လံာ်ယၡါယၤ 51:22 - Sgaw Karen Common Bible

²² ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယၡါယၤ 51:22 Iomraidhean Croise

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 60:3

နဒုးတူၢ်တ့ၢ်လံနပှၤဂီၢ်မုၢ်လၢ တၢ်ကီတၢ်ခဲသ့ၣ်တဖၣ်, နဟ့ၣ်တ့ၢ်လံပှၤစပံးထံလၢပကအီဒီး ကမၤမူၤပှၤန့ၣ်လီၤ.

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

လံာ်ယၡါယၤ 29:9

လဲၤစၢ်ခီလၢတၢ်သးတဆးအပူၤတက့ၢ်. လဲၤစၢ်ခီလၢတၢ်မဲာ်ဘျီၣ်အပူၤတက့ၢ်. စပံးထံတအိၣ်ဘၣ်ဒီးမူၤ စၢ်ခီတက့ၢ်. မ့ၢ်တအီနီတလီၤစီၤဒၣ်လဲာ်ဟးကနူၤကပၤနဲဒၣ်တက့ၢ်.

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ယၡါယၤ 3:13

ယွၤအိၣ်ကတဲာ်ကတီၤအသးလၢကတဲဖျါထီၣ်အကွီၢ်, ဒီးအိၣ်ကတဲာ်ကတီၤအသးလၢကစံၣ်ညီၣ်အပှၤဂီၢ်မုၢ်လီၤ.

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 50:34

ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်, ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”

လံာ်ယံးရမံယၤ 51:36

မၤသးဒ်န့ၣ်ဒီး, ယွၤစံးဘၣ်ဝ့ၢ်ယရူၤရှလ့ၣ်အပှၤဂီၢ်မုၢ်, “ယကဟံးထီၣ်သုကွီၢ်, ဒီးမၢသုဒုၣ်သုဒါဟ့ၣ်ဆၢက့ၤတၢ် အပှ့ၤလၢတၢ်လၢအဝဲသ့ၣ်မၤဘၣ်တ့ၢ်သုအဂီၢ်န့ၣ်လီၤ. ယကမၤလီၤသံးကွံာ် ဝ့ၢ်ဘၤဘူၤလိၣ်အထံဟဲထီၣ် အဂံၢ်ထံးဒီး မၤဃ့ထီကွံာ်အထံကျိတဖၣ်န့ၣ်လီၤ.

လံာ်သးသယုၢ်တၢ် 3:15

ကယဲၢ်တၢ်လၢအဟ့ၣ်ယၤလၢတၢ်အီၣ်တၢ်အီအဂီၢ်န့ၣ်မ့ၢ်ထဲ တၢ်တူၢ်ဘၣ်ခီၣ်ဘၣ်အခၣ်တဖၣ်လီၤ.

လံာ်သးသယုၢ်တၢ် 3:58

နတုၤအိၣ်ယၤလၢတၢ်အုၣ်က့ၤခီၣ်က့ၤအဂီၢ်ဒီးယွၤဧၢ, နမၤပူၤဖျဲးယသးသမူလီၤ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်ဧိၤဘါဒယၤ 1:16

အဂ့ၢ်ဒ်အံၤ, ဒ်သုအီတ့ၢ်တၢ်စံၣ်ညီၣ်အလီခီလၢ ယကစၢၢ်စီဆှံအလိၤအသိးန့ၣ်, ပှၤကလုာ်အိၣ်ဝးတရံးခဲလၢာ်စ့ၢ်ကီးကအီဝဲလီၤ. ကအီဝဲဒီးယူၢ်လီၤဝဲဆၢထၢၣ်တကျၢၤလၢၤဘၣ်ဒီးကဟါမၢ်ကွံာ် ဝဲဒ်ပှၤလၢအတအိၣ်တ့ၢ်ဘၣ်နီတစုအသိးန့ၣ်လီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်စကၤရယၤ 12:2

“ယကမၤဝ့ၢ်ယရူၤၡလ့ၣ်ဒ်စပံးထံတခွးအသိး, ဒီးပှၤကလုာ်တဖၣ်လၢအအိၣ်ဝးတရံးအီၤန့ၣ်ကအီအီၤဒီး ကလဲၤကနုၤကပၤဒ်ပှၤအီမူၤသံးတဖၣ်အသိးန့ၣ်လီၤ. ဒီးဖဲအဝဲသ့ၣ်ကဝီၤဃာ်ဝ့ၢ်ယရူၤၡလ့ၣ်အခါန့ၣ်ကီၢ်ယူဒၤအ ဝ့ၢ်လၢအအိၣ်တ့ၢ်တဖၣ်ကဘၣ်တၢ်ကဝီၤဃာ်အီၤစ့ၢ်ကီးန့ၣ်လီၤ.

လံာ်မးသဲ 20:22

ဘၣ်ဆၣ်ယ့ၣ်ၡူးစံးဆၢအဝဲသ့ၣ်ဒီးစံး, “သုဃ့တၢ်မနုၤမနုၤ လဲၣ်န့ၣ်, သုတသ့ၣ်ညါဘၣ်. တၢ်နးတၢ်ဖှီၣ်အလီခီလၢယကဘၣ်အီန့ၣ်, မ့ၢ်သုအီကကဲကစီဒီဧါ.” အဝဲသ့ၣ်စံးဆၢအီၤ, “ကဲကစီဒီလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”