လံာ်ယၡါယၤ 48:16 - Sgaw Karen Common Bible

¹⁶ ခဲအံၤ, ဟဲဘူးဒီးယၤဒီးဒိကနၣ်တၢ်လၢယစံးတက့ၢ်. လၢထံးလၢသီလံၤလံၤ, ယကတိၤတ့ၢ်တၢ်ဖျိဖျိဖျါဖျါ ဒီးမၤတီယကလုၢ်ထီဘိလီၤ.” (ခဲအံၤ, ယွၤပၢဘၣ်တၢ်ခဲလၢာ်ကစၢ်ဟ့ၣ်တ့ၢ်ယၤအတၢ်စိ တၢ်ကမီၤဒီးမၢလီၤယၤလီၤ.)

လံာ်ယၡါယၤ 48:16 Iomraidhean Croise

လံာ်ယၡါယၤ 34:1

ဟဲ, ကယဲၢ်ပှၤကလုာ်ခဲလၢာ်အပှၤဂီၢ်မုၢ်သ့ၣ်ဧၢ, ပာ်ဖှိၣ်သုသးဒီးဒိတနၣ်တက့ၢ်. မ်ဟီၣ်ခိၣ်ဒီဘ့ၣ်ဒီးပှၤခဲ လၢာ်လၢအအိၣ်လၢအပူၤဟဲဖဲအံၤဒီးဒိကနၣ်တၢ်တက့ၢ်.

လံာ်ယၡါယၤ 41:1

ကစၢ်ယွၤစံးဝဲ, “ကီၢ်လၢအယံၤတဖၣ်ဧၢ, အိၣ်ဘှီၣ်ကလာ်ဒီးဒိကနၣ်ယၤတက့ၢ်. အိၣ်ကတဲာ်ကတီၤသုသးလၢသုကပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ် ပူၤတက့ၢ်. သုကအိၣ်ဒီးသုတၢ်ခွဲးတၢ်ယာ်လၢသုကကတိၤတၢ်အဂီၢ်လီၤ. မ်ပကဟဲပာ်ဖှိၣ်သကိးပသးလၢပကစံၣ်ညီၣ်နီၤဖးမတၤအတၢ်ဘၣ်လဲၣ် န့ၣ်တက့ၢ်.

လံာ်ယၡါယၤ 43:13

ယမ့ၢ်ကစၢ်ယွၤဒီးကမ့ၢ်ယဲထီဘိလီၤ. ပှၤဃ့ၢ်ပူၤဖျဲးလၢယစိကမီၤအဖီလာ်တသ့နီတဂၤဘၣ်. တၢ်လၢယမၤအီၤန့ၣ်ပှၤလဲလိာ်ကွံာ်အီၤ, တသ့နီတဂၤဘၣ်.”

လံာ်ယၡါယၤ 45:19

ယတကတိၤတၢ်လၢတၢ်ခူသူၣ်အပူၤ ဒီးပာ်ခူသူၣ်ယတၢ်တိာ်န့ၣ်ဘၣ်. ယတမၤလိာ်ယပှၤဂီၢ်မုၢ်အံၣ်စရ့လးလၢကဃုထံၣ်န့ၢ်ယၤလၢတၢ်လီၢ် သယုၢ်အိၣ်ကလီတတီၤအပူၤန့ၣ်ဘၣ်. ယဲဒၣ်အံၤယမ့ၢ်ယွၤဒီးယကတိၤတၢ်မ့ၢ်တၢ်တီလီၤ. ယဒုးသ့ၣ်ညါတ့ၢ်တၢ်လၢအဘၣ်န့ၣ်လီၤ.

လံာ်ယၡါယၤ 57:3

သုဝဲပှၤတၢ်ဒဲးဘးဖိသ့ၣ်ဧၢ, ဟဲဖဲအံၤလၢတၢ်ကစံၣ်ညီၣ်သု အဂီၢ်တက့ၢ်. သုတဂ့ၤန့ၢ်ဒံးပှၤသ့အူတၢ်သမူတၢ်တဖၣ်, ပှၤမၤကမၣ်မုၣ်ကမၣ်ခွါတဖၣ်, ဒီးပိာ်မုၣ်ဟးဂီၤတဖၣ်န့ၣ်ဘၣ်.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.