လံာ်ယၡါယၤ 5:16 - Sgaw Karen Common Bible

¹⁶ ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယၡါယၤ 5:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:11

နမ့ၢ်တၢ်ဒိၣ်တၢ်မုၢ်ဒီးစိဒိၣ်ကမီၤထီ, လၤဒိၣ်ကပီၤအါ, ကပြုၢ်ကပြီၤဒီးလီၤကဟုကညီၢ်န့ၣ်လီၤ. ကယဲၢ်တၢ်ခဲလၢာ်လၢအအိၣ်ဝဲလၢမူခိၣ်ဒီးဟီၣ်ခိၣ်န့ၣ်မ့ၢ်နတၢ်, ဒီးနမ့ၢ်စီၤပၤ, ဒီးပှၤပၢတၢ်အဒိၣ်ကတၢၢ်လၢတၢ်ခဲလၢာ်အဖီခိၣ် န့ၣ်လီၤ.

စံးထီၣ်ပတြၢၤ 21:13

ယွၤဧၢ, ပစံးထီၣ်ပတြၢၤနၤ လၢနဂံၢ်ဆူၣ်နဘါဆူၣ်အဃိ, ပကသးဝံၣ်ဒီးစံးထီၣ်ပတြၢၤနစိနကမီၤန့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 2:9

ပှၤကိးဂၤဒဲးကဘၣ်တၢ်ဆီၣ်လီၤအီၤဒီးမၤမဲာ်ဆှးအီၤလီၤ. ယွၤဧၢ, ပျၢ်အတၢ်ကမၣ်တက့ၢ်.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 29:23

ဖဲသုထံၣ်ဘၣ်ဖိတဖၣ်လၢယဟ့ၣ်လီၤသုန့ၣ်, သုကအၢၣ်လီၤတူၢ်လိာ်လၢယမ့ၢ်အံၣ်စရ့လး အကစၢ်ယွၤစီဆှံန့ၣ်လီၤ. သုကမၤလၤကပီၤယၤဒီး ဆၢထၢၣ်လၢတၢ်ပျံၤတၢ်ယူးယီၣ်ယၤအပူၤလီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 33:10

ယွၤစံးဘၣ်ပှၤကလုာ်တဖၣ်, “ခဲကနံၣ်အံၤ, ယကမၤတၢ်လီၤ. ယကဒုးနဲၣ်လၢယစိကမီၤဒိၣ်ထဲလဲၣ်ထဲလဲၣ်န့ၣ်လီၤ.

လံာ်ယၡါယၤ 33:5

ယွၤန့ၣ်ဒိၣ်ဝဲဆံးဒိၣ်လဲၣ်. အဝဲပၢတၢ်လၢတၢ်ခဲလၢာ်အဖီခိၣ်လီၤ. အဝဲကမၤပှဲၤဝ့ၢ်ယရူၤရှလ့ၣ်ဒီးတၢ်စံၣ်ညီၣ်တီဒီးတၢ်မၤတီ အကလုၢ်,

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 6:3

အဝဲသ့ၣ်ကိးထီၣ်ဝဲတဂၤဆူတဂၤအအိၣ်, “စီဆှံ, စီဆှံ, စီဆှံ, ယွၤသ့တၢ်လၢာ်ကစၢ်အံၤစီဆှံဝဲလီၤ. အလၤကပီၤပှဲၤလၢဟီၣ်ခိၣ်ဒီဘ့ၣ်ညါလီၤ.”

လံာ်ယၡါယၤ 61:8

ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်ယၡါယၤ 8:13

သ့ၣ်နီၣ်ထီၣ်က့ၤလၢယၤ, ယွၤသ့တၢ်လၢာ်ကစၢ်အံၤစီဆှံဝဲန့ၣ်တက့ၢ်. ယမ့ၢ်ပှၤတဂၤလၢနကဘၣ်ပျံၤအီၤန့ၣ်လီၤ.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်ယဃ့းစက့လး 28:25

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကဟဲက့ၤစိာ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်ဒီးပှၤကလုာ်ခဲလၢာ်ကသ့ၣ်ညါဝဲလၢယမ့ၢ်တၢ်စီဆှံ န့ၣ်လီၤ. ကီၢ်အံၣ်စရ့လးအပှၤဂီၢ်မုၢ် ကအိၣ်ဆိးလၢ အထံကီၢ်ဒၣ်ဝဲအပူၤ, ထံကီၢ်တဘ့ၣ်လၢယဟ့ၣ်လီၤ တ့ၢ်ယခ့ယပှၤစီၤယၤကိာ်န့ၣ်လီၤ.

လံာ်ယဃ့းစက့လး 36:23

တုၤမ့ၢ်ယဒုးနဲၣ်ဖျါထီၣ်ယမံၤအဒိၣ်အမုၢ်အတၢ်စီဆှံလၢပှၤကလုာ် တဖၣ်အမဲာ်ညါ, မံၤလၢသုမၤမဲာ်ဆှးတ့ၢ်အီၤလၢအဝဲသ့ၣ်အကျါ န့ၣ်ဒီး, အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ. ယၤ, ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ. ယကသူသုဒ်သိး ယကဒုးနဲၣ်ပှၤကလုာ်တဖၣ်လၢယမ့ၢ်တၢ်စီဆှံန့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဂံၢ် 20:13

တၢ်အံၤမၤတ့ၢ်အသးဖဲမရံၤဘါ, တၢ်လီၢ်ဖဲကီၢ်အံၣ်စရ့လးအပှၤ ဂီၢ်မုၢ်ကဒူးကဒ့ၣ်တၢ်ထီဒါယွၤဒီးဖဲယွၤဒုးနဲၣ်တ့ၢ်အဝဲသ့ၣ်လၢ အဝဲမ့ၢ်တၢ်စီဆှံန့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

၁ ပ့းတရူး 1:16

တၢ်ကွဲးအသးစံးဝဲဒၣ်, “ကဲထီၣ်ပှၤစီဆှံတက့ၢ်. အဂ့ၢ်ဒ်အံၤယမ့ၢ်ပှၤစီဆှံလီၤ” (ဘူၣ်ဘါ ၁၁:၄၄).

၁ ပ့းတရူး 2:15

အဂ့ၢ်ဒ်လဲၣ်န့ၣ်, ကစၢ်ယွၤအသးအိၣ်လၢသုကမၤဘှ့ၣ်မၤဘှီၣ် ပှၤဟးဂီၤဖိတဖၣ်အတၢ်ကတိၤလၢအခီပညီတအိၣ်ဘၣ်, ခီဖျိသုတၢ်မၤအဂ့ၤတဖၣ်န့ၣ်လီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”