လံာ်ယၡါယၤ 51:14 - Sgaw Karen Common Bible

¹⁴ ပှၤတဖၣ်လၢအဘၣ်တၢ်စၢဃာ်အီၤ လၢဃိာ်ပူၤန့ၣ်တယံာ်လၢၤဘၣ်ဒီး ကဘၣ်တၢ်မၤထူၣ်ဖျဲးအီၤလီၤ. အဝဲသ့ၣ်ကအိၣ်မူလၢတၢ်အိၣ်ကၢအိၣ်ခိးအပူၤ ဒီးကအိၣ်ဒီးတၢ်အီၣ်ခဲလၢာ်လၢအလိၣ်ဘၣ်ဝဲန့ၣ်လီၤ.

လံာ်ယၡါယၤ 51:14 Iomraidhean Croise

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်ယၡါယၤ 30:20

ယွၤကဒုးလဲၤခီဖျိသုလၢတၢ်ကီတၢ်ခဲအဆၢကတီၢ်တဖၣ်လီၤ. ဘၣ်ဆၣ်ဒီးအဝဲအကစၢ်ဒၣ်ဝဲကအိၣ်ဖဲန့ၣ်လၢတၢ်သိၣ်လိသု အဂီၢ်, ဒီးသုတဘၣ်လူၤဃုအီၤနီတစုလၢၤဘၣ်.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 52:2

ဝ့ၢ်ယရူၤၡလ့ၣ်ဧၢ, တြုၤလီၤကွံာ်နဖၣ်ကမူၣ်ဖၣ်ဆါတဖၣ်, ဂဲၤဆၢထၢၣ်ဒီးဆ့ၣ်နီၤလၢနလီၢ်ပစိာ်န့ၣ်တက့ၢ်. ဃ့ၣ်လီၤကွံာ်ပျံၤထးတဖၣ်လၢအစၢဃာ်သု, သုဝဲဝ့ၢ်စံယိၣ် အပှၤဂီၢ်မုၢ်လၢအဘၣ်တၢ်မၢကဲကုၢ်အီၤသ့ၣ်ဧၢ.

လံာ်ယံးရမံယၤ 37:16

ယဘၣ်တၢ်ဒၢနုာ်ယၤလၢ ဒၢးဆံးဆံးဖိတဒၢးလၢတၢ်ခူၣ်န့ၣ်အီၤ လၢဟီၣ်ခိၣ်လာ်, အပူၤ, ဒီးယဘၣ်တၢ်ပၢၤယၤဖဲန့ၣ်ဖးယံာ် ဖးထၢန့ၣ်လီၤ.

လံာ်စကၤရယၤ 9:11

ယွၤစံးဝဲဒၣ်, “မ့ၢ်လၢယတၢ်အၢၣ်လီၤအီလီၤလၢယမၤဒီးနၤ လၢအဘၣ်တၢ်စဲပနီၣ်ဃာ်အီၤ လၢတၢ်လုၢ်တဖၣ်အတၢ်သွံၣ်အဃိဒီး, ယကမၤထူၣ်ဖျဲးနပှၤဂီၢ်မုၢ်, ကထူၣ်ဖျဲးထီၣ်လၢတၢ်ကဲကုၢ်အတၢ်ယိာ်ပူၤ, ဖဲထံတအိၣ်ဘၣ်အလီၢ်န့ၣ်လီၤ.