လံာ်ယၡါယၤ 49:4 - Sgaw Karen Common Bible

⁴ ဒီဲးယစံးတ့ၢ်, “ယမၤတ့ၢ်တၢ်, ဘၣ်ဆၣ်ဒီးတၢ်မုၢ်လၢ်တအိၣ်မးလဲၣ်. ယသူယဂံၢ်ယဘါအလၢာ်လံ. ဘၣ်ဆၣ်တၢ်ကဲထီၣ်လိၣ်ထီၣ်တအိၣ်နီတမံၤဘၣ်.” သနာ်က့, ယနာ်ယွၤ, လၢကဒီဒၣ်ခီၣ်ဆၢ ယတၢ်ဂ့ၢ်န့ၣ်သ့ဝဲလီၤ. အဝဲကဒုးဘၣ်ဘျုးယၤလၢတၢ်လၢ ယမၤအီၤအဃိလီၤ.

လံာ်ယၡါယၤ 49:4 Iomraidhean Croise

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

တၢ်ကတိၤဒိ. 29:26

ပှၤကိးဂၤန့ၢ်ဘၣ်ပှၤပၢတၢ်အတၢ်ဘၣ်သူၣ်ဘၣ်သးန့ၣ်လီၤ. ဘၣ်ဆၣ်ဒီး, တၢ်စံၣ်ညီၣ်တီန့ၣ်နမၤန့ၢ်သ့ထဲဒၣ်လၢယွၤတဂၤဧိၤအအိၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 40:10

ယွၤပၢဘၣ်တၢ်ခဲလၢာ်ကစၢ်ဟဲဝဲလၢကပၢတၢ်ဒီး အစိကမီၤ, ဒီးကဟဲကိးဃုာ်ဒီးအီၤပှၤဂီၢ်မုၢ်လၢအမၤပူၤဖျဲးတ့ၢ်ဝဲတဖၣ်လီၤ.

လံာ်ယၡါယၤ 40:27

ကီၢ်အံၣ်စရ့လးဧၢ, နကဒူးကဒ့ၣ်တၢ်လၢယွၤတသ့ၣ်ညါနတၢ်ကီတၢ်ခဲ တဖၣ်မ့ၢ်ဂ့ၤ, တကဟုကယာ်နၤဖဲနတူၢ်ဘၣ်တၢ်စံၣ်ညီၣ်တတီမ့ၢ်ဂ့ၤန့ၣ်ဘၣ်မနုၤ အဃိလဲၣ်.

လံာ်ယၡါယၤ 57:21

ပှၤတၢ်ဒဲးဘးဖိတဖၣ်အဂီၢ်န့ၣ်, တၢ်ပူၤဖျဲးတအိၣ်ဘၣ်.” ယွၤစံးဝဲဒၣ်.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်ယၡါယၤ 65:2

ယအိၣ်ကတဲာ်ကတီၤယသးထီဘိလၢယကတူၢ်လိာ်မုာ် ယပှၤဂီၢ်မုၢ်လၢအခိၣ်ကိၤလၢအမၤကမၣ်တၢ်ဒီးလဲၤလၢ အဝဲသ့ၣ်အကျဲဒၣ်ဝဲန့ၣ်လီၤ.

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ယဃ့းစက့လး 3:19

နမ့ၢ်ဟ့ၣ်ပလီၢ်ပှၤ အအၢအသီတဂၤန့ၣ်ဒီး အဝဲမ့ၢ်တဆိကတီၢ်မၤ တၢ်ဒဲးဘးဒီး, အဝဲကသံဝဲဒ်အမ့ၢ်ဒံးဒၣ်ပှၤတၢ်ဒဲးဘးဖိတဂၤ အသိးလီၤ. ဘၣ်ဆၣ်ဒီး, နသးသမူ ကဘၣ်တၢ်ပျၢ်ဖျဲးအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:20

ဒီးသုတၢ်မၤတၢ်လၢာ်ဂံၢ်လၢာ်ဘါကမ့ၢ်တၢ်ကလီကလီလီၤ. အဂ့ၢ်ဒ်အံၤ, သုဟီၣ်ခိၣ်တဟ့ၣ်ထီၣ်တၤသူတၤသၣ်နီတမံၤ ဘၣ်ဒီးသုသ့ၣ်အထံးတဖၣ်တသၣ်ထီၣ်ဝဲဒၣ်ဘၣ်.

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်လူၤကၣ် 24:26

မ့ၢ်အလီၢ်တအိၣ်လၢခရံာ်ကတူၢ်တၢ်သ့ၣ်တဖၣ်အံၤ, ဒီးနုာ်လီၤဆူအတၢ်လၤကပီၤအပူၤဘၣ်ဧါ.”

လံာ်ယိၤဟၣ် 1:11

ဟဲဆူအထံအကီၢ်ဒၣ်ဝဲဒီးအပှၤကလုာ်ဒၣ်ဝဲတတူၢ်လိာ်ဘၣ်အီၤဘၣ်.

ရိမ့ၤ 10:21

မ့မ့ၢ်တၢ်ဘၣ်ဃးဒီးအံၣ်စရ့လးန့ၣ်အဝဲစံး, “ယယူာ်ဃီၤယစု ဆူပှၤလၢအတဒိကနၣ်တၢ်ဒီးပူထီၣ်လီထီၣ်တၢ်တကလုာ်အအိၣ် သ့တနံၤကျၢၤန့ၣ်လီၤ.”

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 2:15

အဂ့ၢ်ဒ်အံၤ, ပလီၤဂာ်ဒီးတၢ်နၢမူနၢဆှီတမံၤလၢခရံာ်လုၢ်ထီၣ် ပာ်ထီၣ်ဝဲဆူကစၢ်ယွၤအအိၣ်, ဒီးရၤလီၤအသးဆူပှၤဒိးန့ၢ်တၢ်အုၣ်က့ၤခီၣ်က့ၤဒီးပှၤလီၤ မၢ်တဖၣ်အသိးအကျါလီၤ.

ကလၤတံ 4:11

ယသူၣ်ကိၢ်သးဂီၤလၢသုဂီၢ်လီၤ. မ့ၢ်ကယဲၢ်တၢ်လၢယမၤ တ့ၢ်အီၤလၢသုဂီၢ်ကဲထီၣ်တၢ်ကလီကလီလံဧါ.

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.