လံာ်ယၡါယၤ 51:19 - Sgaw Karen Common Bible

¹⁹ တၢ်တတၢးတနါခံမံၤဟဲလီၤဘၣ်လၢနလိၤလီၤ. နလီၢ်နကျဲဘၣ်တၢ်မၤဟးဂီၤအီၤလၢ တၢ်ဒုးတၢ်ယၤအဃိ ဒီးနပှၤဂီၢ်မုၢ်သၣ်ဝံၤလီၤဒိဝဲလီၤ. ပှၤကဒုးနဲၣ်နၤလၢအတၢ်သးကညီၤ တအိၣ်နီတဂၤဘၣ်.

လံာ်ယၡါယၤ 51:19 Iomraidhean Croise

လံာ်စီၤယိၤဘး 2:11

ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

လံာ်စီၤယိၤဘး 42:11

စီၤယိၤဘးအဒီပုၢ်ဝဲၢ်ခွါဒီးဒီပုၢ်ဝဲၢ်မုၢ်ခဲလၢာ်, ဒီးအတံၤသကိးလၢထံးလၢမကိာ်ခဲလၢာ်န့ၣ်ဟဲဆူအအိၣ်ဒီးအီၣ် တၢ်လၢအဟံၣ်ပူၤလီၤ. အဝဲသ့ၣ်ပာ်ဖျါထီၣ်အတၢ်သးတမုာ် ဒီးမၤမုာ်အီၤလၢကယဲၢ်တၢ်ကိၢ်တၢ်ဂီၤလၢယွၤဟဲစိာ်န့ၢ်လၢ အဖီခိၣ်န့ၣ်လီၤ. အဝဲသ့ၣ်ကိးဂၤဒဲးဟ့ၣ်အီၤလၢစ့တနီၤဒီး ပသံးထူတဘိစုာ်စုာ်န့ၣ်လီၤ.

စံးထီၣ်ပတြၢၤ 69:20

တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ, တုၤဒၣ်လဲာ်ယအိၣ်လၢ တၢ်သူၣ်ဟးဂီၤသးဟးဂီၤအပူၤန့ၣ်လီၤ. ယကွၢ်လၢ်ပှၤလၢအကသးကညီၤတၢ်, ဘၣ်ဆၣ်တအိၣ်နီတဂၤဘၣ်. ဒီးပှၤလၢအမၤမုာ်တၢ်တဖၣ်, ဘၣ်ဆၣ်ယတထံၣ်န့ၢ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ယၡါယၤ 14:30

ယွၤကမ့ၢ်ပှၤကွၢ်သိလၢအပှၤဖှီၣ်ဖိယာ်ဖိတဖၣ်အဂီၢ်ဒီးက ပျဲအဝဲသ့ၣ်အိၣ်မူလၢတၢ်ပူၤဖျဲးအလီၢ်လီၤ. ဘၣ်ဆၣ်ဒီး, အဝဲကဆှၢလီၤတၢ်သၣ်ဝံၤလီၤဒိလၢအလီၤပျံၤလီၤဖုးဖးဒိၣ် လၢသုဝဲပှၤဖလ့ၡသးဖိတဖၣ်အဖီခိၣ်ဒီးတပျဲသုကမူနီတဂၤဘၣ် န့ၣ်လီၤ.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယၡါယၤ 47:9

ဘၣ်ဆၣ်လၢတစိၢ်ဖိအတီၢ်ပူၤ, လၢတနံၤဃီအပူၤန့ၣ်, တၢ်ခံမံၤလိာ်အံၤကမၤအသးလီၤ. နသူတၢ်မၤကဒါမဲာ်, တၢ်အူတၢ်သမူတဖၣ်ဒၣ်လဲာ်န့ၣ်, နဝၤဒီးနဖိတဖၣ်ကလီၤမၢ်န့ၢ်နၤလီၤ.

လံာ်ယၡါယၤ 54:11

ယွၤစံးဝဲ, “အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်, မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ, ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်ယၡါယၤ 60:18

တၢ်စုဆူၣ်ခီၣ်တကးအသီၣ်တဖၣ် နတနၢ်ဟူဘၣ်လၢၤအီၤဘၣ်, တၢ်မၤဟးဂီၤတမၤလီၤကလဲကဒီး နထံနကီၢ်တဘျီလၢၤဘၣ်. ယကဒီဒၣ်အိၣ်ပှိၤဒီးကဟုကယာ်နၤဒ် တၢ်ဒူၣ်တခါအသိး, နကစံးထီၣ်ပတြၢၤယၤ မ့ၢ်လၢယအုၣ်က့ၤခီၣ်က့ၤတ့ၢ်နၤအဃိလီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 8:21

ပှၤဂီၢ်မုၢ်ကဟးဝ့ၤဝီၤလၢထံကီၢ်အပူၤအိၣ်ဒီးတၢ်သးဟးဂီၤဒီး တၢ်သူၣ်ဝံၤသၣ်စ့ၤလီၤ. လၢအတၢ်သးထီၣ်ဒီးအတၢ်သၣ်ဝံၤ သၣ်စ့ၤအပူၤန့ၣ်, အဝဲသ့ၣ်ကဆိၣ်အၢအစီၤပၤဒီးအကစၢ်ယွၤလီၤ. အဝဲသ့ၣ်ကကွၢ်ထီၣ်တၢ်ဆူမူခိၣ်,

လံာ်ယၡါယၤ 9:20

လၢတၢ်လီၢ်ကိးပူၤဒဲးလၢထံကီၢ်အပူၤန့ၣ်, ပှၤဂုာ်န့ၢ်ထဲးန့ၢ်ဒီးအီၣ်တၢ်အီၣ်တစဲးဂ့ၤတမှဲးဂ့ၤလၢအထံၣ်န့ၢ်ဝဲသ့, ဘၣ်ဆၣ်ဒီးတၢ်သၣ်ဝံၤအသးတတုာ်နီတစုဘၣ်. အဝဲသ့ၣ်အီၣ်က့ၤဒၣ်လဲာ်အဖိတဖၣ်န့ၣ်လီၤ.

လံာ်ယံးရမံယၤ 15:5

ယွၤစံးဝဲဒၣ်, “ဝ့ၢ်ယရူၤရှလ့ၣ်အပှၤဂီၢ်မုၢ်သ့ၣ်ဧၢ, မ့ၢ်မတၤ ကသးကညီၤသုလဲၣ်, ဒီးမ့ၢ်မတၤကသူၣ်အုးသးအုးလၢသုဃိန့ၣ်လဲၣ်. မ့ၢ်မတၤကအိၣ်ကတီၢ်တစိၢ်ဒီးသံကွၢ်သု, မ့ၢ်သုအိၣ်မုာ်အိၣ်ခုၣ်ကစီဒီဧါန့ၣ်လဲၣ်.

လံာ်ယံးရမံယၤ 24:10

ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်သးသယုၢ်တၢ် 1:9

အတၢ်တကဆှီဘၣ်န့ၣ်ဘၣ်တၢ်ထံၣ်အီၤညီကဒၣ်, ဘၣ်ဆၣ်ဒီးတပာ်သူၣ်ပာ်သးလၢတၢ်ကစံၣ်ညီၣ်အီၤဃါမနၤအဂ့ၢ်ဘၣ်. အတၢ်လီၤပှီၢ်မ့ၢ်တၢ်လီၤပျံၤလီၤဖုးလီၤ. ပှၤမၤမုာ်ထီၣ်အီၤတသ့နီတဂၤဘၣ်. အဒုၣ်အဒါတဖၣ်မၤနၢၤတၢ်လံ. ဒီးကိးပသူထီၣ်ဝဲဆူယွၤအအိၣ်လၢတၢ်သးကညီၤအဂီၢ်လီၤ.

လံာ်သးသယုၢ်တၢ် 3:47

ပဟဲခီဖျိလံတၢ်နးတၢ်ဖှီၣ်ဒီးတၢ်ဟးဂူာ်ဟးဂီၤ, ပအိၣ်မူလၢတၢ်လီၤပျံၤဒီးတၢ်သူၣ်ပျံၤသးဖုးအပူၤလီၤ.

လံာ်ယဃ့းစက့လး 14:15

မ့တမ့ၢ်ယကမၢလီၤဆၣ်ဖိကီၢ်ဖိအမံၤတဖၣ်လၢကမၤသံကွံာ်ပှၤဂီၢ် မုၢ်တုၤဒၣ်လဲာ်ထံကီၢ်န့ၣ်ကလီၤပျံၤလီၤဖုးတုၤပှၤဟးထီၣ် က့ၤလီၤတသ့နီတဂၤဘၣ်,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ဧၤမိၣ် 7:2

လၢယတၢ်ထံၣ်လၢညါခီအပူၤယထံၣ်တ့ၢ်ဒွဲၣ်တဖၣ်အီၣ်လၢာ်ကွံာ်ကယဲၢ် တၢ်အသံကစဲာ်ကိးမံၤဒဲးလၢကီၢ်ပူၤန့ၣ်လီၤ. တုၤနုၤတစုယစံး, တၢ်စိတၢ်ကမီၤခဲလၢာ်အယွၤဧၢ, ပျၢ်နပှၤဂီၢ်မုၢ်အတၢ်ကမၣ်တက့ၢ်. အဝဲသ့ၣ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးအဂံၢ်စၢ်ဘါစၢ်ဒိၣ်မးလီၤ.

လံာ်နၤဃူၣ် 3:7

ဒီးကယဲၢ်ပှၤလၢအထံၣ်နၤကသံးက့ၤအသး ဆူအလီၢ်ခံန့ၣ်လီၤ. အဝဲသ့ၣ်ကစံးဝဲဒၣ်လၢ, ဝ့ၢ်နံၤနဝ့ဒါလီၤအသးလၢတၢ်ဟးဂီၤအပူၤလံ. မ့ၢ်မတၤအိၣ်ဒံးဒီးတၢ်သးကညီၤလၢအဂီၢ်တဂၤလဲၣ်. မ့ၢ်မတၤကသးအိၣ်မၤမုာ်အီၤတဂၤလဲၣ်.”

၂ ကရံၣ်သူး 7:13

လၢတၢ်န့ၣ်အဃိ ပဂံၢ်ပဘါဘၣ်တၢ်ဒုးဆူၣ်ထီၣ်အီၤန့ၣ် လီၤ. တမ့ၢ်ထဲပဂံၢ်ပဘါဘၣ်တၢ်ဒုးဆူၣ်ထီၣ်အီၤဘၣ်. စီၤတံတူးဒုးသးခုမးပှၤခီဖျိအဝဲအတၢ်သူၣ်ခုသးခုလၢ ကျဲလၢသုဝဲကိးဂၤသုမၤဖှံထီၣ်အသးအဃိန့ၣ်လီၤ.