လံာ်ယၡါယၤ 5:24 - Sgaw Karen Common Bible

²⁴ လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 5:24 Iomraidhean Croise

လံာ်စီၤပၤခံဘ့ၣ်တဘ့ၣ် 19:22

နဆိကမိၣ်လၢနဒုၣ်ဒွဲၣ်စံးဆၢဒီးနံၤဘၣ်ဖၣ်လဲမတၤန့ၣ်လဲၣ်. နတပာ်ကဲဘၣ်ယၤ, ကီၢ်အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

လံာ်စီၤယိၤဘး 18:16

အဂံၢ်ဒီးအဒ့တဖၣ်လီၤညွံးဒီးဃ့ထီကွံာ်ဝဲဒၣ်န့ၣ်လီၤ.

လံာ်စီၤယိၤဘး 8:17

အဂံၢ်တဖၣ်ဘံဝးတရံးလၢၢ်သ့ၣ်တဖၣ်ဒီးဟံးဃာ်ကျၢၤလၢၢ် ကိးဖျၢၣ်ဒဲးန့ၣ်လီၤ.

စံးထီၣ်ပတြၢၤ 50:17

အဂ့ၢ်ဒ်အံၤ, နသးဟ့ယတၢ်သိၣ်တၢ်သီ, ဒီးနကွံာ်တ့ၢ်ကွံာ်ယကလုၢ်ကထါလၢ နလီၢ်ခံန့ၣ်လီၤ.

လံာ်တၢ်ဟးထီၣ်ကွံာ် 15:7

နမၤနၢၤကွံာ်နဒုၣ်နဒါတဖၣ်လၢနတၢ်ကဟုကညီၢ်အတၢ်မၤနၢၤလီၤ. နတၢ်သးဒိၣ်ကပျီၤထီၣ်ဝဲဒီးအီၣ်ကွံာ်အဝဲသ့ၣ်ခဲလၢာ်ဒ်ဘုလီၢ် အသိးလီၤ.

လံာ်တၢ်ဟးထီၣ်ကွံာ် 5:12

ဒီးပှၤဂီၢ်မုၢ်လဲၤဆူကီၢ်အဲၤကူပတူးဒီဘ့ၣ်ညါဒ်သိးကမၤန့ၢ် ဘုလီၢ်အဂီၢ်လီၤ.

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 30:12

ဘၣ်ဆၣ်, အအံၤမ့ၢ်တၢ်လၢအံၣ်စရ့လးအကစၢ်ယွၤစီဆှံစံးဝဲ, “သုတပာ်ကဲတၢ်လၢယတဲဘၣ်သုဘၣ်ဒီးသုသန့ၤသုသးလၢတၢ် မၤဆူၣ်မၤစိးဒီးတၢ်လီတၢ်ဝ့ၤလီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 47:14

အဝဲသ့ၣ်ကလီၤဂာ်ဒီးဘုလီၢ်အရ့ၣ်အဒ့ဖိတဖၣ် ဒီးမ့ၣ်အူကအီၣ်ကွံာ်အီၤခဲလၢာ်လီၤ. အဝဲသ့ၣ်အုၣ်က့ၤခီၣ်က့ၤလီၤအသးဒၣ်လဲာ်တသ့ဘၣ်. မ့ၣ်အူလၣ်တဖၣ်ကကိၢ်ကဲၣ်ဆိးလၢအဝဲသ့ၣ်အဂီၢ်ဒီးတမ့ၢ်ဝဲမ့ၣ် အူလၢၤလၢၤတခါလၢအဝဲသ့ၣ်ကဆူးဒီးမၤလၢၤအသးအဂီၢ်န့ၣ်ဘၣ်.

လံာ်ယၡါယၤ 7:9

ကီၢ်အံၣ်စရ့လးအဂံၢ်အဘါတဆူၣ်ထဲသိးဒီးဝ့ၢ်ၡၤမရံ, လၢအမ့ၢ်အဝ့ၢ်ခိၣ်, ဒီးဝ့ၢ်ၡၤမရံအဂံၢ်အဘါတဆူၣ်ထဲသိးဒီးစီၤပၤပ့ကးဘၣ်လီၤ. သုတၢ်စူၢ်တၢ်နာ်မ့ၢ်တဂၢၢ်တကျၢၤဘၣ်ဒီး, သုအိၣ်ဂၢၢ်ဆိးကျၢၤတန့ၢ်ဘၣ်ဝဲဘၣ်.”

လံာ်ယၡါယၤ 9:18

ပှၤဂီၢ်မုၢ်အတၢ်အၢတၢ်သီအီၣ်ကွံာ်တၢ်ဒ်မ့ၣ်အူလၢအမၤဟးဂီၤ တပှီာ်တၤဆှုၣ်တဖၣ်ဒီးတၤဆှုၣ် တၤမဲတဖၣ်အသိးန့ၣ်လီၤ. အီၣ်ကွံာ်တၢ်ဒ်သ့ၣ်ပှၢ်မ့ၣ်အူအသိးလၢအဆှၢထီၣ်မ့ၣ်အူလုၢ် အထူၣ်တဖၣ်န့ၣ်လီၤ.

လံာ်ယၡါယၤ 9:19

မ့ၢ်လၢယွၤ, သ့တၢ်လၢာ်ကစၢ်အသးထီၣ်အဃိ, အဝဲအတၢ်စံၣ်ညီၣ်အီၣ်ကွံာ်တၢ်ဒ်မ့ၣ်အူအီၣ်တၢ်လၢထံကီၢ် ဒီဘ့ၣ်အသိး, ဒီးမၤဟးဂီၤကွံာ်ပှၤဂီၢ်မုၢ်လီၤ. ဒီးပှၤကိးဂၤဒဲးန့ၣ်မ့ၢ်ပှၤအဲၣ်လီၤထဲအသးဒၣ်ဝဲဧိၤန့ၣ်လီၤ.

လံာ်ယံးရမံယၤ 6:19

ဒိကနၣ်တၢ်တက့ၢ်, ဟီၣ်ခိၣ်ဧၢ, ယဟဲစိာ်တၢ်ဟးဂီၤလၢပှၤဂီၢ် မုၢ်သ့ၣ်တဖၣ်အံၤအဖီခိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကူၣ် အကျဲတဖၣ်အဂီၢ်အသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်ညိကွံာ်ယတၢ် သိၣ်လိသီလိဒီးတစူၢ်တ့ၢ်ဘၣ်ယတၢ်ကတိၤတဖၣ်ဘၣ်.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်ယဃ့းစက့လး 15:6

ဒီးခဲအံၤ, တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဒ်စပံးမုၢ်တမုၢ်ဘၣ်တၢ်ဟံးထီၣ်ကွံာ်အီၤလၢပှၢ်လၢ်ကျါဒီးဘၣ် တၢ်ဒွဲၣ်အူကွံာ်အီၤအသိးန့ၣ်, ယကဟံးန့ၢ်ပှၤဂီၢ်မုၢ်လၢအအိၣ်ဆိးလၢဝ့ၢ်ယရူၤၡလ့ၣ်အပူၤ,

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

လံာ်ဟိၤၡ့ 5:12

ယကဟဲစိာ်တၢ်မၤလီၤပှီၢ်ဆူကီၢ်အံၣ်စရ့လးအဖီခိၣ် ဒီးတၢ်ဟးဂီၤဆူကီၢ်ယူဒၤအပှၤဂီၢ်မုၢ်အဖီခိၣ်လီၤ.

လံာ်ဟိၤၡ့ 9:16

ကီၢ်အံၣ်စရ့လးအပှၤဂီၢ်မုၢ်အံၤလီၤဂာ်ဒ်တၢ်မုၢ်တမုၢ်လၢ အဂံၢ်တဖၣ်ဃ့ထီကွံာ်ဝဲဒီးတသၣ်ထီၣ်နီတဖျၢၣ်ဘၣ်အသိး န့ၣ်လီၤ. အဝဲသ့ၣ်တအိၣ်ဒီးအဖိတဖၣ်ဘၣ်. ဒီးမ့ၢ်အိၣ်ဒၣ်လဲာ်န့ၣ်ယကမၤသံကွံာ်အဖိတဖၣ်လၢအအဲၣ်ဝဲဒိၣ် မးန့ၣ်လီၤ.

လံာ်ယိၤအ့လး 2:5

အဝဲသ့ၣ်စံၣ်ဝဲလၢကစၢၢ်ကလိတဖၣ်အဒီခိၣ် သီၣ်လီၤဂာ်ဒ်လ့ၣ်ကဟၣ်အသိး ဒီးမၤသီၣ်အကလုၢ်လီၤဂာ်ဒ်လီၢ်အဃ့လၢမ့ၣ်အူ အီၣ်ကွံာ်အီၤအသိးန့ၣ်လီၤ. အဝဲသ့ၣ်ရဲၣ်လီၤအသးဒ်သုးမုၢ်ဖးဒိၣ်တဖုလၢ အအိၣ်ကတဲာ်ကတီၤအသးလၢ တၢ်ဒုးအဂီၢ်အသိးန့ၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်လူၤကၣ် 3:17

အဝဲဒၣ်လီၤဂာ်ဒီးပှၤတဂၤလၢအဟံးဃာ်အကီၢ်လဲၢ်လၢအစုပူၤ ဒ်သိးအကပညၢကဆှီထီၣ်အဘုတဖၣ်, ဒီးကဂၢ်ဖှိၣ်အဘုကၠူၣ်တဖၣ်ဆူအဘုဖီအပူၤ, မ့မ့ၢ်လီၢ်ဧိၤဒံးဧိၤဒီးဖ့တဖၣ် ကဆူးကဲၤထီၣ်ကွံာ်ဝဲလၢမ့ၣ်အူလၢအလီၤပံာ်တသ့အပူၤန့ၣ်လီၤ.”

လံာ်လူၤကၣ် 7:30

မ့မ့ၢ်, ပှၤဖၤရံၤၡဲဒီးသရၣ်သိၣ်လိတၢ်သိၣ်တၢ်သီတဖၣ်တကနၣ်ဃုာ် ကစၢ်ယွၤအတၢ်တိာ်ပာ်လၢအဝဲသ့ၣ်အနီၢ်ကစၢ်ဒၣ်ဝဲအဂီၢ်ဘၣ်. ဒီးတတူၢ်လိာ်စီၤယိၤဟၣ်အတၢ်ဘျၢအီၤလၢထံဘၣ်လီၤ.

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

မၤတၢ် 13:41

‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”

လံာ်သိၣ်လီၤသီလီၤတၢ် 28:24

လၢတၢ်ဟဲစူၤအလီၢ်န့ၣ်, ယွၤကဆှၢလီၤဖၣ်ကမူၣ်ကလံၤမုၢ်တဖၣ်ဒီး မဲးကလံၤမုၢ်တဖၣ်တုၤလီၤလၢသုဘၣ်တၢ်မၤဟးဂီၤကွံာ်သုန့ၣ်လီၤ.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:23

တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:26

စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”