လံာ်ယၡါယၤ 48:18 - Sgaw Karen Common Bible

¹⁸ သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 48:18 Iomraidhean Croise

စံးထီၣ်ပတြၢၤ 119:165

ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီးတၢ်ဃူတၢ်ဖိးအါမးလီၤ. တၢ်မၤလီၤဃံၤအီၤတသ့ဘၣ်နီတမံၤဘၣ်.

စံးထီၣ်ပတြၢၤ 36:8

ပှၤကိးဂၤဒဲးအီၣ်ဘျဲးအီၣ်ဘျဲးအီတၢ်အီၣ်လၢ နကတဲာ်ကတီၤဒီး နပျဲဒုးအီပှၤလၢနတၢ်ဂ့ၤတၢ်ဝါအထံကျိန့ၣ်လီၤ.

လံာ်ယၡါယၤ 33:21

ယွၤကဒုးနဲၣ်ပှၤလၢအလၤကပီၤလီၤ. ပကအိၣ်ဖဲထံကျိဖးလဲၢ်ဒီးထံကျိဖိတဖၣ်အနံၤလီၤ. ဘၣ်ဆၣ်ဒီးကဘီသုးတဖၣ်တလဲၤတၢ်လၢအဝဲသ့ၣ်အပူၤဘၣ်.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ယၡါယၤ 45:8

ယကဟ့ၣ်လီၤတၢ်မၤနၢၤလၢမူခိၣ်ဒ်တၢ်စူၤထံအသိးလီၤ. ဟီၣ်ခိၣ်ကအိးထီၣ်အသးလၢကတူၢ်လိာ်တၢ်အံၤ, ဒီးဘိၣ်ထီၣ်ဖးထီၣ်တၢ်သဘျ့ဒီးတၢ်စံၣ်ညီၣ်တီလီၤ. ယၤ, ယွၤန့ၣ်, ကမၤကဲထီၣ်လိၣ်ထီၣ်တၢ်အံၤလီၤ.”

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ဟိၤၡ့ 10:12

ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ.

လံာ်ဧၤမိၣ် 5:24

မ့မ့ၢ်, ပျဲတၢ်တီတၢ်လိၤယွၤလီၤဒ်ထံကျိဖိအသိးဒီးတၢ်မ့ၢ် တၢ်တီဒ်ထံမိၢ်ပှၢ်လၢအလီၤသံးတသ့ဘၣ်အသိးတက့ၢ်.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.