လံာ်ယၡါယၤ 48:9 - Sgaw Karen Common Bible

⁹ ဒ်သိးပှၤဂီၢ်မုၢ်ကစံးထီၣ်ပတြၢၤယမံၤ ဒီးယပၢၤဃာ်ယတၢ်သးထီၣ်လၢတၢ်ပလီၢ်ပဒီသးအပူၤလီၤ. ယထုးက့ၤအီၤဒီးယတမၤဟးဂီၤသုဘၣ်.

လံာ်ယၡါယၤ 48:9 Iomraidhean Croise

စံးထီၣ်ပတြၢၤ 106:8

ဘၣ်ဆၣ်အဝဲဒၣ်အုၣ်က့ၤခီၣ်က့ၤအဝဲသ့ၣ်, ဒ်အဝဲအၢၣ်လီၤတ့ၢ်ဝဲအသိး, ဒ်သိးကပာ်ဖျါထီၣ်အစိဒိၣ်အကမီၤဒိၣ်န့ၣ်လီၤ.

စံးထီၣ်ပတြၢၤ 143:11

ယွၤဧၢ, ပာ်မူယသးလၢနမံၤအဃိန့ၣ်တက့ၢ်. လၢနတၢ်တီတၢ်လိၤအပူၤန့ၣ်, ထုးထီၣ်ကွံာ်ယၤလၢတၢ်ကီတၢ်ခဲ တဖၣ်အပူၤန့ၣ်တက့ၢ်.

စံးထီၣ်ပတြၢၤ 25:11

ဟံးဃာ်နတၢ်အၢၣ်လီၤ, ယွၤဧၢ, ဒီးပျၢ်လၢ်ဘၣ်ယတၢ်ဒဲးဘးတဖၣ်န့ၣ်တက့ၢ်. ယအိၣ်ဒီးတၢ်ဒဲးဘးအါမးလီၤ.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

တၢ်ကတိၤဒိ. 19:11

နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 37:35

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်, ဒီးလၢယမၤတ့ၢ်တၢ်အၢၣ်လီၤအီလီၤဒီးယခ့ ယပှၤစီၤဒၤဝံးအဃိန့ၣ်လီၤ.”

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 48:11

တၢ်လၢယမၤအီၤန့ၣ်, ယမၤတ့ၢ်အီၤလၢယကစၢ်ဒၣ်ယဲအဃိလီၤ. ယတပျဲယမံၤအလၤကပီၤဟးဂီၤမ့ၢ်ဂ့ၤပှၤအဂၤတဂၤဂၤနီၤဟံးန့ၢ် တၢ်လၤကပီၤအဝဲန့ၣ်မ့ၢ်ဂ့ၤဘၣ်. အဝဲန့ၣ်ကြၢးမ့ၢ်ဒၣ်ယတၢ်, ထဲယၤတဂၤဧိၤအတၢ်န့ၣ်လီၤ.”

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 20:22

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိ ယမံၤအလၤကပီၤလၢပှၤကလုာ်တဖၣ်အကျါ, ပှၤတဖၣ်လၢအထံၣ်တ့ၢ်ယထုးထီၣ်ကွံာ်အံၣ်စရ့လးလၢကီၢ်အဲၤကူပတူး အပူၤန့ၣ်လီၤ.

လံာ်ယဃ့းစက့လး 20:44

ဖဲယမၤတၢ်လၢ, တၢ်ဒီဒၣ်အိၣ်ပှိၤက့ၤယလၤကပီၤအဂီၢ်န့ၣ် သုဝဲပှၤအံၣ်စရ့လးဖိတဖၣ်သုကသ့ၣ်ညါလၢယမ့ၢ်ယွၤန့ၣ်လီၤ. အဂ့ၢ်ဒ်အံၤ, ယတမၤဘၣ်သုဒ်သုတၢ်အၢတၢ်သီ, တၢ်ဟူးတၢ်ဂဲၤအအၢအသီတဖၣ်ကြၢးတူၢ်ဘၣ်ဝဲအသိးန့ၣ်ဘၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်ယဃ့းစက့လး 36:21

တၢ်န့ၣ်ဒုးကဲထီၣ်န့ၢ်ယၤတၢ်ဘၣ်ယိၣ်ဘၣ်ဘီလၢယမံၤစီဆှံအဂီၢ်, မ့ၢ်လၢပှၤအံၣ်စရ့လးဖိတဖၣ်ဒုးအိၣ်ထီၣ်တၢ်မၤမဲာ်ဆှးယမံၤဖဲ အဝဲသ့ၣ်လဲၤတ့ၢ်တၢ်တပူၤလၢ်လၢ်အဃိန့ၣ်လီၤ.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.