လံာ်ယၡါယၤ 5:20 - Sgaw Karen Common Bible

²⁰ သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်ယၡါယၤ 5:20 Iomraidhean Croise

လံာ်စီၤယိၤဘး 17:12

ဘၣ်ဆၣ်ယတံၤသကိးသ့ၣ်တဖၣ်စံးဝဲလၢမုၢ်နၤန့ၣ်မ့ၢ်မုၢ်ဆါ အတၢ်ကပီၤဒီးအဝဲသ့ၣ်စံးလၢတၢ်ကပီၤဟဲ ဘူးထီၣ်လံန့ၣ်လီၤ. မ့မ့ၢ်ယသ့ၣ်ညါလၢ ယအိၣ်ဒၣ်လၢတၢ်ခံးတၢ်နၤအပူၤန့ၣ်လီၤ.

လံာ်တၢ်ဟးထီၣ်ကွံာ် 23:7

ဒုးအိၣ်ထီၣ်တၢ်ပာ်ဒ့ၣ်ပာ်ကမၣ်တတီတလိၤတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်ဘၣ်တဂၤတဂ့ၤ. အဂ့ၢ်ဒ်အံၤ, ယကစံၣ်ညီၣ်ဃၣ်ပှၤတဂၤလၢ်လၢ်လၢအမၤ တၢ်အၢတၢ်သီဒ်န့ၣ်အသိးလီၤ.

တၢ်ကတိၤဒိ. 17:15

တၢ်စံၣ်ညီၣ်ဃၣ်ပှၤလၢအတၢ်ကမၣ်တအိၣ်ဘၣ်ဒီးပျၢ်ဖျဲးပှၤတတီ တလိၤန့ၣ်, မ့ၢ်တၢ်လီၤသးဟ့လၢယွၤအမဲာ်ညါခံမံၤလိာ်လီၤ.

တၢ်ကတိၤဒိ. 4:17

အဂ့ၢ်ဒ်အံၤ, တၢ်တတီတလိၤဒီးတၢ်မၤဆူၣ်မၤစိးတဖၣ်လီၤဂာ်ဒီး တၢ်အီၣ်တၢ်အီလၢအဝဲသ့ၣ်အဂီၢ်န့ၣ်လီၤ.

လံာ်ယၡါယၤ 24:9

တၢ်အီစပံးထံဒီးသးဝံၣ်တၢ်လၢတၢ်သူၣ်ဖှံသးညီအပူၤတအိၣ် လၢၤဘၣ်. ပှၤတမုာ်လၤသးခုလၢအတၢ်ဘိၣ်တၢ်ဘဲအပူၤ နီတဂၤနီတစုလၢၤဘၣ်.

လံာ်ယၡါယၤ 29:21

ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယၡါယၤ 30:10

အဝဲသ့ၣ်တဲဘၣ်ဝံတဖၣ်လၢကအိၣ်ဘှ့ၣ် အိၣ်ဘှီၣ်န့ၣ်လီၤ. အဝဲသ့ၣ်စံးဝဲ, “ကတိၤတၢ်ဒီးပှၤဘၣ်ဃးဒီးတၢ်လၢအဘၣ် အဂ့ၢ်တဂ့ၤ. တဲဘၣ်ပှၤတၢ်လၢပသးအိၣ်နၢ်ဟူတက့ၢ်. မ်ပဟံးဃာ်ပတၢ်ထံၣ်တၢ်ဆိကမိၣ်ကမၣ်တဖၣ်တက့ၢ်.

လံာ်ယၡါယၤ 32:5

ပှၤတဆိကမိၣ်နီတဂၤဘၣ်လၢပှၤအမၢးတဂၤမ့ၢ်ပှၤ အိၣ်ဒီးတၢ်လၤကပီၤမ့ၢ်ဂ့ၤ, စံးလၢပှၤတမူၢ်တနီၢ်တဂၤ တီဝဲလိၤဝဲမ့ၢ်ဂ့ၤန့ၣ်ဘၣ်.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်ဧၤမိၣ် 5:7

သုဝဲလၢအဘိးကဒါကွံာ်တၢ်တီတၢ်လိၤဆူတၢ်အခၣ်ဒီးတၢၤကွံာ် တၢ်မ့ၢ်တၢ်တီဆူဟီၣ်ခိၣ်လိၤသ့ၣ်ဧၢ, သုဘၣ်တၢ်စံၣ်ညီၣ်ဃၣ်သုလီၤ.

လံာ်မံကၤ 3:2

အန့ၣ်ဒၣ်လဲာ်, သုသးဟ့တၢ်လၢအဂ့ၤဒီးအဲၣ်တၢ်လၢအအၢအသီလီၤ. သုအုၣ်ကွံာ်မူဒံးယပှၤဂီၢ်မုၢ်အဖံးဒီး အိးကွံာ်အညၣ်လၢအဃံတဖၣ်အလိၤလီၤ.

လံာ်ဃဘးကူာ် 1:4

တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.

လံာ်မၤလကံ 2:17

သုမၤဘှံးယွၤအသးလၢသုတၢ်ကတိၤန့ၣ်လံ. ဘၣ်ဆၣ်ဒီးသုသံကွၢ်, “ပမၤဘှံးအသးလၢမနုၤတမံၤန့ၣ်လဲၣ်.” ခီဖျိသုစံးလၢယွၤသ့တၢ်လၢာ်ဆိကမိၣ်လၢကယဲၢ်ပှၤမၤတၢ်အၢ ခဲလၢာ်မ့ၢ်ပှၤအဂ့ၤဒီးဘၣ်သူၣ်ဘၣ်သးဝဲန့ၣ်လီၤ. မ့တမ့ၢ်ဘၣ်ဒီးသုသံ ကွၢ်, “ကစၢ်ယွၤလၢအစံၣ်ညီၣ်တၢ်တီန့ၣ်, အိၣ်ဖဲလဲၣ်” န့ၣ်လီၤ.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.