လံာ်ယၡါယၤ 49:8 - Sgaw Karen Common Bible

⁸ ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 49:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:13

အဝဲကမ့ၢ်ပှၤတဂၤလၢကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်ဒီး ယကမၤလီၤတံၢ်လၢအဝဲအစၢၤအသွဲၣ်ကပၢတၢ်ဆူညါလီၤစိၤလီၤထီန့ၣ်လီၤ.

စံးထီၣ်ပတြၢၤ 2:8

ဃ့တၢ်လၢယၤတက့ၢ်, ဒီးယကဟ့ၣ်နၤလၢ ပှၤကလုာ်ခဲလၢာ်လီၤ. ဟီၣ်ခိၣ်ဒီဘ့ၣ်ကမ့ၢ်နတၢ်လီၤ.

စံးထီၣ်ပတြၢၤ 69:13

ယွၤဧၢ, မ့မ့ၢ်ယဲဒၣ်အံၤ, ယဘါထုကဖၣ်တၢ်ဆူနၤလီၤ. ကစၢ်ယွၤဧၢ, လၢဆၢကတီၢ်လၢနဃုထၢအီၤ ဒီးလၢနတၢ်အဲၣ်ဂၢၢ်ကျၢၤလၢလၢပှဲၤပှဲၤအပူၤန့ၣ် စံးဆၢလၢ်ယၤတက့ၢ်. အဂ့ၢ်ဒ်အံၤ, နဟံးဃာ်ကျၢၤနတၢ်အၢၣ်လီၤအီလီၤလၢ နကအုၣ်က့ၤခီၣ်က့ၤတၢ်လီၤ.

စံးထီၣ်ပတြၢၤ 75:3

တၢ်လၢအမူဝဲခဲလၢာ်မ့ၢ်ကနိးကစုာ်, ဒီးဟီၣ်ခိၣ်ဒၣ်လဲာ်မ့ၢ်ဟူးဝးဝဲဘၣ်ဆၣ်, ယကမၤဂၢၢ်ကျၢၤအခီၣ်ထံးတဖၣ်န့ၣ်လီၤ. စ့လၤ

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယၡါယၤ 49:19

နထံဧိၤကီၢ်ဧိၤဘၣ်တၢ်မၤဟးဂီၤကွံာ်တ့ၢ်အီၤဒီးအိၣ်သယုၢ် သညိလီၤ. မ့မ့ၢ်ခဲအံၤအလီၢ်ကအံၣ်ကဲာ်ဆိးလၢ ပှၤလၢအဟဲဒ်သိးကအိၣ်ကဆိးဖဲန့ၣ်တဖၣ်အဂီၢ်လီၤ. ဒီးပှၤသ့ၣ်တဖၣ်လၢအပာ်တီၢ်နၤလၢတၢ်ဟးဂီၤအပူၤန့ၣ်ကဘၣ် တၢ်သုးကွံာ်အီၤယံၤဒီးနၤလီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 54:3

နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ယၡါယၤ 58:5

ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 61:4

အဝဲသ့ၣ်ကသူၣ်ထီၣ်ဘှီထီၣ်ကဒါက့ၤဝ့ၢ်တဖၣ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤန့ၣ်လီၤ.

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

၂ ကရံၣ်သူး 6:2

ဒိကနၣ်တၢ်လၢကစၢ်ယွၤစံးဝဲန့ၣ်တက့ၢ်. “ဖဲတၢ်ဆၢကတီၢ်တုၤအိၣ်လၢယဂီၢ်, လၢယကမၤဂ့ၤသုန့ၣ်, ယဒိကနၣ်သုကလုၢ်လီၤ. ဖဲမုၢ်နံၤမုၢ်သီတုၤအိၣ်လၢယဂီၢ်, လၢယကဘၣ်အုၣ်က့ၤခီၣ်က့ၤသုန့ၣ်, ယမၤစၢၤသုလီၤ.” ဒိကနၣ်တက့ၢ်. ခဲကနံၣ်အံၤ မ့ၢ်ဝဲဆၢကတီၢ်နၣ်ရံၣ်လၢတၢ် ကဒိးန့ၢ်ယွၤအတၢ်မၤဂ့ၤအဂီၢ်လီၤ. တနံၤအံၤမ့ၢ်မုၢ်တနံၤလၢတၢ်ကဒိးန့ၢ်တၢ်အုၣ်က့ၤခီၣ်က့ၤ အဂီၢ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

ဧ့ၤဘြံၤ 8:6

ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.