လံာ်ယၡါယၤ 48:14 - Sgaw Karen Common Bible

¹⁴ သုဝဲခဲလၢာ်, အိၣ်ဖှိၣ်ရိဖှိၣ်ဒီးဒိကနၣ်တၢ်တက့ၢ်. ပှၤလၢယဃုထၢတ့ၢ်အီၤတဂၤကဒုးဝ့ၢ်ဘၤဘူၤလိၣ်အဂ့ၢ်န့ၣ်, ကစၢ်အဂၤတဖၣ်ကတိၤဆိပာ်အီၤတသ့နီတဂၤဘၣ်. အဝဲကမၤတၢ်လၢယသးအိၣ်လၢအဝဲကမၤဝဲန့ၣ်လီၤ.

လံာ်ယၡါယၤ 48:14 Iomraidhean Croise

လံာ်တၢ်ကဲထီၣ်အခီၣ်ထံး 49:1

စီၤယၤကိာ်ကိးဃီၤအဖိခွါတဖၣ်ဒီးစံးဝဲ, “ပာ်ဖှိၣ်သုသးဝးတ ရံးယၤ, ဒီးယကတဲသုတၢ်ကမၤအသးဒီးသုဆူညါန့ၣ်လီၤ.

လံာ်တၢ်ကဲထီၣ်အခီၣ်ထံး 49:2

စီၤယၤကိာ်အဖိခွါသ့ၣ်ဧၢ, ဟဲသကိးဃူဃူဒီးဒိကနၣ်တၢ်လၢ သုပၢ်အံၣ်စရ့လးကစံးဝဲတက့ၢ်.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 21:9

သတူၢ်ကလာ်, လၢအံၤအဝဲသ့ၣ်ဟဲဝဲလံ. ပှၤဒိးကသ့ၣ်ခံဂၤခံဂၤ စုာ်စုာ်လီၤ. ပှၤခိးတၢ်ဖိဆှၢတၢ်ကစီၣ်, “ကီၢ်ဘၤဘူၤလိၣ်လီၤကွံာ်လံ. တၢ်ဂီၤတၢ်ဖီၣ်တဖၣ်လၢအဝဲသ့ၣ် ဘူၣ်ထီၣ်ဘါထီၣ်ဝဲခဲလၢာ်ကၢ်လီၤကလဲဒီးဒါလီၤ အသးလၢဟီၣ်ခိၣ်လိၤလီၤ.”

လံာ်ယၡါယၤ 41:22

ဟဲဖဲအံၤဒီးတဲဆိပာ်စၢၤတၢ်လၢအကမၤအသး, ဒ်သိးပကသ့ၣ်ညါအီၤဖဲအမၤအသးအဆၢကတီၢ်န့ၣ်တက့ၢ်. တၢ်လၢအမၤအသးလၢအပူၤကွံာ်တဖၣ်အဂ့ၢ်န့ၣ်တဲဖျါထီၣ်လၢကွီၢ် ဘျီၣ်အပူၤတက့ၢ်. ဒီးတဲပှၤအခီပညီမ့ၢ်တၢ်မနုၤလဲၣ်န့ၣ်တက့ၢ်.

လံာ်ယၡါယၤ 43:9

ကိးဖှိၣ်ပှၤကလုာ်တဖၣ်လၢအကဟဲဆူတၢ်သမံသမိးအလီၢ်တက့ၢ်. မတၤလၢအဝဲသ့ၣ်အကစၢ်တဖၣ်အကျါကတိၤဆိပာ်စၢၤလၢခါဆူညါတၢ် ကမၤအသးအဂ့ၢ်သ့တဂၤဂၤလဲၣ်. မတၤလၢအဝဲသ့ၣ်အကျါတဲဆိပာ်တၢ်လၢအမၤအသးခဲအံၤန့ၣ်လဲၣ်. မ်ကစၢ်တဖၣ်အံၤကဟဲစိာ်နုာ်အပှၤအုၣ်အသးတဖၣ် လၢကဒုးနဲၣ်ဖျါလၢအဝဲသ့ၣ်အတၢ်ဘၣ်, ဒီးကအုၣ်အသးလၢအတၢ်ကတိၤတဖၣ်အတၢ်မ့ၢ်တၢ်တီန့ၣ်တက့ၢ်.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယၡါယၤ 44:7

တၢ်လၢယမၤတ့ၢ်န့ၣ်, ပှၤအဂၤတဂၤဂၤမၤဝဲဘၣ်ကသ့ဧါ. စးထီၣ်လၢတၢ်အခီၣ်ထံးတုၤလၢတၢ်အကတၢၢ်, တၢ်လၢအကမၤအသးခဲလၢာ်န့ၣ်, မ့ၢ်မတၤကတိၤဆိပာ်ကသ့တဂၤဂၤ လဲၣ်.

လံာ်ယၡါယၤ 45:13

ယနီၢ်ကစၢ်ဒၣ်ယဲယထိၣ်ဂဲၤတ့ၢ်စီၤပၤကိရ့ၣ်လၢကမၤတၢ် ဒီးမၤလၢမၤပှဲၤယတၢ်တိာ်ဒီးမၤလိၤမၤဘၣ်တၢ်လီၤ. ယကမၤလိၤမၤဘျၢကျဲမုၢ်ကိးဘိဒဲးလၢအဝဲ လဲၤတၢ်န့ၣ်လီၤ. အဝဲကသူၣ်ထီၣ်ဘှီထီၣ်က့ၤယဝ့ၢ်, ဝ့ၢ်ယရူၤၡလ့ၣ်ဒီးမၤထူၣ် ဖျဲးယပှၤဂီၢ်မုၢ်လၢအဘၣ်တၢ်မၢကဲကုၢ်အီၤတဖၣ်လီၤ. ပှၤတဒိးလဲတ့ၢ်အီၤမ့ၢ်ဂ့ၤ, ဟ့ၣ်တ့ၢ်အီၤခိၣ်ဖးလာ်ဆှိးမ့ၢ် ဂ့ၤလၢကမၤတၢ်အံၤအဂီၢ်နီတဂၤဘၣ်. ယွၤသ့တၢ်လၢာ်ကတိၤတ့ၢ်လံတၢ်လံ.”

လံာ်ယံးရမံယၤ 50:44

ဒ်ခ့ယုၢ်တဒုဟဲထီၣ်လၢ သ့ၣ်ပှၢ်အတီၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ်လါဟ့အသိးန့ၣ်, ယၤ, ယွၤအံၤ, ကဟဲဒီး ဒုးဃ့ၢ်ထီၣ်ကွံာ်ပှၤဘၤဘူၤလိၣ်ဖိတဖၣ် သတူၢ်ကလာ်လၢ အဝဲသ့ၣ်အဝ့ၢ်န့ၣ်လီၤ. အန့ၣ်ဝံၤဒီး, ခိၣ်နၢ်တဂၤလၢ ယဃုထၢအီၤကပၢပှၤတကလုာ်န့ၣ်လီၤ. မတၤထိၣ်သတြီၤအသးဒီး ယၤကသ့တဂၤလဲၣ်. မတၤ, တၤယၤကဘူၣ်တဂၤလဲၣ်. ပှၤပၢတၢ်မတၤတဂၤထီဒါယၤကသ့န့ၣ်လဲၣ်.

လံာ်မၢ်ကူး 10:21

ယ့ၣ်ၡူးကွၢ်အီၤပှဲၤဒီးတၢ်အဲၣ်တၢ်ကွံဒီးစံးဘၣ်အီၤ, “တၢ်လၢနမၤတလၢတပှဲၤဒံးဘၣ်န့ၣ်အိၣ်တမံၤလီၤ. လဲၤဒီးဆါကွံာ်ကယဲၢ်တၢ်လၢအအိၣ်ဒီးနၤန့ၣ် ဒီးကျိၣ်စ့လၢနန့ၢ်ဘၣ်န့ၣ် ဟ့ၣ်နီၤလီၤပှၤဖှီၣ်ဖိယာ်ဖိတ ဖၣ်, ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤဟဲဒီးကဲဘၣ်ယပျဲၢ်ယဘီၣ်တက့ၢ်.”