လံာ်ယၡါယၤ 5:22 - Sgaw Karen Common Bible

²² သုဘၣ်တၢ်စံၣ်ညီၣ်ဃါမနၤလီၤ. စပံးထံပလီအပှၤဒူပှၤဃိၤသ့ၣ် ဧၢ, ဖဲသုကျဲၣ်ကျီသံးဧိၤဂာ်ဧိၤန့ၣ်, သုဒူ သုဃိၤဒီးတၢ်ပျံၤတၢ်ဖုးတအိၣ်ဒီးသုဘၣ်.

လံာ်ယၡါယၤ 5:22 Iomraidhean Croise

လံာ်စီၤပၤအခီၣ်ထံးတဘ့ၣ် 20:16

တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

လံာ်တၢ်ဟးထီၣ်ကွံာ် 23:8

တူၢ်လိာ်ခိၣ်ဖးလာ်ဆှိးတဂ့ၤ. အဂ့ၢ်ဒ်အံၤ, ခိၣ်ဖးလာ်ဆှိးမၤဘျီၣ်ပှၤအမဲာ်ဒ်သိးအသုတထံၣ်တၢ်အဘၣ်ဒီးမၤ ဟးဂီၤပှၤလၢအတၢ်ကမၣ်တအိၣ်ဘၣ်တဖၣ်အကွီၢ်န့ၣ်လီၤ.

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

တၢ်ကတိၤဒိ. 23:29

ဒုးနဲၣ်ယၤပှၤတဂၤလၢအအီမူၤသံး, လၢအဘၣ်ကျဲးစၢးမၤကွၢ်တၢ် အီအသီန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဘၣ်ကိၢ်ဘၣ်ဂီၤဒီးသူၣ်အုးသးအုး လၢအနီၢ်ကစၢ်ဒၣ်ဝဲအဂီၢ်န့ၣ်လီၤ. ထီဘိအဝဲမၤကီမၤခဲတၢ်ဒီးကဒူးကဒ့ၣ်တၢ်န့ၣ်လီၤ.

တၢ်ကတိၤဒိ. 31:4

ဒိကနၣ်ယၤတက့ၢ်စီၤလမူၤအ့လးဧၢ, စီၤပၤတဖၣ်တကြၢးအီ စပံးထံမ့ၢ်ဂ့ၤ, တကြၢးအိၣ်ဒီးသးလၢအဆၢအီသံးအီဂာ်မ့ၢ်ဂ့ၤ န့ၣ်ဘၣ်.

တၢ်ကတိၤဒိ. 31:5

ဖဲအဝဲသ့ၣ်အီတၢ်ဒီး, အဝဲသ့ၣ်သးပ့ၤနီၣ်ကွံာ်တၢ်သိၣ်တၢ်သီ တဖၣ်ဒီးကွၢ်ကပာ်ကွံာ်ပှၤလၢအလိၣ်ဘၣ်တၢ်မၤစၢၤတဖၣ်အခွဲး အယာ်န့ၣ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 24:9

တၢ်အီစပံးထံဒီးသးဝံၣ်တၢ်လၢတၢ်သူၣ်ဖှံသးညီအပူၤတအိၣ် လၢၤဘၣ်. ပှၤတမုာ်လၤသးခုလၢအတၢ်ဘိၣ်တၢ်ဘဲအပူၤ နီတဂၤနီတစုလၢၤဘၣ်.

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 5:11

သုဘၣ်တၢ်စံၣ်ညီၣ်ဃါမနၤလီၤ. သုပၢၢ်ထီၣ်လၢဂီၤထၢၣ်သၢဒ်သိး သုကစးထီၣ်အီသံးအဂီၢ်ဒီးသုမၤလၢာ်ဖးထီတၢ်ဆၢက တီၢ်လၢမုၢ်ဟါလၢတၢ်မူၤတၢ်ဘှီးအပူၤလီၤ.

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်ဃဘးကူာ် 2:15

ကစၢ်ယွၤကစံၣ်ညီၣ်နၤဃါမနၤလီၤ. နမၤတ့ၢ်နဲဒ်သိးပှၤကလုာ်လၢနဃၢၤတဖၣ်ကအီစပံး ထံအလီခီလၢအဒိလီၤနတၢ်သးထီၣ်န့ၣ်လီၤ. နဒုးအီမူၤအီၤဒီး နမၤမဲာ်ဆှးအီၤလၢတၢ်ကွၢ်အဝဲသ့ၣ်အနီၢ်ခိအတၢ်အိၣ်ဘ့ၣ်ဆ့ တဖၣ်န့ၣ်လီၤ.