လံာ်ယၡါယၤ 5:15 - Sgaw Karen Common Bible

¹⁵ ပှၤကိးဂၤဒဲးကဘၣ်တၢ်မၤမဲာ်ဆှးအီၤ ဒီးပှၤလၢအပာ်ထီၣ်ထီအသးကိးဂၤဒဲးကဘၣ်တၢ်ဆီၣ်လီၤအီၤလီၤ.

လံာ်ယၡါယၤ 5:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:28

နအုၣ်က့ၤခီၣ်က့ၤပှၤတဖၣ်လၢအဆီၣ်လီၤအသး, မ့မ့ၢ်နဆီၣ်လီၤပှၤတဖၣ်လၢအပာ်ထီၣ်ထီအသး န့ၣ်လီၤ.

စံးထီၣ်ပတြၢၤ 131:1

ယွၤဧၢ, ယညိကွံာ်ယတၢ်ပာ်ထီၣ်ထီသးဒီး ဃၣ်ကွံာ်ယသးလၢ တၢ်ပာ်ကဖၢလၢယသးန့ၣ်လံ. ယတသးအိၣ်တၢ်ဂ့ၢ်အဒိၣ်အမုၢ်တဖၣ် မ့တမ့ၢ် တၢ်ဂ့ၢ်တၢ်ကျိၤတဖၣ်လၢ အကီ ကဲာ်ဆိးလၢယဂီၢ်န့ၣ်ဘၣ်.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

လံာ်တၢ်ဟးထီၣ်ကွံာ် 9:17

အန့ၣ်ဒၣ်လဲာ်နပာ်ကဖၢလၢဒံးနသးဒီးဂ့ၢ်လိာ်လၢနကပျၢ်ယပှၤဂီၢ် မုၢ်ဟးထီၣ်န့ၣ်လီၤ.

တၢ်ကတိၤဒိ. 30:13

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဂ့ၤဒိၣ်မးန့ၣ်လီၤ. အိ, မ့ၢ်အဆိကမိၣ်လီၤအသးလၢအဂ့ၤဆံးဒိၣ်ဆံးအါန့ၣ်လဲၣ်.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 10:33

ယွၤ, သ့တၢ်လၢာ်ကစၢ်ကမၤလီၤပှီၢ်အဝဲသ့ၣ်ဒ်သ့ၣ်ဒ့တဖၣ် ဘၣ်တၢ်ကျီၤလီၤတဲာ်ကွံာ်အီၤလၢသ့ၣ်ထူၣ်အလိၤသီၣ်ဝဲ အသိးလီၤ. ပှၤလၢအပာ်ထီၣ်ထီအသးနးနးကလဲာ်ဒီးပှၤ အိၣ်လၢလီၢ်ထီကတၢၢ်လၢအဝဲသ့ၣ်အကျါတဖၣ်ကဘၣ် တၢ်ကျီတဲာ်အီၤဒီးမၤမဲာ်ဆှးအီၤလီၤ.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 2:9

ပှၤကိးဂၤဒဲးကဘၣ်တၢ်ဆီၣ်လီၤအီၤဒီးမၤမဲာ်ဆှးအီၤလီၤ. ယွၤဧၢ, ပျၢ်အတၢ်ကမၣ်တက့ၢ်.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),