လံာ်ယၡါယၤ 5:27 - Sgaw Karen Common Bible

²⁷ တလီၤဘှံးလီၤတီၤနီတဂၤဘၣ်ဒီးအခီၣ်တဘၣ်တိၢ်နီတဂၤဘၣ်. တမံခ့ဒီးတမံဘၣ်အသးဘၣ်. ယီၢ်တကိးတလီၤဃ့ၣ်နီတခါဘၣ်. ခီၣ်ဖံးပျံၤတထီၣ်တဲာ်နီတဘိဘၣ်.

လံာ်ယၡါယၤ 5:27 Iomraidhean Croise

လံာ်စီၤပၤအခီၣ်ထံးတဘ့ၣ် 2:5

တၢ်အိၣ်ဒံးအဂၤတမံၤန့ၣ်လီၤ. နသ့ၣ်နီၣ်ထီၣ်တၢ်လၢစီၤယိၤအာ် မၤဘၣ်တ့ၢ်ယၤခီဖျိမၤသံသုးခိၣ်ဖးဒိၣ်ခံဂၤလၢအံၣ်စရ့လး အသုးမုၢ်အပူၤလၢအမ့ၢ်ဝဲ, စီၤန့ၢ်အဖိခွါစီၤအဘံန့ၢ်, ဒီးစီၤယ့သ့ၢ်အဖိခွါစီၤဧမါစၤလီၤ. နသ့ၣ်နီၣ်ထီၣ်လၢအဝဲမၤသံတ့ၢ်အဝဲသ့ၣ်လၢတၢ်မုာ်တၢ်ခုၣ်အကတီၢ် ဒ်လဲၣ်, ဒ်တၢ်ဟ့ၣ်ကၣ်အသိးလၢတၢ်သံတဖၣ်လၢအဝဲသ့ၣ်မၤဘၣ်တ့ၢ်ဝဲဖဲတၢ် ဒုးတၢ်ယၤအကတီၢ်အဃိန့ၣ်လီၤ. အဝဲမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးယဟံးန့ၢ်မူဒါလၢတၢ်လၢအဝဲအမၤတ့ၢ်ဝဲအဂီၢ်အဃိ, ခဲကနံၣ်အံၤယတူၢ်ဘၣ်က့ၤယဲတၢ်မၤအသးတဖၣ်လၢအပိာ်ထွဲထီၣ်အခံ န့ၣ်လီၤ.

လံာ်စီၤယိၤဘး 12:18

အဝဲပာ်လီၤကွံာ်စီၤပၤတဖၣ်လၢအလီၢ်ပစိာ်ဒီးဒုးကဲထီၣ် အဝဲသ့ၣ်လၢပှၤဘၣ်တၢ်စၢဃာ်ဖိသ့ၣ်တဖၣ်န့ၣ်လီၤ.

လံာ်စီၤယိၤဘး 12:21

အဝဲမၤတရီတပါပှၤလၢအအိၣ်ဒီးတၢ်စိတၢ်ကမီၤဒီးမၤလၢာ် ကွံာ်ပဒိၣ်ပပှၢ်တဖၣ်အဂံၢ်အဘါန့ၣ်လီၤ.

စံးထီၣ်ပတြၢၤ 18:32

အဝဲမ့ၢ်ကစၢ်ယွၤလၢအမၤဆူၣ်ထီၣ်ယဂံၢ်ယဘါ, ဒီးမၤလိၤယကျဲန့ၣ်လီၤ.

စံးထီၣ်ပတြၢၤ 93:1

ယွၤမ့ၢ်စီၤပၤလီၤ. အဝဲကူသိးဝဲတၢ်ကဟုကညီၢ် ဒီးတၢ်ဂံၢ်တၢ်ဘါလီၤ. ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ ဒီးဘၣ်တၢ်မၤဟူးဝးအီၤတန့ၢ်ဘၣ်.

တၢ်ကတိၤဒိ. 3:23

နကလဲၤဘၣ်လၢနကျဲပူၤဒုၣ်ပူၤဒါ, ဒီးနခီၣ်တဘၣ်တိၢ်ဒၣ်လဲာ်ဘၣ် လီၤ.

လံာ်ယၡါယၤ 11:5

အဝဲကပၢအပှၤဂီၢ်မုၢ်လၢတၢ်စံၣ်ညီၣ်တီဒီးတၢ်မၤတီအကလုၢ်လီၤ.

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

လံာ်မးသဲ 3:4

စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်သိၣ်လီၤသီလီၤတၢ် 32:25

တၢ်ဒုးတၢ်ယၤကဟဲစိာ်တၢ်သံလၢကျဲတဖၣ်အပူၤ, တၢ်လီၤပျံၤလီၤဖုးတဖၣ်ကမၤဒၢၣ်တၢ်လၢဟံၣ်တဖၣ်အပူၤလီၤ. ပိာ်ခွါသးစၢ်တဖၣ်ဒီးပိာ်မုၣ်သးစၢ်တဖၣ်ကသံဝဲ ဒီးဖိသၣ်ဆံးတဖၣ်မ့ၢ်ဂ့ၤ, ပှၤသးပှၢ်တဖၣ်မ့ၢ်ဂ့ၤဒၣ်လဲာ်, တၢ်တပာ်မူတ့ၢ်လၢၤအီၤဘၣ်.