လံာ်ယၡါယၤ 49:23 - Sgaw Karen Common Bible

²³ စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 49:23 Iomraidhean Croise

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ကဲထီၣ်အခီၣ်ထံး 43:26

ဖဲစီၤယိၤသးဟဲက့ၤတုၤဆူဟံၣ်န့ၣ်, အဝဲသ့ၣ်လဲၤစိာ်တၢ်ဟ့ၣ် တဖၣ်ဆူဟံၣ်ပူၤဆူအအိၣ်ဒီးဆုးလီၤအခိၣ်တုၤလၢဟီၣ်ခိၣ်လိၤ လၢအမဲာ်ညါန့ၣ်လီၤ.

စံးထီၣ်ပတြၢၤ 138:4

ယွၤဧၢ, ကယဲၢ်ဟီၣ်ခိၣ်အစီၤပၤခဲလၢာ် ကစံးထီၣ်ပတြၢၤနၤ, အဂ့ၢ်ဒ်အံၤ, အဝဲသ့ၣ်နၢ်ဟူတ့ၢ်လံ နတၢ်ကတိၤလၢနထးခိၣ်လံန့ၣ်လီၤ.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 34:22

ယွၤပှ့ၤက့ၤအခ့အပှၤတဖၣ်အသးသမူလီၤ. ဒီးပှၤလၢအသန့ၤအသးလၢအီၤန့ၣ်, တဘၣ်ဘၣ်တၢ်စံၣ်ညီၣ်နီတဂၤဘၣ်.

စံးထီၣ်ပတြၢၤ 68:31

ပဒိၣ်တဖၣ်ကဟဲထီၣ်လၢအဲၤကူပတူးအပူၤ, ကူၤၡးကယူာ်ထီၣ်အစုဆူယွၤအအိၣ် လၢတၢ်ထုကဖၣ်န့ၣ်လီၤ.

စံးထီၣ်ပတြၢၤ 69:6

ယွၤ, တၢ်သုးမုၢ်ဂီၢ်မုၢ်အကစၢ်ယွၤဧၢ, မ်ပှၤလၢအမုၢ်လၢ်တၢ်လၢနၤတဖၣ်န့ၣ် အသုတ ဘၣ်တၢ်မၤမဲာ်ဆှးအီၤလၢယဃိန့ၣ်တဂ့ၤ. အံၣ်စရ့လးအကစၢ်ယွၤဧၢ, မ်ပှၤလၢအဃုနၤတဖၣ်န့ၣ်အသုတဘၣ် တၢ်မၤတရီတပါအီၤလၢယဃိန့ၣ်တဂ့ၤ.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 26:8

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်ယၡါယၤ 29:22

သတးဒီးခဲအံၤ, ယွၤ, အံၣ်စရ့လးအကစၢ်ယွၤတဂၤ, လၢအမၤပူၤမၤဖျဲးတ့ၢ်စီၤအၤဘြၤဟၣ်လၢတၢ်ကိၢ်တၢ်ဂီၤ အပူၤစံးဝဲ, “ယပှၤဂီၢ်မုၢ်သ့ၣ်ဧၢ, သုတဘၣ်တၢ်မၤမဲာ်ဆှး သုလၢၤဘၣ်, ဒီးသုမဲာ်သၣ်တဖၣ်တလီၤဝါလၢၤလၢတၢ်မဲာ် ဆှးအဃိနီတစုဘၣ်.

လံာ်ယၡါယၤ 41:20

ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 50:7

ဘၣ်ဆၣ်ဒီးအဝဲသ့ၣ်အတၢ်ဒုၣ်ဒွဲၣ်တဖၣ်မၤဘၣ်ဒိဘၣ်ထံးယၤ တသ့ဘၣ်. အဂ့ၢ်ဒ်အံၤ, ယွၤပၢဘၣ်တၢ်ခဲလၢာ်အကစၢ်ဟ့ၣ်ယၤတၢ်မၤစၢၤလီၤ. ယသကံၢ်ထီၣ်ယသးလၢယကတူၢ်တၢ်သ့ၣ်တဖၣ်န့ၣ်အဂီၢ်လီၤ. ယသ့ၣ်ညါလၢယတဘၣ်တၢ်မၤမဲာ်ဆှးယၤဘၣ်,

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယၡါယၤ 52:6

ဖဲတၢ်ဆၢကတီၢ်လၢကဟဲတုၤဃီၤဝဲန့ၣ်, သုကသ့ၣ်ညါအၢၣ်လီၤလၢယမ့ၢ်ကစၢ် ယွၤဒီးယကတိၤတ့ၢ်လံတၢ်ဒီးသုန့ၣ်လီၤ.”

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယၡါယၤ 62:2

ဝ့ၢ်ယရူၤၡလ့ၣ်ဧၢ, ပှၤကလုာ်တဖၣ်ကထံၣ်နမၤနၢၤတၢ်န့ၣ်လီၤ. အဝဲသ့ၣ်အစီၤပၤခဲလၢာ်ကထံၣ်ဘၣ်နလၤကပီၤလီၤ. နကဘၣ်တၢ်ကိးနၤလၢမံၤအသီတဖျၢၣ်မံၤလၢ ယွၤအကစၢ်ဒၣ်ဝဲယုၢ်န့ၢ်အီၤန့ၣ်လီၤ.

လံာ်ယၡါယၤ 64:4

ကစၢ်ယွၤဒ်နၤတဂၤအသိး, လၢအမၤတၢ်ဒ်န့ၣ်တဖၣ်လၢပှၤ လၢအပာ်အတၢ်မုၢ်လၢ်လၢနပူၤအဂီၢ်န့ၣ်ပှၤတထံၣ်တ့ၢ်ဒီးနၢ်ဟူ တ့ၢ်နီတဂၤဘၣ်.

လံာ်ယဃ့းစက့လး 37:6

ယကဟ့ၣ်လီၤသုလၢထူၣ်ဧိၤပျၢ်ဧိၤတဖၣ်ဒီးအညၣ်တဖၣ်ဒီးမၤဘၢ သုလၢအဖံးန့ၣ်လီၤ. ယကဒၢနုာ်တၢ်သါလၢသုပူၤဒီးဒုးမူထီၣ် ကဒါက့ၤသုန့ၣ်လီၤ. အန့ၣ်ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယိၤအ့လး 2:27

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယအိၣ်လၢသုကျါ, ဒီးယၤ, ယွၤ, မ့ၢ်သုကစၢ်ယွၤ ဒီးယွၤအဂၤတအိၣ်နီတဂၤဘၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်မံကၤ 7:17

အဝဲသ့ၣ်ကစွါဝဲလၢဖၣ်ကမူၣ်အကျါဒ်ဂုၢ်တဖၣ်အသိး, ကဟဲထီၣ်လၢအတိာ်ဧိၤတာ်ဧိၤတဖၣ်အပူၤလၢတၢ် ကနိးကစုာ်ဒီးတၢ်ပျံၤတၢ်ဖုးအပူၤလီၤ. အဝဲသ့ၣ်ကဃၣ်အသးဆူ ယွၤ, ပကစၢ်ယွၤအအိၣ်လၢတၢ်ပျံၤတၢ်ဖုးအပူၤလီၤ.

လံာ်တၢ်ဂံၢ် 11:12

ယတတ့လီၤအဝဲသ့ၣ်မ့ၢ်ဂ့ၤ, ဒုးအိၣ်ဖျဲၣ်ထီၣ်အဝဲသ့ၣ်မ့ၢ်ဂ့ၤ ဘၣ်. ဘၣ်မနုၤလၢနမၢယမၤတၢ်ဒ်ပှၤဒုးအီၣ်နုၢ်ဖိဆံးဒီးစိာ်အဝဲ သ့ၣ်လၢယစုတီၤတဖၣ်အလိၤဒ်ဖိသၣ်ဆံးတဖၣ်အသိးလၢကျဲဒီဘိဆူ ကီၢ်တဘ့ၣ်လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်မးသဲ 25:16

တၢ်အခ့အပှၤလၢအဒိးန့ၢ်စ့ယဲၢ်တၤလၣ်တဂၤန့ၣ်, လဲၤဒီးကၤတၢ်တဘျီဃီဒီးအဝဲမၤန့ၢ်အါထီၣ်စ့ယဲၢ်တၤလၣ်န့ၣ် လီၤ.

ရိမ့ၤ 10:11

တၢ်ကွဲးအသးစီဆှံစံးဝဲ, “ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်အသးတဟးဂီၤဘၣ်ဝဲဘၣ်” (ၡါ ၂၈:၁၆).

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

၁ ပ့းတရူး 2:6

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ယဃုထၢလၢၢ်လုၢ်ဒိၣ်ပှ့ၤဒိၣ်တဖျၢၣ်, လၢယပာ်လီၤအီၤဒ်လၢၢ်သနၢၣ်လၢ စံယိၣ်အပူၤလီၤ. ဒီးပှၤတဂၤလၢ်လၢ်လၢအနာ်အီၤန့ၣ် တသးဟးဂီၤဘၣ်ဝဲနီတဘျီဘၣ်” (ၡါ ၂၈:၁၆).

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.