လံာ်ယၡါယၤ 49:18 - Sgaw Karen Common Bible

¹⁸ ကွၢ်တရံးတၢ်ဝးဝးဒီးထံၣ်တၢ်လၢအမၤအသး န့ၣ်တက့ၢ်. နပှၤဂီၢ်မုၢ်တဖၣ်အိၣ်ဖှိၣ်ရိဖှိၣ်ဒီးဟဲက့ၤဆူနအိၣ်လံ. ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး ယစံးဘၣ်နၤ, နကပာ်ကဖၢလၢဘၣ်နသးလၢနပှၤဂီၢ်မုၢ်အဃိ, ပှဲၤသိးသိးဒီးတလးမူးပိာ်မုၣ်တဂၤပာ်ကဖၢလၢဘၣ်အသးလၢ အတၢ်မျၢ်ပလဲတဖၣ်အဃိလီၤ.

လံာ်ယၡါယၤ 49:18 Iomraidhean Croise

လံာ်တၢ်ကဲထီၣ်အခီၣ်ထံး 13:14

ဖဲစီၤလိာ်ဟးထီၣ်ကွံာ်ဝံၤအလီၢ်ခံန့ၣ်ယွၤစံးဘၣ်စီၤအၤဘြၣ်, “ဖဲနအိၣ်အလီၢ်အံၤန့ၣ်ကွၢ်ထီၣ်တၢ်လီၤတံၢ်လီၤဆဲးဆူ တၢ်လီၢ်ကိးကပၤဒဲးတက့ၢ်.

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 49:22

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, ယကဒုးနဲၣ်တၢ်ပနီၣ်ဆူပှၤကလုာ်တဖၣ် ဒီးအဝဲသ့ၣ်ကဟဲဆှၢက့ၤသုဖိတဖၣ်ဆူဟံၣ်လီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 54:9

“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်. ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်. ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 66:20

အဝဲသ့ၣ်ကဟဲစိာ်ကဒါက့ၤသုထံဖိကီၢ်ဖိခဲလၢာ်လၢပှၤကလုာ် တဖၣ်အအိၣ်ဒ်အမ့ၢ်တၢ်ဟ့ၣ်တမံၤလၢယဂီၢ်အသိးန့ၣ်လီၤ. အဝဲသ့ၣ်ကဟဲစိာ်ပှၤတဖၣ်န့ၣ်ဆူယကစၢၢ်စီဆှံလၢဝ့ၢ်ယရူၤၡလ့ၣ် အပူၤလၢကသ့ၣ်တဖၣ်, ကသ့ၣ်လၤတဖၣ်ဒီးကီၤလၤအူးတဖၣ် အလိၤ, ဒီးလၢလ့ၣ်ကဟၣ်တဖၣ်ဒီးလ့ၣ်တဖၣ်အပူၤ, ဒ်ပှၤအံၣ်စရ့လးဖိတဖၣ်ဟဲစိာ်တၢ်မၤဘူၣ်ဘုဧိၤ ဟုဧိၤဆူတၢ်လုၢ်ဟံၣ်, လၢတလါဒၢဖးဒိၣ်တဖၣ်လၢ တၢ်မၤကဆှီတ့ၢ်လံအီၤအပူၤအသိးန့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယံးရမံယၤ 43:12

ယကဒွဲၣ်အူထီၣ်ကီၢ်အဲၤကူပတူး အကစၢ်တဖၣ် အတၢ်လုၢ်ဟံၣ်တဖၣ်, ဒီးကီၢ်ဘၤဘူၤလိၣ် အစီၤပၤကဒွဲၣ်အူထီၣ်အဝဲသ့ၣ်အကစၢ်တဖၣ်မ့ၢ်ဂ့ၤ, ဒီး စိာ်ကွံာ်အီၤမ့ၢ်ဂ့ၤန့ၣ်လီၤ. ဒ်ပှၤကွၢ်သိတဂၤ မၤပျီကွံာ်သူၣ်လၢ အကူအကၤအလိၤအသိးန့ၣ်, ကီၢ်ဘၤဘူၤလိၣ်အစီၤပၤကဂုာ်န့ၢ်ကွံာ် ကီၢ်အဲၤကူပတူးခဲလၢာ်, ဒီးဟးထီၣ် ကွံာ်လၢ တၢ်မၤနၢၤဖးဒိၣ်အပူၤန့ၣ်လီၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်တၢ်ဂံၢ် 14:21

ဘၣ်ဆၣ်ဒီးယအၢၣ်လီၤအီလီၤလၢ, ဒ်ယမူယဲဒီးဒ်ယတၢ်အိၣ်ဝဲမၤ ပှဲၤဟီၣ်ခိၣ်အသိးန့ၣ်, ယစံးယဲ,

လံာ်ယိၤဟၣ် 4:35

သုညီနုၢ်စံး, ‘ဆူညါလွံၢ်လါဒီး ကူးဘုအကတီၢ်ကဘၣ်ဝဲလီၤ.’ ဘၣ်ဆၣ် ယစံးဘၣ်သု, ကွၢ်စံာ်ပျီတဖၣ်လီၤတံၢ်လီၤဆဲးတက့ၢ်. ဘုဂီၤထီၣ်လံဒီးတၢ်ကူးအီၤအကတီၢ်ဘၣ်လံ.

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.