လံာ်ယၡါယၤ 5:30 - Sgaw Karen Common Bible

³⁰ ဖဲမုၢ်နံၤအဝဲန့ၣ်ဟဲတုၤဝဲဒီး, အဝဲသ့ၣ်ကညီၤဝဲလၢအံၣ်စရ့ လးအဖီခိၣ်ဒ်ပီၣ်လဲၣ်သီၣ်ဒိၣ်သီၣ်သွါအသိးလီၤ. ကွၢ်ထံကီၢ်အံၤတက့ၢ်. တၢ်ခံးတၢ်နၤဒီးတၢ်သူၣ်အုးသးအုးလီၤ. တၢ်ကပီၤဘၣ်တၢ်ယူၢ်လီၤကွံာ် အီၤလၢတၢ်ခံးတၢ်နၤလီၤ.

လံာ်ယၡါယၤ 5:30 Iomraidhean Croise

လံာ်ပှၤစံၣ်တဲၤတဲလီၤတၢ် 12:2

အကတီၢ်န့ၣ်ကမ့ၢ်ဖဲ, မုၢ်, လါ, ဒီးဆၣ်တဖၣ်အတၢ်ကပီၤကခံးလီၤဝဲ လၢနဂီၢ်, ဒီးတၢ်စူၤအတၢ်အၢၣ်တဖၣ်တလဲၤပူၤကွံာ်နီတဘျီ အကတီၢ်,

လံာ်ယၡါယၤ 13:10

ဆၣ်ကိးဖျၢၣ်ဒဲးဒီးဆၣ်ဒီတကရူၢ်ကဆိကတီၢ်လၢတၢ်ဟ့ၣ်ထီၣ်တၢ် ကပီၤအဂီၢ်လီၤ. တုၤမုၢ်ဟဲထီၣ်ဒီးတၢ်ကခံးလီၤဝဲဒီးလါတဟ့ၣ်ထီၣ်ဘၣ်တၢ်ကပီၤဘၣ်.

လံာ်ယၡါယၤ 13:4

ဒိကနၣ်တၢ်သီၣ်တၢ်သဲလၢကစၢၢ်တဖၣ်အဒီခိၣ်လၢအမ့ၢ်ပှၤဂီၢ် မုၢ်ဖးဒိၣ်တဖုအတၢ်သီၣ်တၢ်သဲ, ပှၤကလုာ်ဒီးဘီမုၢ်တဖၣ် အတၢ်ပာ်ဖှိၣ်သးအတၢ်သီၣ်တၢ်သဲန့ၣ်တက့ၢ်. တၢ်သုးမုၢ်ဂီၢ်မုၢ် အယွၤကတဲာ်ကတီၤအသုးမုၢ်သံၣ်ဘိတဖၣ်လၢတၢ်ဒုးအဂီၢ်လီၤ.

လံာ်ယၡါယၤ 17:12

ပှၤကလုာ်အိၣ်ဒီးအစိအကမီၤတဖၣ်တၢထီၣ်တၢလီၤအိၣ်ဒီး အတၢ်သီၣ်ထီၣ်လီၤဂာ်ဒ်ပီၣ်လဲၣ်သီၣ်ကညီၤထီၣ်ဝဲအသိး ဒီးဒ်လပီဖးဒိၣ်တဖၣ်ဒိဘၣ်ကၢၢ်ပၤနံၤအသီၣ်ရူၢ်ရူၢ်အသိး န့ၣ်လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယၡါယၤ 59:9

ပှၤဂီၢ်မုၢ်စံးဝဲ, “ဘၣ်မနုၤကစၢ်ယွၤတအုၣ်က့ၤခီၣ်က့ၤပှၤလၢ, ပှၤမၤအၢမၤနးပှၤတဖၣ်အစုပူၤလဲၣ်န့ၣ်, ခဲအံၤပသ့ၣ်ညါလံ. ပမုၢ်လၢ်လၢပကလဲၤတၢ်လၢ တၢ်ကပီၤအပူၤဘၣ်ဆၣ်အိၣ်ဒၣ်ထဲတၢ်ခံးတၢ်နၤဧိၤ,

လံာ်ယၡါယၤ 8:22

မ့တမ့ၢ်, ကကွၢ်စူၢ်ဟီၣ်ခိၣ်, ဘၣ်ဆၣ်ဒီးတထံၣ်တၢ်နီတမံၤဘၣ်. ကထံၣ်ဒၣ်ထဲတၢ်ကီတၢ်ခဲဒီးတၢ်ခံးတၢ်နၤ, လၢတၢ်ခံးတၢ်နၤလီၤ ပျံၤလီၤဖုးတခါအဝဲသ့ၣ်ဘၣ်တၢ်နီၣ်နုာ်အီၤဆူအပူၤန့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယံးရမံယၤ 30:5

“ယနၢ်ဟူတ့ၢ်တၢ်မၤပျံၤမၤဖုး အတၢ်ကိးထီၣ်, တၢ်ကိးထီၣ် လၢတၢ်ပျံၤတၢ်ဖုးအပူၤဒီး တမ့ၢ်ဘၣ် တၢ်ကိးထီၣ်လၢ တၢ်ဃူတၢ်ဖိးအပူၤဘၣ်.

လံာ်ယံးရမံယၤ 50:42

အဝဲသ့ၣ်ဟံးထီၣ်အချံၣ်တဖၣ်ဒီး အနးတဖၣ်လီၤ. အဝဲသ့ၣ် အၢဝဲသီဝဲတသးကညီၤတၢ်ဘၣ်. ဖဲအဝဲသ့ၣ်ဒိးအကသ့ၣ်တဖၣ်န့ၣ်, အတၢ်သီၣ်ဟူထီၣ် ဝဲဒ်ပီၣ်လဲၣ်အထံသီၣ်ရုၢ်ရုၢ်အသိးန့ၣ်လီၤ. အဝဲသ့ၣ်အိၣ်ကတဲာ်ကတီၤလံ အသးလၢ ကဒုးတၢ်ထီ ဒါကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 6:23

အဝဲသ့ၣ်ဟံးထီၣ်အချံၣ်တဖၣ်ဒီးအနးတဖၣ်လီၤ. အဝဲသ့ၣ်အၢဝဲသီဝဲဒီးတသးကညီၤတၢ်ဘၣ်. အဝဲသ့ၣ်အကလုၢ်သီၣ်လီၤဂာ်ဒ်ပီၣ်လဲၣ်သီၣ် ထီၣ်ရူၢ်ရူၢ်အသိး, ဖဲအဝဲသ့ၣ်ဒိးထီၣ်အကသ့ၣ် တဖၣ်န့ၣ်လီၤ. အဝဲသ့ၣ်အိၣ်ကတဲာ်ကတီၤအသးလၢတၢ်ဒုး ထီဒါဝ့ၢ်ယရူၤရှလ့ၣ်အဂီၢ်န့ၣ်လီၤ.”

လံာ်သးသယုၢ်တၢ် 3:2

နီၣ်ယၤဆူတၢ်ခံးတၢ်နၤအပူၤယိာ်ထီၣ်, ယိာ်ထီၣ်န့ၣ်လီၤ.

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယိၤအ့လး 2:10

ဟီၣ်ခိၣ်ဟူးဝးဝဲဒီးမူကပိာ်လိၤဆှဲးဆှိးဝဲလၢအဝဲသ့ၣ်အမဲာ်ညါလီၤ. မုၢ်ဒီးလါခံးလီၤဝဲဒီးဆၣ်ဧိၤဖီဧိၤတဖၣ်တကပီၤလၢၤဘၣ်.

လံာ်ဧၤမိၣ် 5:18

ပှၤလၢအဆၢန့ၢ်ဘၣ်ယွၤအမုၢ်တနံၤန့ၣ်သ့ၣ်ဧၢ, သုဘၣ်အဖှီၣ်လီၤ. မုၢ်တနံၤန့ၣ်ကမၤဂ့ၤသုမနုၤလဲၣ်. အဝဲန့ၣ်ကမ့ၢ်တၢ်ခံးတၢ်နၤလၢသုဂီၢ်လီၤ. တမ့ၢ်ဘၣ်တၢ်ကပီၤဘၣ်.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.