လံာ်ယၡါယၤ 5:9 - Sgaw Karen Common Bible

⁹ ယနၢ်ဟူတ့ၢ်ယွၤသ့တၢ်လၢာ်ကစၢ်စံးဝဲဒၣ်, “ဟံၣ်လၢအဒိၣ်ဒီးဂ့ၤဝဲခဲလၢာ်အံၤကလီၤ ဟိဒီးဟးဂီၤကွံာ်ခဲလၢာ်လီၤ.

လံာ်ယၡါယၤ 5:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:21

ဒီးလၢတၢ်န့ၣ်အဃိတၢ်လၢယွၤတဲဆိတ့ၢ်ဝဲခီဖျိဝံယံးရမံ ယၤန့ၣ်လၢထီၣ်ပှဲၤထီၣ်ဝဲလီၤ. စံးဝဲ, “ထံကီၢ်ကအိၣ်သယုၢ်လၢအနံၣ်နွံဆံအတီၢ်ပူၤ, ဒ်သိးကမၤပှဲၤက့ၤတၢ်အိၣ်ဘှံးအနံၣ်လၢတၢ်တတိၢ်န့ၢ်မၤထွဲတ့ၢ် အီၤဘၣ်န့ၣ်လီၤ.”

လံာ်စီၤယိၤဘး 15:28

အဝဲသ့ၣ်မ့ၢ်ပှၤလၢအဒုးန့ၢ်ဝ့ၢ်တဖၣ်ဒီးဂုာ်န့ၢ်ဟံၣ်တဖၣ်လၢ အကစၢ်တဖၣ်ဃ့ၢ်ဟးထီၣ်တ့ၢ်လံန့ၣ်လီၤ. ဘၣ်ဆၣ်တၢ်ဒုးတၢ်ယၤကမၤဟးဂီၤကွံာ်ဝ့ၢ်တဖၣ်ဒီးဟံၣ် တဖၣ်န့ၣ်သပှၢ်တၢၢ်လီၤ.

လံာ်စီၤယိၤဘး 20:21

မ့ၢ်အအီၣ်တၢ်တုၤတၢ်အိၣ်လီၤတဲာ်တအိၣ်နီတမံၤဘၣ်သတး ဒီးအတၢ်ထူးတၢ်တီၤတအိၣ်ဂၢၢ်ဆိးကျၢၤဘၣ်လီၤ.

တၢ်ကတိၤဒိ. 15:27

နမ့ၢ်ကျဲးစၢးမၤန့ၢ်တၢ်ဘၣ်ဘျုးလၢတၢ်တတီတလိၤအပူၤန့ၣ် နကဆှၢနဟံၣ်ဖိဃီဖိဆူတၢ်ကီတၢ်ခဲအပူၤလီၤ. ဟံးန့ၢ်ခိၣ်ဖးလာ်ဆှိးတဖၣ်တဂ့ၤ. ဒီးနကအိၣ်မူယံာ်ယံာ်လီၤ.

လံာ်ယၡါယၤ 22:14

ယွၤစိဒိၣ်ကမီၤထီ, သ့တၢ်လၢာ်ကစၢ်အကစၢ်ဒၣ်ဝဲကတိၤတ့ၢ် တၢ်ဒီးယၤဒီးစံးဝဲ, “ဖဲအဝဲသ့ၣ်အိၣ်မူဒံးအဖၢမုၢ်ဒီး, တၢ်အၢတၢ်သီအံၤတၢ်ပျၢ်ဖျဲးအီၤတသ့ဘၣ်နီတစုဘၣ်. ယၤ, ယွၤစိဒိၣ်ကမီၤထီ, သ့တၢ်လၢာ်ကစၢ်ကတိၤတ့ၢ်လံတၢ်လီၤ.”

လံာ်ယၡါယၤ 27:10

ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်ဧၤမိၣ် 5:11

သုမၤအၢမၤနးတ့ၢ်လံပှၤဖှီၣ်ဖိယာ်ဖိဒီးဂုာ် ဆူၣ်ပျီဆူၣ်အဘုဧိၤဟုဧိၤလီၤ. မၤသးဒ်န့ၣ်ဒီး, သုတအိၣ်ဘၣ်လၢဟံၣ်တဖၣ်လၢသုမၤအီၤလၢလၢၢ်ဂ့ၤ မ့ၢ်ဂ့ၤ, သုတအီဘၣ်စပံးထံဟဲလၢစပံးလီၢ်အဃံအလၤလၢသုသူၣ်လီၤဖျး လီၤမ့ၢ်ဂ့ၤန့ၣ်ဘၣ်.

လံာ်ဧၤမိၣ် 6:11

တုၤယွၤဟ့ၣ်လီၤအကလုၢ်ဒီးဟံၣ်ဖးဒိၣ်ဒီးဟံၣ်ဖိသ့ၣ်တဖၣ်ကဘၣ် တၢ်မၤလီၤကလဲကွံာ်အီၤန့ၣ်လီၤ.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်မးသဲ 23:38

လၢတၢ်န့ၣ်အဃိ, နတၢ်လုၢ်ဟံၣ်န့ၣ်ကဘၣ်တၢ်လဲၤသဒၣ်အီၤဒီး ကအိၣ်သယုၢ်သညိလီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.