လံာ်ယၡါယၤ 51:13 - Sgaw Karen Common Bible

¹³ သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်ယၡါယၤ 51:13 Iomraidhean Croise

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်စီၤယိၤဘး 37:18

မ့ၢ်နမၤစၢၤကစၢ်ယွၤအတၢ်သလၣ်ထီၣ်မူခိၣ်ဒီးဒုးကျၢၤ အီၤဒ်မဲာ်ထံကလၤတဘ့ၣ်သိအသးအသိးဘၣ်ကသ့ဧါ.

လံာ်စီၤယိၤဘး 9:8

အဝဲမ့ၢ်ပှၤထဲတဂၤဧိၤလၢသလၣ်ထီၣ်မူကပိာ်လိၤဒီးမၤနၢၤပီၣ် လဲၣ်အလပီသ့ၣ်တဖၣ်န့ၣ်လီၤ.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 106:13

ဘၣ်ဆၣ်အဝဲသ့ၣ်သးပ့ၤနီၣ်အဝဲ အတၢ်မၤတဖၣ်ချ့သဒံး ဒီးမၤတၢ်တအိၣ်ဒီးတၢ်ခိး အဝဲတၢ်ဟ့ၣ်ကူၣ်ဟ့ၣ်ဖးဘၣ်န့ၣ်လီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်ယၡါယၤ 10:24

ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်စံးဘၣ်အပှၤဂီၢ်မုၢ် လၢအအိၣ်လၢစံယိၣ်, “ပျံၤဘၣ်ပှၤအၤၡူၢ်ဖိတဖၣ်တဂ့ၤ. အဝဲသ့ၣ်မ့ၢ်မၤအၢမၤနးသုဒ်ပှၤအဲၤကူပတူးဖိမၤညီနုၢ်တ့ၢ်ဝဲ အသိးဒၣ်လဲာ်န့ၣ်ပျံၤတဂ့ၤ.

လံာ်ယၡါယၤ 14:4

ဖဲအဝဲမၤတၢ်အံၤဒီး, အဝဲသ့ၣ်ကဘၣ်ဒုၣ်ဒွဲၣ်ကီၢ်ဘၤဘူၤလိၣ်အစီၤ ပၤဒီးစံး, “စီၤပၤအအၢအသီတဂၤလီၤလံ. အဝဲတမၤအၢမၤ နးကဒီးပှၤနီတဂၤနီတစုလၢၤဘၣ်.

လံာ်ယၡါယၤ 16:4

ပျဲပအိၣ်လၢနထံလီၢ်ကီၢ်ပူၤတက့ၢ်. ဒီဒၣ်အိၣ်ပှိၤပှၤလၢပှၤတဖၣ်လၢအသးအိၣ်မၤဟးဂီၤပှၤန့ၣ် တက့ၢ်.” (တၢ်မၤအၢမၤနးဒီးတၢ်မၤဟးဂီၤကကတၢၢ်ဝဲ ဒီးပှၤတဖၣ်လၢအမၤဟးဂီၤထံကီၢ်ကလဲၤပူၤကွံာ်ဝဲလီၤ.

လံာ်ယၡါယၤ 17:10

ကီၢ်အံၣ်စရ့လးဧၢ, နသးပ့ၤနီၣ်ကစၢ်ယွၤလၢအအုၣ်က့ၤခီၣ် က့ၤနၤဒီးဒီဒၣ်အိၣ်ပှိၤနၤဒ်လၢၢ်မုၢ်လ့တီလၢအဂံၢ်ဆူၣ်ဘါဆူၣ် တဖျၢၣ်အသိးန့ၣ်လီၤ. အခိၣ်တလိာ်, နသူၣ်လီၤဖီကရၢၢ်စီဆှံ တဖၣ်လၢနကဘူၣ်ထီၣ်ဘါထီၣ်တခီဘီမုၢ်အကစၢ်အဂီၢ်လီၤ.

လံာ်ယၡါယၤ 40:21

မ့ၢ်နတသ့ၣ်ညါဘၣ်ဧါ. မ့ၢ်တၢ်တစံးဘၣ်တဲဘၣ်တ့ၢ်နၤလၢအခီၣ်ထံးလံၤလံၤန့ၣ်ဘၣ်ဧါ. မ့ၢ်နတနၢ်ဟူတ့ၢ်ဟီၣ်ခိၣ်အိၣ်ထီၣ်ဝဲဒ်လဲၣ်န့ၣ်ဘၣ်ဧါ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 45:12

ယမ့ၢ်ပှၤတဂၤလၢအတ့လီၤပာ်လီၤဟီၣ်ခိၣ်ဒီး ပှၤဟီၣ်ခိၣ်ဖိလၢအကအိၣ်ဝဲဖဲန့ၣ်အဂီၢ်လီၤ. လၢယစိယကမီၤဒၣ်ယဲန့ၣ်, ယသလၣ်ထီၣ်မူခိၣ် မူကပိာ်လိၤတဖၣ်လီၤ. ယပၢဆှၢမုၢ်, လါ, ဒီးဆၣ်တဖၣ်လီၤ.

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယၡါယၤ 48:13

ယစုတ့ဟီၣ်ခိၣ်အခီၣ်ထံးတဖၣ်ဒီးသလၣ်ထီၣ်မူခိၣ်မူကပိာ်လိၤ လီၤ. ဖဲယကိးဖှိၣ်မူခိၣ်ဒီးဟီၣ်ခိၣ်န့ၣ်, အဝဲသ့ၣ်ဟဲတဘျီဃီဒီးဒုးနဲၣ်ဖျါထီၣ်အသးလီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယၡါယၤ 7:4

စံးဘၣ်တဲဘၣ်အီၤလၢကစီၣ်မဲာ်စီၣ်နါ, ကပာ်အသးဂၢၢ်ဂၢၢ်, ဒီးအသုတပျံၤတၢ်ဒီးအသးသုတတံာ်တာ်တဂ့ၤ အဂီၢ်တက့ၢ်. စီၤပၤရစံၣ်ဒီးအပှၤစူၤရံဖိတဖၣ်, ဒီးစီၤပၤပ့ကးအတၢ်သးထီၣ်န့ၣ်တလီၤဘၣ်ယိာ်ဘၣ်ဘီထဲသိးဒီးမ့ၣ် အူခံ, ခံဘိအတၢ်ခုၣ်ထီၣ်ဘၣ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 38:19

ဘၣ်ဆၣ်ဒီး စီၤပၤစံးဆၢဝဲ, “ယပျံၤဘၣ်ယပှၤထံဖိကီၢ်ဖိတဖၣ်လၢ အဟးသဒၣ်ကွံာ် ပှၤဒီးလဲၤခီဃီၤဆူ ပှၤဘၤဘူၤလိၣ်ဖိတဖၣ် အအိၣ်န့ၣ်လီၤ. ယကဘၣ်တၢ်ဟ့ၣ်လီၤကွံာ်ဘၣ်ဖုးယၤဆူ အဝဲသ့ၣ်အစုပူၤဒီး အဝဲသ့ၣ်ကမၤဆူး မၤဆါဘၣ် ဖုးယၤန့ၣ်လီၤ.”

လံာ်ယံးရမံယၤ 41:18

လၢတၢ်န့ၣ်အဃိ အဝဲသ့ၣ်လဲၤဝဲဆူ ကီၢ်အဲၤကူပတူးဒ်သိးဒီး ကယံၤထီၣ်ကွံာ်ဒီၤ ပှၤဘၤဘူၤလိၣ်ဖိတဖၣ်အဂီၢ်လီၤ. လၢကျဲန့ၣ်, အဝဲသ့ၣ်ဆိကတီၢ်ဖဲ ကံးမဟၣ်လၢ အဘူးဒီးဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်ယံးရမံယၤ 51:15

ယွၤတ့လီၤ ဟီၣ်ခိၣ်လၢအစိကမီၤဒၣ်ဝဲလီၤ. လၢအတၢ်ကူၣ်သ့ဒၣ်ဝဲန့ၣ်, အဝဲတ့လီၤပာ်လီၤဟီၣ်ခိၣ်ဒီး သလၣ်ထီၣ်မူခိၣ်အလီၢ်တဖၣ်လီၤ.

လံာ်ယံးရမံယၤ 51:19

စီၤယၤကိာ်အကစၢ်ယွၤ တဒ်သိးဘၣ်အဝဲသ့ၣ်ဘၣ်. အဝဲမ့ၢ်ပှၤတဂၤလၢ အတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်လံ အံၣ်စရ့လးလၢ ကမ့ၢ်အပှၤဂီၢ် မုၢ်ဒၣ်ဝဲန့ၣ်လီၤ. ယွၤသ့တၢ်လၢာ်မ့ၢ်အမံၤန့ၣ်လီၤ.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဒၤနံးယ့လး 3:18

မ့တမ့ၢ်ဘၣ်ဒ်န့ၣ်အသိးဒၣ်လဲာ်, သ့ၣ်ညါနဲဒၣ်စီၤပၤဧၢ, ပတမၤဘၣ်နကစၢ်တဖၣ်အတၢ်မၤဘၣ်ဒီးတဘူၣ်ထီၣ်ဘါထီၣ် ဘၣ်တၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဒၤနံးယ့လး 3:19

တုၤနုၤတစုစီၤပၤနဘူၤကးန့စၢ်အသးဖျိးထီၣ်ဝဲဒိၣ်ဒိၣ်ကလဲာ် ဒီးအမဲာ်သၣ်ထီၣ်ဂီၤဝဲဒၣ်လၢတၢ်သးဒိၣ်ဘၣ်စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤအဃိန့ၣ်လီၤ. ဒီးဟ့ၣ်လီၤအကလုၢ်လၢဖၣ်က ပူၤမ့ၣ်အူကဘၣ်တၢ်မၤကဲၤထီၣ်အီၤအါန့ၢ်ဒံးအလီၢ်နွံစးန့ၣ်လီၤ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

1 ကရံၣ်သူး 15:55

“တၢ်သံဘၣ်တၢ်မၤဟးဂီၤကွံာ်အီၤလံ. တၢ်မၤနၢၤလၢဝဲပှဲၤ ဝဲလံ. တၢ်သံဧၢ, နတၢ်မၤနၢၤအိၣ်ဖဲလဲၣ်. တၢ်သံဧၢ, နတၢ်စိတၢ်ကမီၤလၢနကမၤဆူးမၤဆါတၢ်န့ၣ်အိၣ်ဖဲ လဲၣ်.”

လံာ်သိၣ်လီၤသီလီၤတၢ် 32:18

အဝဲသ့ၣ်သးပ့ၤနီၣ်ကွံာ်အကစၢ်ယွၤ, အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲ, ကစၢ်တဂၤလၢအဟ့ၣ်လီၤတ့ၢ်အဝဲသ့ၣ်တၢ်မူန့ၣ်လီၤ.

လံာ်သိၣ်လီၤသီလီၤတၢ် 6:12

ပာ်သူၣ်ပာ်သးသပှၢ်ပှၢ်လၢသုတသးပ့ၤနီၣ်ဘၣ်ယွၤလၢအအုၣ်က့ၤခီၣ် က့ၤသုလၢကီၢ်အဲၤကူပတူးအပူၤ, ဖဲသုမ့ၢ်တ့ၢ်ကုၢ်တဖၣ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 8:11

မၤလီၤတံၢ်လၢ, သုတသးပ့ၤနီၣ်ဘၣ်ယွၤ, သုကစၢ်ယွၤဘၣ်န့ၣ်တ က့ၢ်. လီၤတိၢ်ကွံာ်လၢတၢ်စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ လၢယဟ့ၣ်လီၤသုလၢမုၢ်မဆါတနံၤအံၤန့ၣ်တဂ့ၤ.

ဧ့ၤဘြံၤ 11:15

အဝဲသ့ၣ်အတၢ်ဆိကမိၣ်မ့ၢ်ဘၣ်ဃးဒီးအထံအကီၢ်လၢ အဟးထီၣ်တ့ၢ်လံဝဲလၢအပူၤန့ၣ်ဒီး, အကတီၢ်ဒီးတၢ်ခွဲးတၢ်ယာ်လၢအကက့ၤက့ၤဝဲန့ၣ်ကအိၣ် တ့ၢ်လံဝဲန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:9

အဝဲသ့ၣ်ရၤလီၤအသးသကုၤဟီၣ်ခိၣ်ချၢ, ဒီးကဝီၤဃာ်ကစၢ်ယွၤအပှၤဂီၢ်မုၢ်တဖၣ်အဒဲဒီးဝ့ၢ် တဖျၢၣ်လၢအဝဲဒၣ်အဲၣ်ဝဲန့ၣ်လီၤ. ဘၣ်ဆၣ်ဒီးမ့ၣ်အူ ဟဲလီၤလၢမူခိၣ်, ဒီးမၤဟးဂီၤကွံာ်အဝဲသ့ၣ်လီၤ.