လံာ်ယၡါယၤ 52:10 - Sgaw Karen Common Bible

¹⁰ ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 52:10 Iomraidhean Croise

လံာ်စီၤယိၤဘး 40:9

နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 67:2

ဒ်သိးပှၤဟီၣ်ခိၣ်ဖိကသ့ၣ်ညါအကျဲ, ပှၤကလုာ်ခဲလၢာ်ကသ့ၣ်ညါ အတၢ်အုၣ်က့ၤခီၣ်က့ၤအစိကမီၤန့ၣ်တက့ၢ်.

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 33:13

မ်ပှၤကိးဂၤဒဲးလၢအဘူးဒီးအယံၤန့ၣ်နၢ်ဟူတၢ်လၢယမၤ တ့ၢ်အီၤဒီးသ့ၣ်ညါအၢၣ်လီၤယတၢ်စိတၢ်ကမီၤန့ၣ်တက့ၢ်.”

လံာ်ယၡါယၤ 40:5

အန့ၣ်ဒီး, ယွၤအလၤကပီၤကဘၣ်တၢ်လီၣ်ဖျါထီၣ်အီၤ, ဒီးကယဲၢ်ပှၤဟီၣ်ခိၣ်ဖိခဲလၢာ်ကထံၣ်ဘၣ်အီၤလီၤ. ယွၤအနီၢ်ကစၢ်ဒၣ်ဝဲအၢၣ်လီၤတ့ၢ်တၢ်အံၤလီၤ.”

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယၡါယၤ 59:16

အဝဲကမၢကမၣ်လၢတထံၣ်န့ၢ်ဘၣ်ပှၤနီတဂၤလၢကမၤစၢၤ ပှၤလၢအဘၣ်တၢ်မၤအၢမၤနးအီၤတဖၣ်ဘၣ်အဃိလီၤ. သတးဒီးအဝဲကသူအတၢ်စိကမီၤဒၣ်ဝဲလၢကမၤထူၣ်ဖျဲး အဝဲသ့ၣ်ဒ်သိးကမၤနၢၤတၢ်အဂီၢ်လီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယၡါယၤ 63:5

ဖဲယကွၢ်တၢ်ဒီးထံၣ်လၢပှၤကမၤစၢၤယၤတအိၣ်နီတဂၤဘၣ်န့ၣ်, ယကမၢကမၣ်တ့ၢ်ယဲလီၤ. ဘၣ်ဆၣ်ဒီးယတၢ်သးထီၣ်မၤဆူၣ် ထီၣ်ယၤ, ဒီးယကစၢ်ဒၣ်ယဲယမၤနၢၤကွံာ်တၢ်န့ၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်လူၤကၣ် 2:30

လၢယမဲာ်ချံဒၣ်ယဲန့ၣ်, ယထံၣ်ဘၣ်လံနတၢ်အုၣ်က့ၤခီၣ်က့ၤ,

လံာ်လူၤကၣ် 3:6

ပှၤဟီၣ်ခိၣ်ဖိကိးဂၤဒဲး ကထံၣ်ဘၣ် ကစၢ်ယွၤအတၢ်အုၣ်က့ၤခီၣ်က့ၤလီၤ.’ ”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

လံာ်စီၤယိၤၡူ 4:24

လၢတၢ်ဂ့ၢ်အံၤအဃိ, ပှၤအိၣ်လၢဟီၣ်ခိၣ်ချၢခဲလၢာ်ကသ့ၣ် ညါလၢယွၤအစိကမီၤဒိၣ်ဝဲထဲလဲၣ်, ဒီးသုကမၤလၤကပီၤယွၤ သုကစၢ်ယွၤအစိၤစိၤအဃၣ်ဃၣ်န့ၣ်လီၤ.”

လံာ်လီၣ်ဖျါ 14:6

အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”