လံာ်ယၡါယၤ 5:8 - Sgaw Karen Common Bible

⁸ သုဘၣ်တၢ်စံၣ်ညီၣ်ဃါမနၤလီၤ. သုပှ့ၤအါထီၣ်ဟံၣ်ဃီဒီးစံာ်လီၢ် တဖၣ်ဒီးပာ်ဖှိၣ်အါထီၣ်အီၤဒီးတၢ်လၢအအိၣ်တ့ၢ်ဒီးသုလီၤ. တယံာ်လၢၤဘၣ်ဒီး, ပှၤအဂၤကအိၣ်ဆိးတၢ်အလီၢ်တအိၣ်လၢၤ ဘၣ်ဒီးပှၤအိၣ်လၢကီၢ်အံၤအပူၤန့ၣ်ကမ့ၢ်ဒၣ်ထဲသုဝဲတဖၣ်ဧိၤလီၤ.

လံာ်ယၡါယၤ 5:8 Iomraidhean Croise

လံာ်စီၤယိၤဘး 15:28

အဝဲသ့ၣ်မ့ၢ်ပှၤလၢအဒုးန့ၢ်ဝ့ၢ်တဖၣ်ဒီးဂုာ်န့ၢ်ဟံၣ်တဖၣ်လၢ အကစၢ်တဖၣ်ဃ့ၢ်ဟးထီၣ်တ့ၢ်လံန့ၣ်လီၤ. ဘၣ်ဆၣ်တၢ်ဒုးတၢ်ယၤကမၤဟးဂီၤကွံာ်ဝ့ၢ်တဖၣ်ဒီးဟံၣ် တဖၣ်န့ၣ်သပှၢ်တၢၢ်လီၤ.

လံာ်စီၤယိၤဘး 20:21

မ့ၢ်အအီၣ်တၢ်တုၤတၢ်အိၣ်လီၤတဲာ်တအိၣ်နီတမံၤဘၣ်သတး ဒီးအတၢ်ထူးတၢ်တီၤတအိၣ်ဂၢၢ်ဆိးကျၢၤဘၣ်လီၤ.

တၢ်ကတိၤဒိ. 15:27

နမ့ၢ်ကျဲးစၢးမၤန့ၢ်တၢ်ဘၣ်ဘျုးလၢတၢ်တတီတလိၤအပူၤန့ၣ် နကဆှၢနဟံၣ်ဖိဃီဖိဆူတၢ်ကီတၢ်ခဲအပူၤလီၤ. ဟံးန့ၢ်ခိၣ်ဖးလာ်ဆှိးတဖၣ်တဂ့ၤ. ဒီးနကအိၣ်မူယံာ်ယံာ်လီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်ဃဘးကူာ် 2:6

ပှၤလၢအဘၣ်တၢ်မၤနၢၤအီၤတဖၣ်ကကတိၤဆဲးအဲးဒီးဒုၣ်ဒွဲၣ်ပှၤလၢ အမၤနၢၤအီၤတဖၣ်လီၤ. အဝဲသ့ၣ်ကစံးဝဲ, “သုဟံးန့ၢ်တၢ်လၢအတမ့ၢ်ဘၣ်သုတၢ်, ဘၣ်ဆၣ်ဒီးသုဘၣ်တၢ်စံၣ် ညီၣ်ဃါမနၤလီၤ. မ့ၢ်သုကမၤထူးထီၣ်တီၤထီၣ်သုသးခီဖျိတၢ်မၤဆူၣ်ပှၤလၢအကမၢ် အိၣ်ဒီးသုတဖၣ်ကဘၣ်လိးက့ၤအကမၢ်န့ၣ်ဆံးယံာ်လဲၣ်.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.