လံာ်ယၡါယၤ 48:4 - Sgaw Karen Common Bible

⁴ ယသ့ၣ်ညါတ့ၢ်လၢသုကမၤသုသးသုခိၣ်ကိၤကနံ ထဲသိးသိးဒီးထး, ဒီးတဆုးလီၤပိာ်လီၤဘၣ်အသး ဒ်တိၢ်ဘီအသိးဘၣ်န့ၣ်လီၤ.

လံာ်ယၡါယၤ 48:4 Iomraidhean Croise

လံာ်စီၤပၤခံဘ့ၣ်တဘ့ၣ် 17:14

ဘၣ်ဆၣ်အဝဲသ့ၣ်တစူၢ်ဝဲဒၣ်ဘၣ်. အဝဲသ့ၣ်အခိၣ်ကိၤဝဲဒ်အမိၢ်ပၢ် ဖံဖုလၢပျၢၤတဖၣ်အသိး, ပှၤလၢအတနာ်ဘၣ်ယွၤအဝဲသ့ၣ်အကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

လံာ်စီၤနဃ့မယၤ 9:28

တုၤတၢ်ဃူတၢ်ဖိးန့ၢ်ကဒါန့ၣ်, အဝဲသ့ၣ်မၤဒဲးဘးတ့ၢ်ကဒီးတၢ် ဒီးနပျဲက ဒီးအဒုၣ်အဒါမၤနၢၤအဝဲသ့ၣ်န့ၣ်လီၤ. အန့ၣ်ဒၣ်လဲာ်ဖဲအဝဲသ့ၣ်ပီၢ်ယၢ်လီၤက့ၤအသး, ဒီးဃ့တၢ်မၤစၢၤလၢနၤလၢနကမၤပူၤဖျဲးအဝဲသ့ၣ်န့ၣ်, နနၢ်ဟူအတၢ်ဃ့လၢမူခိၣ်ဒီးလၢနတၢ်သးကညီၤဖးဒိၣ်အပူၤ, နမၤပူၤဖျဲးအဝဲသ့ၣ်တဘျီဝံၤတဘျီန့ၣ်လီၤ.

စံးထီၣ်ပတြၢၤ 75:5

ယစံးဘၣ်အဝဲသ့ၣ်လၢ ကဆိကတီၢ် တၢ်ပာ်ထီၣ်ထီသးန့ၣ်လီၤ.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

လံာ်တၢ်ဟးထီၣ်ကွံာ် 32:9

ပှၤဂီၢ်မုၢ်အံၤအခိၣ်ကိၤထဲလဲၣ်န့ၣ်ယသ့ၣ်ညါယဲလီၤ.

လံာ်တၢ်ဟးထီၣ်ကွံာ် 33:3

သုကလဲၤဆူကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ တဘ့ၣ်အပူၤလီၤ. ဘၣ်ဆၣ်ဒီးယနီၢ်ကစၢ်ဒၣ်ယဲယတလဲၤဃုာ်တၢ်ဒီးသုဘၣ်. အဂ့ၢ်ဒ်အံၤ, သုမ့ၢ်ပှၤဂီၢ်မုၢ်တဖုလၢအခိၣ်ကိၤ, ဒီးယကမၤဟးဂီၤဘၣ်ဖုးသုလၢကျဲန့ၣ်လီၤ.”

လံာ်တၢ်ဟးထီၣ်ကွံာ် 33:5

ယွၤမၤလိာ်စီၤမိၤၡ့လၢကစံးဘၣ်အဝဲသ့ၣ်, “သုမ့ၢ်ပှၤဂီၢ်မုၢ်တဖုလၢအခိၣ်ကိၤလီၤ. ယမ့ၢ်လဲၤဃုာ်တၢ်ဒီးသုထဲတစိၢ်တလီၢ်ဧိၤဒၣ်လဲာ်န့ၣ်, ယကမၤဟးဂီၤကွံာ်သုလၢာ်လၢာ်ဆ့ဆ့န့ၣ်လီၤ. ခဲအံၤဘ့ၣ်လီၤကွံာ်သုတၢ်မျၢ်လုၢ်ဒိၣ်ပှ့ၤဒိၣ်တဖၣ်တက့ၢ်. ဒီးယစံၣ်ညီၣ်တဲာ်လၢယကဘၣ်မၤသုဒ်လဲၣ်ဒ်လဲၣ်အဂ့ၢ်န့ၣ်လီၤ.”

လံာ်တၢ်ဟးထီၣ်ကွံာ် 9:7

စီၤပၤသံကွၢ်ဝဲဒၣ်လၢတၢ်မနုၤမၤတ့ၢ်အသးလဲၣ်. ဒီးဘၣ်တၢ်တဲဘၣ်အီၤလၢပှၤအံၣ်စရ့လးဖိတဖၣ်အဆၣ်ဖိကီၢ်ဖိ တသံနီတဒုဘၣ်အဂ့ၢ်လီၤ. ဘၣ်ဆၣ်အသးကိၤဝဲဒီးတပျၢ်ပှၤဂီၢ်မုၢ် ဘၣ်.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယဃ့းစက့လး 2:4

အဝဲသ့ၣ်အခိၣ်ကိၤဒီးတပာ်ကဲယၤဘၣ်. လၢတၢ်န့ၣ်အဃိ ယမၢလီၤနၤလၢနကတဲဘၣ်အဝဲသ့ၣ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်န့ၣ်လီၤ.

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်သိၣ်လီၤသီလီၤတၢ် 10:16

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်ကဲထီၣ်ပှၤ စူၢ်ယွၤအကလုာ်ဒီးဆိကတီၢ်ကွံာ်သုတၢ်ခိၣ်ကိၤန့ၣ်တက့ၢ်.

လံာ်သိၣ်လီၤသီလီၤတၢ် 31:27

ယသ့ၣ်ညါလၢအဝဲသ့ၣ်မ့ၢ်ပှၤအခိၣ်ကိၤဒီးပူထီၣ်ထီဒါတၢ်ထဲ လဲၣ်န့ၣ်လီၤ. အဝဲသ့ၣ်ပူထီၣ်ထီဒါတ့ၢ်ယွၤလၢယအိၣ်မူအစိၤ, ဒီးအဝဲသ့ၣ်ကပူထီၣ်တၢ်အါန့ၢ်ဒံးအလီၢ်ဖဲယသံဝံၤအလီၢ်ခံ န့ၣ်လီၤ.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.