လံာ်ယၡါယၤ 48:12 - Sgaw Karen Common Bible

¹² ယွၤစံးဝဲ, “ဒိကနၣ်ယၤတက့ၢ်. ကီၢ်အံၣ်စရ့လးဧၢ, ပှၤဂီၢ်မုၢ်လၢယကိးထီၣ်တ့ၢ်အီၤသ့ၣ်ဧၢ, ယမ့ၢ်ကစၢ်ယွၤ, တၢ်အခီၣ်ထံး, တၢ်အကတၢၢ်ဒီးကစၢ်ယွၤထဲတဂၤဧိၤလီၤ.

လံာ်ယၡါယၤ 48:12 Iomraidhean Croise

တၢ်ကတိၤဒိ. 7:24

ဒီးခဲကနံၣ်အံၤယဖိခွါသ့ၣ်ဧၢ, ဒိကနၣ်ယၤတက့ၢ်. ပာ်သူၣ်ပာ်သးသပှၢ်ပှၢ်လၢတၢ်လၢယစံးဘၣ်သုန့ၣ်တက့ၢ်.

တၢ်ကတိၤဒိ. 8:32

ဒီးခဲကနံၣ်အံၤပှၤသးစၢ်သ့ၣ်ဧၢ, ကနၣ်ယကလုၢ်တက့ၢ်. မၤဒ်ယစံးဘၣ်သုအသိးဒီးသုကဘၣ်ဆိၣ်ဂ့ၤလီၤ.

လံာ်ယၡါယၤ 34:1

ဟဲ, ကယဲၢ်ပှၤကလုာ်ခဲလၢာ်အပှၤဂီၢ်မုၢ်သ့ၣ်ဧၢ, ပာ်ဖှိၣ်သုသးဒီးဒိတနၣ်တက့ၢ်. မ်ဟီၣ်ခိၣ်ဒီဘ့ၣ်ဒီးပှၤခဲ လၢာ်လၢအအိၣ်လၢအပူၤဟဲဖဲအံၤဒီးဒိကနၣ်တၢ်တက့ၢ်.

လံာ်ယၡါယၤ 40:26

ကွၢ်ထီၣ်တၢ်ဆူမူခိၣ်တက့ၢ်. ဆၣ်လၢနထံၣ်တဖၣ်န့ၣ်မတၤတ့လီၤပာ်လီၤအီၤလဲၣ်. မ့ၢ်ဒၣ်ပှၤတဂၤလၢအဆှၢထီၣ်အဝဲသ့ၣ်ဒ်သုးမုၢ်တဖုအသိးန့ၣ် လီၤ. ဆၣ်အိၣ်ပှဲၤဖျၢၣ်န့ၣ်အဝဲသ့ၣ်ညါဝဲ ဒီးကိးအီၤလၢအမံၤစုာ်စုာ်လီၤ. အစိအကမီၤဒိၣ်ဝဲတုၤဒၣ်လဲာ် လၢအကျါထဲတဖျၢၣ်ဧိၤန့ၣ်လီၤမၢ်တစုစုဧါ.

လံာ်ယၡါယၤ 41:4

ပှၤလၢအဒုးကဲထီၣ်တၢ်အံၤမ့ၢ်မတၤတဂၤလဲၣ်. တၢ်စံၣ်စိၤတဲစိၤအကျိၤအကျဲန့ၣ်မ့ၢ်မတၤတဂၤနီၤဖးစံၣ်ညီၣ် တဲာ်အီၤလဲၣ်. ယၤ, ယွၤအံၤ, တၢ်မၤအသးအခီၣ်ထံးန့ၣ်ယ အိၣ်ဖဲန့ၣ် ဒီးယၤ, ယွၤအံၤ, လၢတၢ်မၤအသးအကတၢၢ်န့ၣ်ယကအိၣ်ဖဲန့ၣ်လီၤ.

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 43:11

ထဲယၤတဂၤဧိၤယမ့ၢ်ကစၢ်, ပှၤထဲတဂၤဧိၤလၢအအုၣ်က့ၤခီၣ်က့ၤသုသ့လီၤ.

လံာ်ယၡါယၤ 44:1

ယွၤစံးဝဲ, “ကီၢ်အံၣ်စရ့လး, ယခ့ယပှၤ, ပှၤဂီၢ်မုၢ်လၢယဃုထၢအီၤ, စီၤယၤကိာ်အစၢၤအသွဲၣ်တဖၣ်ဧၢ, ခဲအံၤဒိကနၣ်တၢ်တက့ၢ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 46:3

ဒိကနၣ်ယၤတက့ၢ်, စီၤယၤကိာ်အစၢၤအသွဲၣ်, ပှၤအိၣ်လီၤတဲာ်ခဲလၢာ်လၢယပှၤဂီၢ်မုၢ်အကျါသ့ၣ်ဧၢ, ယသူၣ်အိၣ်သးအိၣ်တ့ၢ်သုစးထီၣ်လၢသုအိၣ်ဖျဲၣ်ထီၣ်အဆၢ ကတီၢ်လီၤ.

လံာ်ယၡါယၤ 46:4

ယမ့ၢ်သုကစၢ်ယွၤဒီးယကသူၣ်အိၣ်သးအိၣ်သု တုၤသုသးပှၢ်ထီၣ်ဒီးသုခိၣ်ဝါလီၤ. ယတ့လီၤသုဒီးယကအံးထွဲကွၢ်ထွဲသုလီၤ. ယကဟ့ၣ်သုတၢ်မၤစၢၤဒီးမၤပူၤမၤဖျဲးသုလီၤ.

လံာ်ယၡါယၤ 49:1

ဒိကနၣ်ယၤတက့ၢ်, ပှၤကလုာ်တဖၣ်လၢအယံၤ, သုဝဲပှၤဂီၢ်မုၢ်တဖၣ်လၢအအိၣ်ဖးယံၤသ့ၣ်ဧၢ, တချုးလၢယအိၣ်ဖျဲၣ်ထီၣ်ဒံးဘၣ်ဒီးယွၤဃုထၢပာ်ထီၣ်တ့ၢ်ယၤလၢ ယကမ့ၢ်အခ့အပှၤလီၤ.

လံာ်ယၡါယၤ 51:1

ယွၤစံးဝဲ, “ဒိကနၣ်ယၤ, သုဝဲလၢအသးအိၣ်န့ၢ် ဘၣ်တၢ်အုၣ်က့ၤခီၣ်က့ၤ, သုဝဲလၢအဟဲဆူယအိၣ်လၢ တၢ်မၤစၢၤအဂီၢ်သ့ၣ်ဧၢ. ဆိကမိၣ်ထီၣ်လၢၢ်လၢပှၤစိးပျၤဒုးကဲထီၣ်သုဒီး လၢၢ်ပူၤဖဲသုဘၣ်တၢ်ခူၣ်ထုးထီၣ်သုန့ၣ်တက့ၢ်.

လံာ်ယၡါယၤ 51:4

ဒိကနၣ်ယၤ, ယပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ်သုတက့ၢ်. ယဟ့ၣ်ယတၢ်သိၣ်လိဆူပှၤကလုာ်တဖၣ်ဒီး ယတၢ်သိၣ်တၢ်သီတဖၣ်ကဟဲစိာ်န့ၢ်အဝဲသ့ၣ် လၢတၢ်ကပီၤလီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်မးသဲ 20:16

ဒ်န့ၣ်အသိး, ပှၤအါဂၤလၢအအိၣ်လၢခံကတၢၢ်ကအိၣ်က့ၤလၢညါ ကတၢၢ်, ဒီးပှၤအိၣ်လၢညါကတၢၢ်ကအိၣ်က့ၤလၢခံကတၢၢ်လီၤ.”

ရိမ့ၤ 1:6

တၢ်အံၤပၣ်ဃုာ်ဒီးသုဝဲလၢအအိၣ်လၢဝ့ၢ်ရိမ့ၤအပူၤ တဖၣ်, လၢကစၢ်ယွၤကိးထီၣ်တ့ၢ်အီၤဒ်သိးအကဘၣ် ဃးက့ၤဒီးယ့ၣ်ၡူးခရံာ်အဂီၢ်န့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

1 ကရံၣ်သူး 1:24

ဘၣ်ဆၣ်ဒီးလၢပှၤလၢကစၢ်ယွၤကိးတ့ၢ်အီၤတဖၣ်, ပှၤယူဒၤဖိဒီးပှၤကလုာ်ဂၤခံဖုလၢာ်အဂီၢ်န့ၣ်, တၢ်ကစီၣ်အဝဲအံၤ မ့ၢ်ခရံာ်လၢအမ့ၢ်ကစၢ်ယွၤအစိကမီၤဒီးကစၢ်ယွၤအတၢ်ကူၣ်ဘၣ် ကူၣ်သ့န့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 2:8

ဆူဝ့ၢ်စမူရနၤတၢ်အိၣ်ဖှိၣ်အကလူးအအိၣ်န့ၣ် ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအမ့ၢ်တၢ်အခီၣ်ထံး ဒီးတၢ်အကတၢၢ်အအိၣ်, ပှၤတဂၤလၢအသံတ့ၢ်, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ.

လံာ်လီၣ်ဖျါ 22:13

ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”