လံာ်ယၡါယၤ 50:11 - Sgaw Karen Common Bible

¹¹ သုဝဲခဲလၢာ်လၢအကူၣ်ထီၣ်မၤဟးဂီၤကွံာ်ပှၤတဖၣ်န့ၣ်, သုကဘၣ်တၢ်မၤဟးဂီၤကွံာ်သုလၢသုတၢ်ကူၣ်ဟးဂီၤဒၣ်ဝဲ တဖၣ်န့ၣ်လီၤ. ယွၤအကစၢ်ဒၣ်ဝဲကဒုးကဲထီၣ်တၢ်အံၤလီၤ. သုကတူၢ်ဘၣ်တၢ်ဟဲဝံနးနးကျံးကျံးန့ၣ်လီၤ.

လံာ်ယၡါယၤ 50:11 Iomraidhean Croise

စံးထီၣ်ပတြၢၤ 16:4

ပှၤလၢအမၤတၢ်ချ့ချ့လၢယွၤအဂၤတဖၣ်အဂီၢ်န့ၣ်, အတၢ်ကိၢ်တၢ်ဂီၤအါထီၣ်လၢအဂီၢ်ဒၣ်ဝဲလီၤ. ယတလုၢ်ထီၣ်ပာ်ထီၣ်ဃုာ်တၢ်ဒီး အဝဲသ့ၣ်ဘၣ်, ယတကိးထီၣ်စ့ၢ်ကီးအယွၤတဖၣ်အမံၤန့ၣ်ဘၣ်.

စံးထီၣ်ပတြၢၤ 32:10

ပှၤတတီတလိၤတဖၣ်ကဘၣ်တူၢ်တၢ်, ဘၣ်ဆၣ်ပှၤလၢအနာ်ယွၤတဖၣ် ဘၣ်တၢ်အိၣ်ပှိၤအီၤလၢယွၤအတၢ်အဲၣ်လၢ အအိၣ်စံာ်အိၣ်ကျၢၤအဃိန့ၣ်လီၤ.

တၢ်ကတိၤဒိ. 26:18

ပှၤတဂၤလၢအလီန့ၢ်ပှၤအဂၤတဂၤအတၢ်ဒီးစံးဝဲလၢမ့ၢ်ဒၣ် လိာ်လ့တၢ်ဧိၤန့ၣ်,

လံာ်ယၡါယၤ 55:2

ဘၣ်မနုၤအဃိသုကဘၣ်မၤလၢာ်ကျိၣ်လၢာ်စ့လၢတၢ်တတံၤ သူၣ်တံၤသးအဂီၢ်န့ၣ်လဲၣ်. ဘၣ်မနုၤအဃိသုကဘၣ်မၤလၢာ်သုဘူးသုလဲဒီးသူၣ်ဝံၤသၣ်စ့ၤဒံး ဒၣ်တၢ်န့ၣ်လဲၣ်. ဒိကနၣ်ယၤဒီးမၤတၢ်လၢယစံးဘၣ်သုန့ၣ်တက့ၢ်. အန့ၣ်ဒီး, သုကမုာ်လၤသးခုလၢတၢ်အီၣ်အဂ့ၤကတၢၢ်လၢ တၢ်အီၣ်ခဲလၢာ်အကျါလီၤ.

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယၡါယၤ 9:18

ပှၤဂီၢ်မုၢ်အတၢ်အၢတၢ်သီအီၣ်ကွံာ်တၢ်ဒ်မ့ၣ်အူလၢအမၤဟးဂီၤ တပှီာ်တၤဆှုၣ်တဖၣ်ဒီးတၤဆှုၣ် တၤမဲတဖၣ်အသိးန့ၣ်လီၤ. အီၣ်ကွံာ်တၢ်ဒ်သ့ၣ်ပှၢ်မ့ၣ်အူအသိးလၢအဆှၢထီၣ်မ့ၣ်အူလုၢ် အထူၣ်တဖၣ်န့ၣ်လီၤ.

လံာ်ယံးရမံယၤ 17:4

သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်ဧၤမိၣ် 4:9

ယဆှၢလီၤကလံၤကိၢ်လၢကအူဃ့ထီကွံာ်သုဘုဧိၤဟုဧိၤတဖၣ်လီၤ. ဒွဲၣ်ကၤစၣ်တဖၣ်အီၣ်လၢာ်ကွံာ်ကယဲၢ်သုတၤသၣ်အလီၢ်တဖၣ်, သုစပံးမုၢ်, သုချၢၣ်ဒၢဒီးသုသ့ၣ်စၤယံးအလီၢ်န့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်ဃဘးကူာ် 2:13

ပှၤကလုာ်တဖၣ်လၢသုမၤနၢၤတ့ၢ်အီၤန့ၣ်မၤလီၤ ဘှံးလီၤဘှါအသးလၢတၢ်မၤတဂိာ်တသီၣ်ဘၣ်အပူၤ, ဒီးကယဲၢ်တၢ်လၢအသူၣ်ထီၣ်ဝဲတဖၣ်န့ၣ်လၢာ်ကွံာ်လၢမ့ၣ်အူ အပူၤလီၤ. ယွၤသ့တၢ်လၢာ်မၤတ့ၢ်လံတၢ်အံၤလံ.

လံာ်မးသဲ 22:13

တုၤနုၤတစုစီၤပၤစံးဘၣ်အခ့အပှၤတဖၣ်ဒီးစံး, ‘စၢအစုစၢအခီၣ်ဒီးတ့ၢ်လီၤကွံာ်အီၤဆူတၢ်ချၢ ဆူတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ်ဒီးကအ့ၣ်စဃံးအမဲလီၤ.’ ”

လံာ်မးသဲ 8:12

ဘၣ်ဆၣ်ဘီမုၢ်အဖိတဖၣ်န့ၣ်, ယွၤကတ့ၢ်လီၤကွံာ်အီၤဆူတၢ်ချၢလၢတၢ်ခံးကျါ, ဖဲတၢ်ဟီၣ်တၢ်ယၢၤဒီးတၢ်မဲအ့ၣ်စဃံးအိၣ်ဝဲန့ၣ်လီၤ.”

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ယၤကိာ် 3:6

ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.