လံာ်ယၡါယၤ 5:10 - Sgaw Karen Common Bible

¹⁰ စပံးမုၢ်တဖၣ်လၢအမဲထီၣ်လၢတဆံယဲၢ်အ့ကၢၢ်အဖီခိၣ်န့ၣ်ကဟ့ၣ် ထီၣ်စပံးထံထဲတဘၤသးဧိၤလီၤ. ဒီးတၢ်အချံတဧိၤမ့ၣ်န့ၣ်ကဟ့ၣ်ထီၣ်ဒၣ်ထဲဘုခ့တအ့ဖးဧိၤလီၤ.”

လံာ်ယၡါယၤ 5:10 Iomraidhean Croise

လံာ်တၢ်ဟးထီၣ်ကွံာ် 37:22

အဘိၣ်တဖၣ်, အဒ့တဖၣ်ဒီးတၢ်ပာ်မ့ၣ်အူအလီၢ်တဖၣ်န့ၣ်မ့ၢ်ထူစီ တကိၢ်လိၣ်ဃီန့ၣ်လီၤ.

လံာ်ယၡါယၤ 32:13

တၤဆှုၣ် တၤမဲအတပှီာ်တဖၣ်မဲထီၣ်ဝဲလၢယပှၤဂီၢ်မုၢ် အကီၢ်ပူၤလံ. ဟီၣ်တၢ်ယၢၤတၢ်လၢဟံၣ်ဃီခဲလၢာ်ဖဲ ပှၤဂီၢ်မုၢ်သူၣ်ဖှံသးညီတ့ၢ်ဝဲဒီးလၢဝ့ၢ်လၢအပှဲၤတ့ၢ်ဒီး တၢ်မူတၢ်ဂဲၤန့ၣ်အဂီၢ်တက့ၢ်.

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယံးရမံယၤ 48:33

တၢ်သူၣ်ဖှံသးညီဒီး တၢ်သူၣ်ခုသးခုဘၣ်တၢ်ဟံး ထီၣ်ကွံာ်လၢ ကီၢ်မိၤအးအဟီၣ်ခိၣ်ညၣ်ထ့ၣ်အဂ့ၤ အပူၤလီၤ. ယဒုးဆိကတီၢ် စပံးထံအတၢ်ယွၤလီၤလၢ နီၣ်စံၢ်စပံးသၣ်တဖၣ်အပူၤန့ၣ်လီၤ. ပှၤတအိၣ်နီတဂၤဘၣ် လၢကယီၢ်စပံးသၣ်ဒီး ကိးထီၣ်လၢတၢ်သးခုအပူၤန့ၣ်ဘၣ်.

လံာ်ယိၤအ့လး 1:17

တၢ်ချံတဖၣ်သံလၢဟီၣ်ခိၣ်ဃ့အဃိလီၤ. ဘုချံလၢတၢ်ကပာ်ဖှိၣ်အီၤအဂီၢ်တအိၣ်ဘၣ်, ဒီးဘုဖီတဖၣ်ဟးဂီၤကွံာ်ဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:16

ဒီးပှၤတဂၤမ့ၢ်ပာ်စီဆှံအစံာ်တနီၤလၢအန့ၢ်သါဘၣ်ဝဲဆူယွၤအ အိၣ်ဒီးတၢ်အပှ့ၤကဘၣ်တၢ်ပာ်အီၤဒ်တၢ်ချံလၢကဘၣ်ဖှံလီၤအီၤ အနီၣ်ဃီၣ်အိၣ်ဝဲအသိးန့ၣ်လီၤ. ဘုမုယီၤလီၤတယၢၢ်တဃိမ့ၢ်အပှ့ၤမ့ၢ်စ့ၡက့လးယဲၢ်ဆံလီၤ.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 2:16

သုကလဲၤတ့ၢ်ဆူဘုဧိၤဟုဧိၤပာ်ဖှိၣ်သးအလီၢ်တပူၤ ဒီးမုၢ်လၢ်ထံၣ်ဘၣ်တၢ်ဃီၣ်န့ၢ်, ခံဆံနာ်ဘၣ်ဆၣ်, ဖဲန့ၣ်ကအိၣ်ထဲတဆံ နာ်ဧိၤလီၤ. သုကလဲၤတ့ၢ်ဒ်သိးသုကဃီၣ်န့ၢ်စပံးထံလၢနီၣ်စံၢ်စပံးထံ အပူၤအခွးယဲၢ်ဆံဘၣ်ဆၣ်, ဖဲန့ၣ်ကအိၣ်ထဲခံဆံခွးဧိၤလီၤ.

လံာ်သိၣ်လီၤသီလီၤတၢ် 28:38

သုကဖှံလီၤတၢ်ချံအါအါဂီၢ်ဂီၢ်, ဘၣ်ဆၣ်ကူးဘၣ်တၢ်ထဲစှၤကိာ်ဧိၤ, မ့ၢ်လၢဒွဲၣ်ဧိၤတြၤဧိၤတဖၣ်ကအီၣ်ကွံာ်သုတၢ်မုၢ်တၢ်ဘိ, တၤသူတၤသၣ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:39

သုကသူၣ်လီၤဖျးလီၤစပံးလီၢ်တဖၣ်ဒီးအံးထွဲကွၢ်ထွဲအဝဲ သ့ၣ်, ဘၣ်ဆၣ်သုတဒဲးဘၣ်အစပံးသၣ်တဖၣ်မ့ၢ်ဂ့ၤ, အီဘၣ်စပံးထံလၢအီၤမ့ၢ်ဂ့ၤဘၣ်, မ့ၢ်လၢသံမိၢ်ပီၤတဖၣ်ကအီၣ် ကွံာ်စပံးအမုၢ်တဖၣ်အဃိန့ၣ်လီၤ.