လံာ်ယၡါယၤ 49:24 - Sgaw Karen Common Bible

²⁴ သုဟံးထီၣ်ကွံာ်ပှၤသုးဖိတဂၤအတၢ်ဂုာ်န့ၢ်ဘၣ်ကသ့ဧါ. သုမၤပူၤဖျဲးပှၤဘၣ်စၢဃာ်လၢဃိာ်ပူၤတဖၣ်လၢပှၤပၢတၢ်ဖဲဒၣ် အသးအၢအၢသီသီတဂၤအစုပူၤဘၣ်ကသ့ဧါ.

လံာ်ယၡါယၤ 49:24 Iomraidhean Croise

လံာ်စီၤဧ့စြၤ 9:13

ဖဲတၢ်ခဲလၢာ်မၤတ့ၢ်အသးဒီးပှၤဒ်တၢ်စံၣ်ညီၣ်လၢပတၢ်ဒဲးဘးတဖၣ် ဒီးတၢ်ကမၣ်တဖၣ်အဃိဝံၤဒၣ်လဲာ်, ပသ့ၣ်ညါလၢနၤ, ပကစၢ်ယွၤစံၣ်ညီၣ်တ့ၢ်ပှၤစှၤန့ၢ်ဒံးပကြၢးဘၣ် တၢ်စံၣ်ညီၣ်တက့ၢ်ဒီးပျဲဒံးပှၤလၢပကအိၣ်မူဝဲလီၤ.

လံာ်စီၤဧ့စြၤ 9:9

ပမ့ၢ်တ့ၢ်ကုၢ်တဖၣ်, ဘၣ်ဆၣ်နတပာ်ထီဃာ်ပှၤလၢကုၢ်အလီၢ်န့ၣ်ဘၣ်. နမၢကီၢ်ပၤရၣ်အစီၤပၤဖးဒိၣ်တဖၣ်ကွၢ်မဲာ်ပှၤဒီးပျဲပှၤလၢ ပကအိၣ်ဆိးဘၣ်ဒံးဒီးသူၣ်ထီၣ်ဘှီထီၣ်က့ၤနတၢ်လုၢ်ဟံၣ်လၢအအိၣ် လၢတၢ်ဟးဂီၤအပူၤဒီးထံၣ်န့ၢ်တၢ်ပူၤဖျဲးဖဲအံၤလၢကီၢ်ယူ ဒၤဒီးဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤနဃ့မယၤ 9:33

နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

လံာ်စီၤနဃ့မယၤ 9:37

တၢ်လၢဟီၣ်ခိၣ်ဟ့ၣ်ထီၣ်ဝဲတဖၣ်န့ၣ်လဲၤဝဲဆူစီၤပၤတဖၣ် လၢနပာ်အီၤလၢပဖီခိၣ်အအိၣ်မ့ၢ်လၢပမၤတ့ၢ် တၢ်ဒဲးဘးအဃိန့ၣ်လီၤ. အဝဲသ့ၣ်မၤဘၣ်ပှၤဒီးပဆၣ်ဖိကီၢ်ဖိတဖၣ်ဒ်အသးဒၣ်ဝဲ ဒီးပအိၣ်လၢတၢ်ကိၢ်တၢ်ဂီၤယိာ်မးအပူၤန့ၣ်လီၤ.”

လံာ်ယၡါယၤ 42:22

ဘၣ်ဆၣ်ဒီးခဲအံၤန့ၣ်အပှၤဂီၢ်မုၢ်သ့ၣ်တဖၣ်ဘၣ်တၢ်ဂုာ်ဆူၣ်ပျီ ဆူၣ်အီၤလံ. အဝဲသ့ၣ်ဘၣ်တၢ်စၢဃာ်အီၤလၢတၢ်ပူၤခံးသူတဖၣ်အပူၤ ဒီးဘၣ်တၢ်ပာ်တဒၢကွံာ်အီၤလၢဃိာ်တဖၣ်အပူၤလီၤ. အဝဲသ့ၣ်ဘၣ်တၢ်တမျိၤတမျးအီၤဒီးဘၣ်တၢ်ဂုာ်ဆူၣ်ပျီဆူၣ်အီၤ ဒီးပှၤလၢကဟဲလၢတၢ်မၤပူၤမၤဖျဲးအဝဲသ့ၣ်အဂီၢ်တအိၣ်နီတဂၤ ဘၣ်လီၤ.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ယဃ့းစက့လး 37:3

အဝဲစံးဘၣ်ယၤ, “ပှၤကညီလၢအသံသ့ဧၢ, တၢ်ဃံတၢ်ကွဲ တဖၣ်အံၤမူထီၣ်ကဒါက့ၤဘၣ်ကသ့ဒံးဧါ.” ယစံးဆၢက့ၤအီၤ, ယွၤပၢဘၣ်တၢ်ခဲလၢာ်ကစၢ်ဧၢ, ထဲဒၣ်နၤတဂၤဧိၤနသ့ၣ်ညါနဲ လီၤ.”

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်မးသဲ 12:29

မ့တမ့ၢ်ဘၣ်လၢဟံၣ်ကစၢ်လၢအမ့ၢ်ပှၤအဂံၢ်ဆူၣ်ဘါဆူၣ်တဂၤ ဘၣ်တၢ်စၢဃာ်ဆိအီၤဘၣ်ဒီး, ပှၤလဲၤနုာ်ဆူအဟံၣ်ပူၤဒီးဂုာ် န့ၢ်အတၢ်ဖိတၢ်လံၤတသ့ဘၣ်နီတဂၤဘၣ်. ပှၤဂုာ်န့ၢ်အတၢ်ဖိတၢ်လံၤကသ့ဒၣ်ဖဲလၢပှၤ စၢဃာ်အီၤဝံၤအလီၢ်ခံန့ၣ်လီၤ.

လံာ်မၢ်ကူး 3:27

ပှၤကလဲၤနုာ်ဆူပှၤဂံၢ်ဆူၣ်ဘါဆူၣ်တဂၤအဟံၣ်ပူၤဒီးဂုာ်န့ၢ် ဆူၣ်အတၢ်ဖိတၢ်လံၤန့ၣ်, တသ့ဘၣ်နီတဂၤဘၣ်. မ့မ့ၢ်ကဘၣ်စၢဃာ်ဆိပှၤဂံၢ်ဆူၣ်ဘါဆူၣ်အံၤဝံၤမးဒီး ဟံးန့ၢ်စိာ်ကွံာ်အတၢ်ဖိတၢ်လံၤခဲလၢာ်ကသ့ဝဲဒၣ်လီၤ.