လံာ်ယၡါယၤ 48:19 - Sgaw Karen Common Bible

¹⁹ သုစၢၤသုသွဲၣ်တဖၣ်ကအါဝဲဂီၢ်ဝဲဒ် မဲးအဖျၢၣ်တဖၣ်အသိး, ဒီးယကမၤလီၤတံၢ်တၢ်ဒ်သိးအဝဲသ့ၣ်အသုတဘၣ်တၢ်မၤဟးဂီၤအီၤ နီတစုတဂ့ၤအဂီၢ်န့ၣ်လီၤ.

လံာ်ယၡါယၤ 48:19 Iomraidhean Croise

လံာ်တၢ်ကဲထီၣ်အခီၣ်ထံး 13:16

ယကဟ့ၣ်လီၤနၤလၢနစၢၤနသွဲၣ်အါအါကလဲာ်တုၤပှၤဂံၢ်ထီၣ်အီၤ တန့ၢ်တသ့နီတဂၤဘၣ်န့ၣ်လီၤ. တၢ်မ့ၢ်ဘၣ်ဂံၢ်ကယဲၢ်ဟီၣ်ခိၣ်အကမူၣ်ခဲလၢာ်န့ၣ်ကညီဒိၣ်တက့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်စီၤယိၤဘး 5:25

ဒီးနကအိၣ်ဒီးနချံနသၣ်အါအါဂီၢ်ဂီၢ်ဒ်နီၣ်ဧိၤမံၤဧိၤလၢ အီၣ်ဆၣ်အလီၢ်အသိးန့ၣ်လီၤ.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 9:5

နသိၣ်ဃီၣ်ပှၤလၢတဘူၣ်ထီၣ်ဘါထီၣ်နၤတဖၣ်, နမၤဟးဂီၤပှၤတတီတလိၤလံ. နတြူာ်ကွံာ်အမံၤလီၤစိၤလီၤထီလံ.

လံာ်ယၡါယၤ 10:22

ခဲအံၤ, ပှၤအံၣ်စရ့လးဖိမ့ၢ်အါဝဲဒ်မဲးဧိၤဟီၣ်ဧိၤလၢပီၣ်လဲၣ် အနံၤသနာ်က့, ကဟဲက့ၤကဒါက့ၤဒၣ်ထဲစှၤဂၤလီၤ. တၢ်မၤဟးဂီၤန့ၣ်အိၣ်ပာ်ပာ်စၢၤ လၢပှၤဂီၢ်မုၢ်အဂီၢ်ဒီးမ့ၢ်တၢ်လၢ အကြၢးအဘၣ်လၢအဝဲသ့ၣ်အ ဂီၢ်လၢလၢပှဲၤပှဲၤလီၤ.

လံာ်ယၡါယၤ 14:22

ယွၤသ့တၢ်လၢာ်ကစၢ်စံးဝဲဒၣ်, “ယကဒုးတၢ်ထီဒါဘၤဘူၤ လိၣ်ဒီးမၤဟးဂီၤအီၤလီၤ. ယတပာ်လီၤတဲာ်တၢ်နီတမံၤ, ဒီးဖိသၣ်တဖၣ်မ့ၢ်ဂ့ၤ, ပှၤအိၣ်မူတ့ၢ်တဖၣ်မ့ၢ်ဂ့ၤ, နီတဂၤဘၣ်. ယၤ, ယွၤ, စံးတ့ၢ်လံတၢ်လံလီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 44:4

အဝဲသ့ၣ်ကဂုၤထီၣ်ပသီထီၣ်ဒ်နီၣ်ဧိၤမံၤဧိၤလၢအဘၣ်စီၣ်လၢထံ ဂ့ၤဂ့ၤအသိးဒီးပံၢ်သလီတဖၣ်လၢထံကျိမူဖိတဖၣ်အနံၤအသိး န့ၣ်လီၤ.

လံာ်ယၡါယၤ 48:9

ဒ်သိးပှၤဂီၢ်မုၢ်ကစံးထီၣ်ပတြၢၤယမံၤ ဒီးယပၢၤဃာ်ယတၢ်သးထီၣ်လၢတၢ်ပလီၢ်ပဒီသးအပူၤလီၤ. ယထုးက့ၤအီၤဒီးယတမၤဟးဂီၤသုဘၣ်.

လံာ်ယၡါယၤ 54:3

နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယၡါယၤ 66:22

ဒ်ဟီၣ်ခိၣ်အသီဒီးမူခိၣ်အသီအိၣ်ဂၢၢ်အိၣ်ကျၢၤဝဲလၢယတၢ်စိ တၢ်ကမီၤအဃိအသိးန့ၣ်, သုစၢၤသုသွဲၣ်တဖၣ်ဒီးသုမံၤကအိၣ် ဂၢၢ်ဆိးကျၢၤဝဲလီၤ.

လံာ်ယၡါယၤ 9:14

လၢမုၢ်တနံၤဃီအတီၢ်ပူၤန့ၣ်, ယွၤကစံၣ်ညီၣ်ကီၢ်အံၣ်စရ့လး အခိၣ်အနၢ်တဖၣ်ဒီးအပှၤဂီၢ်မုၢ်လီၤ. ကဒီၣ်တဲာ်ကွံာ်အဝဲသ့ၣ်, အခိၣ်ဒီးအမဲၢ်လီၤ.

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

လံာ်သိၣ်လီၤသီလီၤတၢ် 9:14

ကျဲးစၢးတြီယၤတဂ့ၤ, ယပာ်လီၤယသးလၢယကမၤဟးဂီၤကွံာ်အဝဲ သ့ၣ်ဒ်သိးပှၤသုတသ့ၣ်နီၣ်ထီၣ်အဝဲသ့ၣ်နီတဂၤနီတစု လၢၤတဂ့ၤအဂီၢ်န့ၣ်လီၤ. ဒီးယကဒုးကဲထီၣ်နၤလၢပှၤတကလုာ်အပၢ်, ပှၤတကလုာ်လၢအဒိၣ်န့ၢ်, ဒီးအစိကမီၤဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”

လံာ်နီၢ်ရူၤသး 4:10

ဒီးယမၤန့ၢ်စ့ၢ်ကီးလံပှၤမိၤအးမုၣ်ဖိနီၢ်ရူၤသးလၢအမ့ၢ် စီၤမၤဃလိၣ်အမုၣ်ကမဲတဂၤလၢအကကဲထီၣ်ယမါ, ဒ်သိးယကဒုးအိၣ်ထီၣ်က့ၤ တၢ်န့ၢ်သါလၢပှၤသံတဂၤအဒူၣ်ဖိထၢဖိအဂီၢ်န့ၣ်လီၤ. ဒီးအစၢၤအသွဲၣ်ကအိၣ်ဒံးဝဲဆူညါလၢအပှၤကလုာ်အကျါဒီးလၢ အဝ့ၢ်ဒၣ်ဝဲအပူၤန့ၣ်လီၤ. သုမ့ၢ်ပှၤအုၣ်အသးတဖၣ်လၢမုၢ်တနံၤအံၤန့ၣ်လီၤ.”