လံာ်ယၡါယၤ 5:12 - Sgaw Karen Common Bible

¹² လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယၡါယၤ 5:12 Iomraidhean Croise

လံာ်တၢ်ကဲထီၣ်အခီၣ်ထံး 31:27

ဘၣ်မနုၤလၢနလီယၤဒီးဟးထီၣ်ကစုဒုဒီးတဒုးသ့ၣ်ညါယၤဘၣ် န့ၣ်လဲၣ်. နမ့ၢ်တဲယၤဒီးယကဆှၢနၤလၢတၢ်သူၣ်ခုသးခုအပူၤဒီးသးဝံၣ် တၢ်လၢဒၢဧိၤတြၤဧိၤဒီးတနၢ်သီတူၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:35

ယသးအိၣ်လံအနံၣ်ဃိးဆံလံ, ဒီးတၢ်လၢကဟ့ၣ်ယၤတၢ်မုာ်တၢ်လၤ တအိၣ်လၢၤဘၣ်နီတမံၤဘၣ်. တၢ်လၢယအီၣ်ယအီအီၤန့ၣ်ယတသ့ၣ်ညါအတၢ်ဝံၣ်တၢ်ဘဲလၢၤဘၣ်. ဒီးပှၤသးဝံၣ်တၢ်ဖိတဖၣ်အကလုၢ်န့ၣ်ယနၢ်ဟူတသ့လၢၤဘၣ်. ယကကဲထီၣ်ဒၣ်ထဲတၢ်ဝံဃၢယိးဃၢလၢနဲဒၣ်တၢ်ဒိၣ်ကစၢ်စီၤပၤ အဂီၢ်န့ၣ်လီၤ.

လံာ်စီၤယိၤဘး 34:27

အဂ့ၢ်ဒ်အံၤ, အဝဲသ့ၣ်ဆိကတီၢ်အတၢ်ပိာ်ထွဲအခံဒီးလဲၤကပာ် ကွံာ်ကယဲၢ်အတၢ်မၤလိာ်ခဲလၢာ်န့ၣ်လီၤ.

စံးထီၣ်ပတြၢၤ 28:5

အဝဲသ့ၣ်တပာ်ဒိၣ်ယွၤတၢ်မၤတဖၣ် ဒီးယွၤအစုအတၢ်ဖံးတၢ်မၤန့ၣ်ဘၣ်. သတးဒီးယွၤကမၤဟးဂီၤကွံာ်အဝဲသ့ၣ် ဒီးတသူၣ်ထီၣ်က့ၤလၢၤအီၤနီတဘျီဘၣ်န့ၣ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 24:8

ဒီးအဝဲသ့ၣ်အတနၢ်တဖၣ်ဒီးကျိၣ်တဖၣ်အသီၣ်လၢအပှဲၤဒီးတၢ် သးခုန့ၣ်ဆိကတီၢ်အသးလံ.

လံာ်ယၡါယၤ 29:1

ကစၢ်ယွၤအတၢ်လုၢ်လီၢ်, ဝ့ၢ်ယရူၤၡလ့ၣ်အကစၢ်ဒၣ်ဝဲအံၤ, ဘၣ်တၢ်စံၣ်ညီၣ်အီၤဃါမနၤလီၤ. ဝ့ၢ်ဖဲစီၤဒၤဝံးသူၣ်တ့ၢ်အဒဲအလီၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ပျဲအတၢ်အီၣ်အမူးတဖၣ်ဒီးအဘူၣ်တဖၣ်မၤအသး လၢနံၣ်ကဟဲကဒီးတနံၣ်မ့တမ့ၢ်ခံနံၣ်အတီၢ်ပူၤန့ၣ်တက့ၢ်.

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

1 ကရံၣ်သူး 14:7

ကွၢ်အဒိလၢတၢ်ဒ့တၢ်အူလၢအသးသမူတအိၣ်, ဒ်ပံမ့တမ့ၢ်တနၢ်န့ၣ်တက့ၢ်. မ့တမ့ၢ်လၢတၢ်အကလုၢ်တဖျၢၣ်ဘၣ်တဖျၢၣ်ဘၣ်တၢ်မၤသီၣ်ထီၣ်အီၤဆှံ ဆှံဖျါဖျါဘၣ်ဒီး, မတၤတဂၤသ့ၣ်ညါတၢ်သးဝံၣ်အယုၢ်လၢအဘၣ်တၢ်အူအီၤမ့တမ့ၢ်ဒ့ အီၤန့ၣ်ကသ့ဝဲလၢကျဲဒ်လဲၣ်.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.