လံာ်ယၡါယၤ 51:4 - Sgaw Karen Common Bible

⁴ ဒိကနၣ်ယၤ, ယပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ်သုတက့ၢ်. ယဟ့ၣ်ယတၢ်သိၣ်လိဆူပှၤကလုာ်တဖၣ်ဒီး ယတၢ်သိၣ်တၢ်သီတဖၣ်ကဟဲစိာ်န့ၢ်အဝဲသ့ၣ် လၢတၢ်ကပီၤလီၤ.

လံာ်ယၡါယၤ 51:4 Iomraidhean Croise

စံးထီၣ်ပတြၢၤ 106:5

ဒ်သိးယကသးခုဘၣ်လၢနပှၤဃုထၢဖိတဖၣ် အတၢ်ဘီၣ်ထီၣ်ညီထီၣ်, ဒ်သိးယကဒိးန့ၢ်ဃုာ်တၢ်သးခုဒီး နပှၤကလုာ်ဒီး ယကဟ့ၣ်က့ၤ တၢ်စံးထီၣ်ပတြၢၤဃုာ်ဒီး နပှၤန့ၢ်သါတၢ်တဖၣ်တက့ၢ်.

စံးထီၣ်ပတြၢၤ 147:20

အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤတဖၣ်န့ၣ်ဘၣ်. အဝဲသ့ၣ်တသ့ၣ်ညါ အတၢ်သိၣ်တၢ်သီတဖၣ်န့ၣ်ဘၣ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 33:12

ပှၤကလုာ်လၢကစၢ်ယွၤမ့ၢ်အကစၢ်န့ၣ်ဘၣ်ဆိၣ်ဂ့ၤနီၢ်နီၢ် ဒီးပှၤဂီၢ်မုၢ်လၢကစၢ်ယွၤဃုထၢအီၤလၢ အတၢ်န့ၢ်သါအဂီၢ်ဒၣ်ဝဲန့ၣ် ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 50:7

ဒိကနၣ်, ယပှၤဂီၢ်မုၢ်သ့ၣ်ဧၢ, ဒီးယကတိၤတၢ်, အံၣ်စရ့လးဧၢ, ယကအုၣ်ယသးထီဒါနၤလီၤ. ယဲဒၣ်အံၤယမ့ၢ်ကစၢ်ယွၤ, နကစၢ်ယွၤလီၤ.

စံးထီၣ်ပတြၢၤ 78:1

ယပှၤဂီၢ်မုၢ်သ့ၣ်ဧၢ, ကနၣ်ယတၢ်သိၣ်လိသီလိ, ဒီးဒိကနၣ်ယထးခိၣ်အတၢ်ကတိၤန့ၣ်တက့ၢ်.

လံာ်တၢ်ဟးထီၣ်ကွံာ် 19:6

ပှၤဂီၢ်မုၢ်တဖုလၢတၢ်ပာ်စီဆှံအီၤထဲဒၣ်ဆူယၤတဂၤဧိၤအအိၣ်, ဒီးသုကမၤတၢ်ခ့တၢ်ပှၤအတၢ်မၤလၢယဂီၢ်ဒ်ပှၤလုၢ်တၢ်အခိၣ်တဖၣ် အသိးန့ၣ်လီၤ.”

လံာ်တၢ်ဟးထီၣ်ကွံာ် 33:13

ခဲကနံၣ်အံၤနမ့ၢ်ဘၣ်သူၣ်ဘၣ်သးန့ၣ်ဒီးတဲဘၣ်ယၤလၢနတၢ်သုးတၢ် ကျဲၤဒ်သိးယကမၤနတၢ်မၤဒီးမၤတၢ်ဘၣ်နသးတက့ၢ်. သ့ၣ်နီၣ်ထီၣ်စ့ၢ်ကီးလၢနဃုထၢတ့ၢ်ပှၤကလုာ်အံၤလၢကကဲထီၣ်နတၢ် ဒၣ်နဲန့ၣ်တက့ၢ်.”

တၢ်ကတိၤဒိ. 6:23

အတၢ်သိၣ်က့ၤသီက့ၤတဖၣ်န့ၣ်, မ့ၢ်မ့ၣ်အူဒၢလၢအကပီၤထီၣ်ဝဲ, ဒီးအတၢ်ဘှီဘၣ်က့ၤသိၣ်လိနၤလၢနကအိၣ်မူဒ်လဲၣ်သ့ဝဲန့ၣ်လီၤ.

လံာ်ယၡါယၤ 1:27

မ့ၢ်လၢယွၤတီဝဲလိၤဝဲအဃိဒီး, အဝဲကအုၣ်က့ၤခီၣ်က့ၤဝ့ၢ်ယ ရူၤၡလ့ၣ်ဒီးပှၤအိၣ်ဖဲန့ၣ်ကိးဂၤဒဲးလၢအပီၢ်ယၢ်လီၤက့ၤအသးလီၤ.

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 26:2

အိးထီၣ်ဝ့ၢ်အတြဲၤတဖၣ် ဒီးပျဲပှၤအတီအလိၤတကလုာ်လဲၤနုာ်ဝဲ, ပှၤတကလုာ်လၢအပှၤဂီၢ်မုၢ်မၤတၢ်တီတၢ်လိၤ န့ၣ်တက့ၢ်.

လံာ်ယၡါယၤ 26:8

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 63:8

ယွၤစံးဝဲဒၣ်, “အဝဲသ့ၣ်မ့ၢ်ယပှၤဂီၢ်မုၢ်, အဝဲသ့ၣ်တလီယၤဘၣ်.” လၢတၢ်န့ၣ်အဃိအဝဲဒၣ်အုၣ်က့ၤခီၣ်က့ၤအဝဲသ့ၣ်,

လံာ်မံကၤ 4:2

ဒီးအပှၤဂီၢ်မုၢ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်အဒီခိၣ်, ဆူအံၣ်စရ့လးအကစၢ်ယွၤအတၢ်လုၢ်လီၢ်တက့ၢ်. အဂ့ၢ်ဒ်အံၤ, ကသိၣ်လိပှၤလၢတၢ်လၢအအဲၣ်ဒိး ပကမၤအီၤတဖၣ်, ပကလဲၤတၢ်လၢကျဲတဖၣ်လၢအဃုထၢန့ၢ်ပှၤလီၤ. အဂ့ၢ်ဒ်အံၤ, ယွၤအတၢ်သိၣ်လိဟဲလၢဝ့ၢ်ယရူၤၡလ့ၣ်, ဒီးကတိၤတၢ်လၢစံယိၣ်ဆူအပှၤဂီၢ်မုၢ်အအိၣ်လီၤ”.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

1 ကရံၣ်သူး 9:21

ဒ်န့ၣ်အသိး, ဖဲယမၤတၢ်လၢပှၤကလုာ်တဖၣ်အသိးအကျါ န့ၣ်, ယအိၣ်မူယဲဒ်ပှၤကလုာ်ဂၤတဂၤအသိး, လၢယူဒၤ တၢ်သိၣ်တၢ်သီအချၢ, ဒ်သိးယကမၤန့ၢ်က့ၤပှၤကလုာ်ဂၤတဖၣ်ဆူခရံာ်အအိၣ်န့ၣ်လီၤ. အဝဲအံၤန့ၣ်, အခီပညီတမ့ၢ်လၢယတဒိကနၣ်ယွၤအတၢ်သိၣ်တၢ် သီဘၣ်. ယအိၣ်ယဲနီၢ်နီၢ်လၢခရံာ်အတၢ်သိၣ်တၢ်သီအဖီလာ်လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.