လံာ်ယၡါယၤ 49:15 - Sgaw Karen Common Bible

¹⁵ သတးဒီးယွၤစံးဆၢဝဲ, “ပိာ်မုၣ်တဂၤသးပ့ၤနီၣ်အဖိဒၣ်ဝဲကသ့ဧါ. ဒီးတအဲၣ်ဘၣ်ဖိလၢအဆံးစၢ်ထီၣ်ဝဲန့ၣ်ဘၣ်ဧါ. မိၢ်တဂၤမ့ၢ်သးပ့ၤနီၣ်အဖိဒၣ်လဲာ်န့ၣ်, ယတသးပ့ၤနီၣ်ဘၣ်နၤနီတစုဘၣ်.

လံာ်ယၡါယၤ 49:15 Iomraidhean Croise

လံာ်စီၤယိၤဘး 24:20

အမိၢ်ဒၣ်လဲာ်ခဲအံၤတသ့ၣ်နီၣ်ထီၣ်က့ၤလၢၤအီၤဘၣ်. အဝဲကဘၣ်တၢ်အီၣ်ကွံာ်အီၤလၢထိးကလဲာ်ဒီးဘၣ်တၢ်မၤဟးဂီၤ ကွံာ်အီၤဒ်သ့ၣ်လၢအလီၤဃံၤအသိးန့ၣ်လီၤ.

စံးထီၣ်ပတြၢၤ 103:13

ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်, ယွၤသူၣ်ကညီၤသးကညီၤပှၤလၢအပျံၤအီၤလီၤ.

စံးထီၣ်ပတြၢၤ 27:10

ယပၢ်ဒီးယမိၢ်မ့ၢ်ညိကွံာ်ယၤဘၣ်ဆၣ်, ယွၤကအံးထွဲကွၢ်ထွဲဒံးယၤလီၤ.

စံးထီၣ်ပတြၢၤ 77:9

မ့ၢ်ကစၢ်ယွၤသးပ့ၤနီၣ်တ့ၢ်လံလၢကသးကညီၤတၢ်န့ၣ်ဧါ. မ့ၢ်အတၢ်သးထီၣ်ဟံးန့ၢ် အတၢ်သးကညီၤအလီၢ်န့ၣ်လံဧါ. စ့လၤ

တၢ်ကတိၤဒိ. 31:2

ယဖိခွါဧၢ, ယဒၢလီၢ်အတၤသၣ်ဧၢ, ဖိခွါလၢအမ့ၢ်တၢ်ထု ကဖၣ်အတၢ်စံးဆၢဧၢ,

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 44:21

ယွၤစံးဝဲ, “ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. သ့ၣ်နီၣ်ထီၣ်က့ၤလၢနမ့ၢ်ယခ့ယပှၤတက့ၢ်. ယတ့လီၤပာ်လီၤနၤလၢနကမ့ၢ်ယခ့ယပှၤဒီး ယတသးပ့ၤနီၣ်နၤနီတစုဘၣ်.

လံာ်ယၡါယၤ 49:14

ဘၣ်ဆၣ်, ပှၤဝ့ၢ်ယရူၤၡလ့ၣ်ဖိတဖၣ်စံးဝဲ, “ယွၤပာ်တ့ၢ်ကွံာ်ပှၤလံ. အဝဲသးပ့ၤနီၣ်ကွံာ်ပှၤလံ.”

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်သးသယုၢ်တၢ် 4:10

တၢ်နးတၢ်ဖှီၣ်လၢအဟဲတုၤဘၣ်ဆူယပှၤဂီၢ်မုၢ်အအိၣ်န့ၣ်ဟဲစိာ် တၢ်လီၤပျံၤလီၤဖုးဖးဒိၣ်လီၤ. မိၢ်လၢအအဲၣ်တၢ်ကွံတၢ်တဖၣ်ချီထီၣ်အဖိဒၣ်ဝဲ တဖၣ်လၢတၢ်အီၣ်အဂီၢ်လီၤ.

လံာ်သးသယုၢ်တၢ် 4:3

ထွံၣ်မံၤမိၢ်တဒုဒၣ်လဲာ်ကအံးထွဲကွၢ်ထွဲအဖိတဖၣ်လီၤ. မ့မ့ၢ်ယပှၤဂီၢ်မုၢ်မၤသးဒ်ထိၣ်ကီၤလးအူးတဖၣ်အသိး, အၢဝဲသီဝဲလၢအဖိတဖၣ်အဖီခိၣ်န့ၣ်လီၤ.

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်တၢ်ဘူၣ်ထီၣ်ဘါထီၣ် 26:29

ဒီးတၢ်ကသၣ်ဝံၤသုသးတုၤဒၣ် လဲာ်သုကအီၣ်က့ၤသုဖိဒၣ်သုဝဲလီၤ.

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

လံာ်မးသဲ 7:11

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 1:31

အဝဲသ့ၣ်အသးလၢအသ့ၣ်ညါဒၣ်တၢ်တအိၣ်ဘၣ်. အဝဲသ့ၣ်တမၤလၢပှဲၤအတၢ်အၢၣ်လီၤအီလီၤတဖၣ်ဘၣ်, ဒီးတဒုးနဲၣ်တၢ်သူၣ်ဂ့ၤသးဝါမ့ၢ်ဂ့ၤ, တၢ်သးကညီၤမ့ၢ်ဂ့ၤဆူပှၤဂၤ တဖၣ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.