လံာ်ယၡါယၤ 5:1 - Sgaw Karen Common Bible

¹ ဖဲယသးဝံၣ်န့ၢ်နၤတၢ်သးဝံၣ်အံၤ, ယတံၤသကိးဒီးအစပံးလီၢ် အတၢ်သးဝံၣ်တယုၢ်အံၤန့ၣ်, ဒိကနၣ်တက့ၢ်. ယတံၤသကိးအိၣ်ဒီးအစပံးလီၢ်တလီၢ်လၢအအိၣ်လၢကစၢၢ်ဖိ လၢဟီၣ်ခိၣ်ညၣ်ထ့ၣ်ဂ့ၤဒိၣ်မးအဒီခိၣ်လီၤ.

လံာ်ယၡါယၤ 5:1 Iomraidhean Croise

စံးထီၣ်ပတြၢၤ 101:1

ယတၢ်သးဝံၣ်မ့ၢ်တၢ်သးတီဒီး တၢ်စံၣ်ညီၣ်တီအဂ့ၢ်, ဒီးယကသးဝံၣ်အီၤဆူနအိၣ်, ယွၤဧၢ

စံးထီၣ်ပတြၢၤ 45:1

တၢ်ကတိၤဃံလၤတဖၣ်မၤပှဲၤယတၢ်ဆိကမိၣ် ဖဲယကွဲးတၢ်သးဝံၣ်အံၤလၢစီၤပၤအဂီၢ်န့ၣ်လီၤ. ဒ်ပှၤကွဲးလံာ်သ့အထိၣ်ဒံးအသိး ယပျ့ၤချ့လၢထါအဂီၢ်န့ၣ်လီၤ.

စံးထီၣ်ပတြၢၤ 60:5

ဒ်သိးပှၤလၢနအဲၣ်အီၤတဖၣ်ကပူၤဖျဲးအဂီၢ်န့ၣ်, ဟ့ၣ်တၢ်မၤနၢၤလၢနစုထွဲဒီးစံးဆၢလၢ်ပှၤတက့ၢ်.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:16

ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,

လံာ်တၢ်သးဝံၣ်တဖၣ်အတၢ်သးဝံၣ် 5:16

အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:3

ပှၤလၢယအဲၣ်မ့ၢ်ယတၢ်ဒီးယမ့ၢ်အတၢ် အဝဲဒုးအီၣ်အဆၣ်ဖိကီၢ်ဖိတဖၣ်အဆၣ်လၢဖီဒ့ၣ်ညါတဖၣ်အကျါန့ၣ် လီၤ.

လံာ်ယံးရမံယၤ 12:10

ပှၤတခီဘီမုၢ်ဖိအါဂၤမၤဟးဂီၤကွံာ်ယစပံးအလီၢ်လံ. အဝဲသ့ၣ်ယီၢ်တံၢ်လီၤယစံာ်ပျီတဖၣ်လံ. ဒီးအဝဲသ့ၣ်ဒုးကဲထီၣ်ယထံကီၢ်လၢအဃံလၤန့ၣ်ဆူမဲးမုၢ်ခိၣ်တတီၤလံ.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယဃ့းစက့လး 19:10

သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်မးသဲ 21:33

ယ့ၣ်ၡူးစံးဝဲ, “ကနၣ်ကဒီးတၢ်ကတိၤဒိအဂၤတခါတက့ၢ်. တၢ်စံးဝဲတဘျီ, စပံးလီၢ်ကစၢ်အိၣ်တဂၤလၢအသူၣ်လီၤစပံးလီၢ်တလီၢ်, ဝံၤကရၢဃာ်အီၤဝးတရံး, ဒီးခူၣ်န့ၢ်တၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဒီးဘှီထီၣ်ဒဲအခီၣ်ဖးထီတဖျၢၣ်လၢပှၤကခိးစပံးလီၢ်အဂီၢ်လီၤ. တုၤနုၤတစု, ဒိးလဲလီၤဝဲလၢပှၤဒိးလဲစပံးလီၢ်တဖၣ်အစုပူၤ, ဒီးဟးထီၣ်လၢအဟံၣ်ဒီးလဲၤတၢ်လီၤ.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်လူၤကၣ် 20:9

တုၤနုၤတစုယ့ၣ်ၡူးစံးဘၣ်တဲဘၣ်ပှၤဂီၢ်မုၢ်တဖၣ်လၢတၢ် ကတိၤဒိတထံၣ်အံၤလီၤ. “ပှၤတဂၤသူၣ်လီၤစပံးလီၢ်တလီၢ်, ဒိးလဲလီၤဝဲဆူပှၤမၤဟီၣ်ခိၣ်တဖၣ်, ဝံၤဒီးဟးထီၣ်လၢအဟံၣ်ဖးယံာ်လီၤ.

လံာ်ယိၤဟၣ် 15:1

ယဲဒၣ်အံၤယမ့ၢ်စပံးမုၢ်နီၢ်နီၢ်, ဒီးယပၢ်မ့ၢ်ပှၤပၢၤစပံးမုၢ် အလီၢ်လီၤ.

လံာ်သိၣ်လီၤသီလီၤတၢ် 8:10

သုကအိၣ်ဒီးကယဲၢ်တၢ်လၢသုအဲၣ်ဒိးအီၣ်, ဒီးသုကစံးဘျုး ယွၤ, သုကစၢ်ယွၤလၢအဟ့ၣ်လီၤတ့ၢ်သုကီၢ်လၢအပှဲၤဒီးဟီၣ်ခိၣ်ညၣ်ထ့ၣ် အဂ့ၤအဃိန့ၣ်လီၤ.

လံာ်သိၣ်လီၤသီလီၤတၢ် 8:7

ယွၤ, သုကစၢ်ယွၤန့ၣ်ဟဲစိာ်နုာ်သုဆူကီၢ်တဘ့ၣ်လၢအပှဲၤဒီး ဟီၣ်ခိၣ်ညၣ်ထ့ၣ်အဂ့ၤ, လၢအမ့ၢ်ကီၢ်တဘ့ၣ်လၢအအိၣ်ဒီးထံကျိတဖၣ်, ထံထီၣ်ပၢၢ်တဖၣ်, ထံကျိဖိလၢဟီၣ်ခိၣ်လာ်ခီ လၢအပုာ်ထီၣ်ယွၤလီၤဆူတၢ်လူၢ်တၢ်တြီၤတဖၣ်အပူၤန့ၣ်လီၤ.