လံာ်ယၡါယၤ 5:3 - Sgaw Karen Common Bible

³ လၢတၢ်န့ၣ်အဃိခဲအံၤယတံၤသကိးစံးဝဲဒၣ်, “သုဝဲလၢအအိၣ်လၢဝ့ၢ်ယရူၤၡလ့ၣ်ဒီးကီၢ်ယူဒၤတဖၣ်ဧၢ, စံၣ်ညီၣ်တၢ်လၢယၤဒီးယစပံးလီၢ်အဘၢၣ်စၢၤတက့ၢ်.

လံာ်ယၡါယၤ 5:3 Iomraidhean Croise

စံးထီၣ်ပတြၢၤ 51:4

ယမၤကမၣ်ဘၣ်တ့ၢ်လံနၤ, ထဲနၤတဂၤဧိၤ, ဒီးမၤတၢ်အၢလၢနမဲာ်ညါလံ. မၤသးဒ်န့ၣ်ဒီး, နမၤတၢ်တီတၢ်လိၤလၢ နတၢ်စံၣ်ညီၣ်ယၤအပူၤ ဒီးတၢ်ပာ်တၢ်ကမၣ်အလီၢ်တအိၣ်လၢ နတၢ်စံၣ်ညီၣ်အပူၤဘၣ်န့ၣ်လီၤ.

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”