လံာ်ယၡါယၤ 50:4 - Sgaw Karen Common Bible

⁴ ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယၡါယၤ 50:4 Iomraidhean Croise

လံာ်စီၤယိၤဘး 4:4

ဖဲပှၤတဂၤဂၤဘၣ်ကိၢ်ဘၣ်ဂီၤ, အဂံၢ်စၢ်ဘါစၢ်ဒီးလီၤဘှံးဝဲ န့ၣ်နတၢ်ကတိၤတဖၣ်ဟ့ၣ်ဆူၣ်ထီၣ်အီၤဒ်သိးကဂဲၤဆၢထၢၣ် ဝဲဒၣ်န့ၣ်လီၤ.

စံးထီၣ်ပတြၢၤ 119:147

တချုးမုၢ်ဟဲထီၣ်ဒံးဘၣ်ဒီးယကိးထီၣ်နၤလၢ တၢ်မၤစၢၤအဂီၢ်လီၤ. ယမုၢ်လၢ်တၢ်လၢနကလုၢ်ကထါအပူၤန့ၣ်လီၤ.

စံးထီၣ်ပတြၢၤ 143:8

ဒုးသ့ၣ်နီၣ်ယၤလၢနတၢ်အဲၣ်ဂၢၢ်ကျၢၤကိးဂီၤဒဲးတက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ. သိၣ်လိယၤလၢကျဲလၢယဂ့ၤပိာ်တဘိန့ၣ်တက့ၢ်. အဂ့ၢ်ဒ်အံၤ, ယစိာ်ထီၣ်ယသးဆူနအိၣ်လီၤ.

စံးထီၣ်ပတြၢၤ 40:7

လၢတၢ်န့ၣ်အဃိယစံးဆၢယဲ, ‘‘ယအိၣ်ဖဲအံၤလီၤ. နတၢ်သိၣ်လိသီလိလၢယဂီၢ်တဖၣ်အိၣ်ကွဲးအသး လၢလံာ်တၢ်သိၣ်တၢ်သီအပူၤလီၤ.

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

စံးထီၣ်ပတြၢၤ 5:3

ယွၤဧၢ, လၢမုၢ်ဂီၤန့ၣ်နနၢ်ဟူယကလုၢ်, ဒီးလၢမုၢ်ဟဲထီၣ်အကတီၢ်န့ၣ် ယလုၢ်ထီၣ်ယတၢ်ထုကဖၣ်ဒီးခိးကွၢ်လၢ်နၤလီၤ.

စံးထီၣ်ပတြၢၤ 88:13

ယွၤဧၢ, မ့မ့ၢ်ယဲဒၣ်အံၤယကိးထီၣ်နၤ, ဒီးလၢမုၢ်ဂီၤန့ၣ်ယတၢ်ထုကဖၣ်ဟဲထီၣ်ဆူ နမဲာ်ညါန့ၣ်လီၤ.

တၢ်ကတိၤဒိ. 12:25

တၢ်ကိၢ်တၢ်ဂီၤန့ၣ်ကဂုာ်ကွံာ်တၢ်သးခုလၢနအိၣ်လီၤ. မ့မ့ၢ်တၢ်ကတိၤအမုာ်တဖၣ်န့ၣ်ကမၤသူၣ်ခုသးခုထီၣ်နၤလီၤ.

တၢ်ကတိၤဒိ. 15:23

တၢ်ကတိၤအဘၣ်လၢတၢ်ဆၢဂ့ၤကတီၢ်ဘၣ်အပူၤန့ၣ်မ့ၢ်တၢ်သးခု ဆံးဒိၣ်လဲၣ်.

တၢ်ကတိၤဒိ. 25:11

တၢ်ကတိၤလၢအဘၣ်တၢ်ကတိၤအီၤဘၣ်ဘျီးဘၣ်ဒါန့ၣ်လီၤဂာ်ဒီး သၣ်သွံထူတဖၣ်အိၣ်ဝဲလၢတြၤစ့အပူၤအသိးန့ၣ်လီၤ.

လံာ်ယၡါယၤ 28:19

ကမၤဘၣ်ဒိဘၣ်ထံးသုတဘျီဝံၤတဘျီ, တဂီၤဝံၤတဂီၤလီၤ. သုကဘၣ်တူၢ်အီၤမုၢ်ဆါဆဲးလၢမုၢ်နၤလီၤ. တၢ်ကစီၣ်အသီတမံၤဘၣ်တမံၤလၢကစၢ်ယွၤအအိၣ်ကဟဲစိာ် တၢ်ပျံၤတၢ်ဖုးအသီန့ၣ်လီၤ.

လံာ်ယၡါယၤ 28:9

အဝဲသ့ၣ်ကဒူးကဒ့ၣ်တၢ်ဘၣ်ဃးဒီးယၤလီၤ. အဝဲသ့ၣ်စံးဝဲ, “ပှၤအဝဲန့ၣ်ဆိကမိၣ်ဝဲလၢအသိၣ်လိမတၤ န့ၣ်လဲၣ်. မ့ၢ်မတၤလိၣ်ဘၣ်အတၢ်ကစီၣ်န့ၣ်လဲၣ်. ဂ့ၤဒၣ်ထဲလၢဖိသၣ်ဖိတဖၣ်လၢအဖှၣ် အနုၢ်ထံသီသီအဂီၢ်လီၤ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်ယၡါယၤ 40:29

ပှၤလၢအဂံၢ်စၢ်ဘါစၢ်တဖၣ်ဒီးပှၤလၢတၢ်ဘှံးအသးတဖၣ်န့ၣ်အဝဲ ဟ့ၣ်ဆူၣ်ထီၣ်အဂံၢ်အဘါလီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယၡါယၤ 8:16

သုဝဲ, ယပျဲၢ်ယဘီၣ်တဖၣ်သုကဘၣ်အံးထွဲကွၢ်ထွဲဒီးပၢၤဃး တၢ်ကစီၣ်တဖၣ်လၢကစၢ်ယွၤဟ့ၣ်လီၤတ့ၢ်ယၤလီၤ.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယဃ့းစက့လး 46:13

ယွၤစံးဝဲဒၣ်, “ကိးမုၢ်ဂီၤဒဲးန့ၣ်သိဖိအလၢအပှဲၤလၢအသး ပှဲၤထီၣ်တနံၣ်ဖိတဒုကဘၣ်တၢ်ဆိၣ်ကဲၤအီၤဒီဒုဒ် တၢ်လုၢ်မၤဘူၣ်တမံၤအသိးဆူယွၤအအိၣ်န့ၣ်လီၤ. တၢ်လုၢ်မၤဘူၣ်အံၤကဘၣ်တၢ်မၤအီၤကိးနံၤဒဲးန့ၣ်လီၤ.

လံာ်မးသဲ 11:28

ပှၤလၢတၢ်ဘှံးအသးဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ.

လံာ်မးသဲ 13:54

အဝဲက့ၤကဒါဝဲဆူဝ့ၢ်နစၤရ့း, ဒီးသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤလီၤ. ပှၤလၢအနၢ်ဟူအတၢ်သိၣ်လီၤသီလီၤတဖၣ် ကမၢကမၣ်ဝဲဒီးစံး, “ပှၤအံၤလဲၤမၤန့ၢ်အတၢ်ကူၣ်ဘၣ်ကူၣ်သ့ ဒီးတၢ်စိတၢ်ကမီၤလၢအကမၤတၢ်လီၤလးတဖၣ်အံၤဖဲလဲၣ်.

လံာ်မးသဲ 22:46

ပှၤစံးဆၢက့ၤယ့ၣ်ၡူးတသ့နီတဘီနီတဂၤဘၣ်. ဒီးစးထီၣ်လၢမုၢ်တနံၤန့ၣ်, ပှၤသံကွၢ်အီၤတၢ်တဘူၣ်နီတမံၤနီတဂၤလၢၤဘၣ်.

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်ယိၤဟၣ် 7:46

တၢ်လုၢ်ဟံၣ်အပှၤပၢၤတၢ်ဖိတဖၣ်စံးဆၢတၢ်ဒီးစံးဝဲ, “ပှၤကတိၤတၢ်ဒ်ပှၤတဂၤအံၤအသိးတအိၣ်နီတဂၤဒံးဘၣ်.”

လံာ်သိၣ်လီၤသီလီၤတၢ် 18:17

လၢတၢ်န့ၣ်အဃိ, ယွၤစံးဘၣ်ယၤဒ်အံၤ, အဝဲသ့ၣ်မၤတ့ၢ်တၢ်ကူၣ်သ့အတၢ်ဃ့သကွံၢ်ကညးတမံၤလီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.