လံာ်ယၡါယၤ 49:17 - Sgaw Karen Common Bible

¹⁷ ပှၤတဖၣ်လၢအကသူၣ်ထီၣ်ဘှီထီၣ်က့ၤနၤန့ၣ် တယံာ်ဘၣ်ဒီးကဟဲဝဲလီၤ. ဒီးပှၤတဖၣ်လၢအမၤဟးဂီၤအီၣ်တ့ၢ်နၤန့ၣ် ကဟးထီၣ်ဝဲလီၤ.

လံာ်ယၡါယၤ 49:17 Iomraidhean Croise

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤနဃ့မယၤ 2:17

တုၤနုၤတစုယစံးဘၣ်အဝဲသ့ၣ် “သုထံၣ်တၢ်ကိၢ်တၢ်ဂီၤလၢပအိၣ်လၢ အပူၤလီၤ. အဂ့ၢ်ဒ်အံၤ, ဝ့ၢ်ယရူၤၡလ့ၣ်ဟးဂီၤလံ. ဒီးအပဲတရီတဖၣ်ဘၣ်တၢ်ဆူးထီၣ်ကွံာ်အီၤလၢမ့ၣ်အူလံ. ဟဲဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူဒ်သိးပသုတကဲ လၢၤတၢ်ဒုၣ်ဒွဲၣ်အလီၢ်တဂ့ၤန့ၣ်တက့ၢ်.”

စံးထီၣ်ပတြၢၤ 137:3

အဂ့ၢ်ဒ်အံၤ, ဖဲန့ၣ်ပှၤလၢအမၢကဲကုၢ်ပှၤတဖၣ် ဃ့ဝဲလၢပကသးဝံၣ်တၢ်လီၤ. ဒီးပှၤလၢအမၤကိၢ်မၤဂီၤပှၤတဖၣ်, မၢပမၤသူၣ်ဖှံသးညီအီၤစံးဝဲ, “သးဝံၣ်န့ၢ်ပှၤလၢစံယိၣ်အတၢ်သးဝံၣ် တယုၢ်ယုၢ်တက့ၢ်.”

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 37:18

ယွၤဧၢ, ပဝဲခဲလၢာ်ပသ့ၣ်ညါလၢကီၢ်အၤၡူၢ်အစီၤပၤဖးဒိၣ်တဖၣ် မၤဟးဂီၤတ့ၢ်ပှၤကလုာ်အါကလုာ်ဒီးဒုးအိၣ်သယုၢ်သညိ အထံအကီၢ်တဖၣ်,

လံာ်ယၡါယၤ 49:19

နထံဧိၤကီၢ်ဧိၤဘၣ်တၢ်မၤဟးဂီၤကွံာ်တ့ၢ်အီၤဒီးအိၣ်သယုၢ် သညိလီၤ. မ့မ့ၢ်ခဲအံၤအလီၢ်ကအံၣ်ကဲာ်ဆိးလၢ ပှၤလၢအဟဲဒ်သိးကအိၣ်ကဆိးဖဲန့ၣ်တဖၣ်အဂီၢ်လီၤ. ဒီးပှၤသ့ၣ်တဖၣ်လၢအပာ်တီၢ်နၤလၢတၢ်ဟးဂီၤအပူၤန့ၣ်ကဘၣ် တၢ်သုးကွံာ်အီၤယံၤဒီးနၤလီၤ.

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ယၡါယၤ 62:5

ဒ်ပိာ်ခွါသးစၢ်တဂၤဟံးန့ၢ်မုၣ်လိၤဘိတဂၤဒ် တလးမူးပိာ်မုၣ်အသိးန့ၣ်, ပှၤလၢအတ့လီၤတ့ၢ်နၤကဖျီအသးဒီးနၤလီၤ. ဒ်တလးမူးပိာ်ခွါတဂၤသူၣ်ဖှံသးညီဒီး တလးမူးပိာ်မုၣ်အသိးန့ၣ်, နကစၢ်ယွၤကသူၣ်ဖှံသးညီလၢနပူၤလီၤ.

လံာ်ယဃ့းစက့လး 28:24

ယွၤစံးဝဲဒၣ်, “ပှၤကလုာ်တဖၣ်လၢအအိၣ်ဝးတရံးကီၢ်အံၣ်စရ့လး, လၢအမၤတရီတပါအီၤန့ၣ်, တကဲထီၣ်လၢၤတၤဆှုၣ်တၤမဲတဖၣ် လၢကမၤဆါကဒီးအီၤနီတဖုလၢၤဘၣ်. ဒီးအဝဲသ့ၣ်ကသ့ၣ်ညါဝဲ လၢယမ့ၢ်ယွၤပၢဘၣ်တၢ်ခဲလၢာ်အကစၢ်န့ၣ်လီၤ.”

လံာ်ယဃ့းစက့လး 36:10

ယကမၤအါထီၣ်နပှၤဂီၢ်မုၢ်အနီၣ်ဂံၢ်န့ၣ်လီၤ. သုကအိၣ်ဆိးလၢဝ့ၢ်တဖၣ်အပူၤဒီးဘှီထီၣ် က့ၤကဒီးတၢ်ခဲလၢာ်လၢအအိၣ်လီၤတဲာ် လၢတၢ်ဟးဂီၤတဖၣ်အပူၤန့ၣ်လီၤ.