လံာ်ယၡါယၤ 51:2 - Sgaw Karen Common Bible

² ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယၡါယၤ 51:2 Iomraidhean Croise

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:1

ခဲအံၤစီၤအၤဘြၤဟၣ်အသးပှၢ်ဒိၣ်မးလံ, ဒီးယွၤဆိၣ်ဂ့ၤတ့ၢ် အီၤလၢကယဲၢ်တၢ်လၢအမၤတ့ၢ်ဝဲခဲလၢာ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:35

ယွၤဆိၣ်ဂ့ၤယကစၢ်ဒိၣ်မးဒီးဒုးကဲထီၣ်အီၤလၢပှၤထူးပှၤတီၤ တဂၤန့ၣ်လီၤ. ယွၤဟ့ၣ်အီၤလၢသိ, မဲာ်တဲးလဲးဒီးဂီၤဘုၣ်ဂီၤဖံးအဖုအဂီၢ် တဖၣ်, စ့, ထူဒီးကုၢ်ပိာ်မုၣ်ကုၢ်ပိာ်ခွါတဖၣ်, ကီၤလၤအူးဒီးကသ့ၣ် ယီၤတဖၣ်န့ၣ်လီၤ.

လံာ်ယၡါယၤ 29:22

သတးဒီးခဲအံၤ, ယွၤ, အံၣ်စရ့လးအကစၢ်ယွၤတဂၤ, လၢအမၤပူၤမၤဖျဲးတ့ၢ်စီၤအၤဘြၤဟၣ်လၢတၢ်ကိၢ်တၢ်ဂီၤ အပူၤစံးဝဲ, “ယပှၤဂီၢ်မုၢ်သ့ၣ်ဧၢ, သုတဘၣ်တၢ်မၤမဲာ်ဆှး သုလၢၤဘၣ်, ဒီးသုမဲာ်သၣ်တဖၣ်တလီၤဝါလၢၤလၢတၢ်မဲာ် ဆှးအဃိနီတစုဘၣ်.

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ယၡါယၤ 43:27

နမိၢ်ပၢ်ဖံဖုအဆိကတၢၢ်တဖၣ်အကျါတဂၤ မၤတ့ၢ်တၢ်ဒဲးဘးလီၤ. နပှၤခိၣ်ပှၤနၢ်တဖၣ်မၤတ့ၢ်တၢ်ဒဲးဘးထီဒါယၤလီၤ.

လံာ်ယၡါယၤ 48:1

ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်သိၣ်လီၤသီလီၤတၢ် 1:10

ယွၤ, သုကစၢ်ယွၤမၤအါထီၣ်သုနီၣ်ဂံၢ်ဒ်ဆၣ်ဧိၤဖီဧိၤတဖၣ်လၢ မူခိၣ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.

လံာ်စီၤယိၤၡူ 24:3

ဒီးယဟံးန့ၢ်သုပၢ်စီၤအၤဘြၤဟၣ်လၢထံမိၢ်ပှၢ် အဝၢ်ဘးခီဒီးဆှၢအီၤလၢကီၢ်ကနၤဧၣ်ဒီဘ့ၣ်ညါဒီးဟ့ၣ်လီၤ အီၤလၢအစၢၤအသွဲၣ်အါမးန့ၣ်လီၤ. ယဟ့ၣ်လီၤစီၤအံၤစဲး,