လံာ်ယၡါယၤ 48:1 - Sgaw Karen Common Bible

¹ ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ယၡါယၤ 48:1 Iomraidhean Croise

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 35:10

ကစၢ်ယွၤစံးဘၣ်အီၤ, “နမံၤမ့ၢ်စီၤယၤကိာ်, ဘၣ်ဆၣ်စးထီၣ်ခဲအံၤဒီးဆူညါန့ၣ်ကမ့ၢ်ဝဲစီၤအံၣ်စရ့လးန့ၣ် လီၤ.” လၢတၢ်န့ၣ်အဃိကစၢ်ယွၤကိးအမံၤလၢစီၤအံၣ်စရ့လးလီၤ.

လံာ်စီၤပၤခံဘ့ၣ်တဘ့ၣ် 17:34

အဝဲသ့ၣ်မၤထွဲဒံးတၢ်လုၢ်တၢ်လၢ်အလီၢ်လံၤတဖၣ်တုၤလၢမုၢ်မဆါ တနံၤအံၤန့ၣ်လီၤ. အဝဲသ့ၣ်တဘူၣ်ထီၣ်ဘါထီၣ်ယွၤမ့ၢ်ဂ့ၤ, တဒိကနၣ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်မ့ၢ် ဂ့ၤ, လၢအဝဲဟ့ၣ်လီၤတ့ၢ်အီၤဆူစီၤယၤကိာ်လၢအကိးက့ၤဝဲအမံၤလၢ စီၤအံၣ်စရ့လးအစၢၤအသွဲၣ်, တဖၣ်အအိၣ်, န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

စံးထီၣ်ပတြၢၤ 63:11

ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ. ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ် ကစံးထီၣ်ပတြၢၤယွၤလီၤ. မ့မ့ၢ်ပှၤလၢအကတိၤတၢ်ကဘျံးကဘျၣ် အထးခိၣ်ကဘၣ်တၢ်ဆွံတံာ်အီၤလီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

စံးထီၣ်ပတြၢၤ 68:26

လၢပှၤဂီၢ်မုၢ်အကျါန့ၣ်စံးထီၣ်ပတြၢၤယွၤတက့ၢ်. “စံးထီၣ်ပတြၢၤယွၤ, သုဝဲစီၤယၤကိာ်အစၢၤအသွဲၣ်သ့ၣ်ဧၢ.”

စံးထီၣ်ပတြၢၤ 68:27

ဒူၣ်အဆံးကတၢၢ်, ဘံၣ်ယၤမံၣ်ဟဲလၢညါ, ဝံၤဒီးယူဒၤအခိၣ်အနၢ်တဖၣ်ဒီး အဝဲသ့ၣ်အကရူၢ်လၢ စဘူလိၣ်ဒီးနးသၤလံ အပှၤခိၣ်ပှၤနၢ်တဖၣ် ပိာ်ထွဲထီၣ်အခံန့ၣ်လီၤ.

လံာ်တၢ်ဟးထီၣ်ကွံာ် 23:13

ဒိကနၣ်တၢ်ကိးမံၤဒဲးလၢယၤ, ယွၤ, စံးတ့ၢ်သုတက့ၢ်. ဘါထုကဖၣ်တၢ်ဆူကစၢ်အဂၤတဖၣ်အအိၣ်တဂ့ၤ. ယၢၤထီၣ်ဒၣ်လဲာ်အမံၤတဖၣ်တဂ့ၤ.

တၢ်ကတိၤဒိ. 5:16

ဖိသၣ်တဖၣ်လၢနမၤန့ၢ်လၢပိာ်မုၣ်အဂၤတဖၣ်န့ၣ်တမၤဂ့ၤနၤ နီတမံၤဘၣ်.

လံာ်ယၡါယၤ 26:13

ယွၤ, ပကစၢ်ယွၤဧၢ, ပဘၣ်တၢ်ပၢတ့ၢ်ပှၤလၢပှၤအဂၤတဖၣ်, ဘၣ်ဆၣ်ထဲနၤတဂၤဧိၤနမ့ၢ်ပယွၤလီၤ.

လံာ်ယၡါယၤ 44:5

ပှၤတဂၤဘၣ်တဂၤကစံးဝဲ, ‘ယဲဒၣ်အံၤယမ့ၢ်ယွၤအတၢ်လီၤ. အဝဲသ့ၣ်ကဟဲပာ်ဖှိၣ်အသးဒီးကီၢ်အံၣ်စရ့လး အပှၤဂီၢ်မုၢ်လီၤ. ပှၤတဂၤစုာ်စုာ်ကကွဲးလီၤယွၤအမံၤလၢအစုတီၤလိၤ ဒီးကိးလီၤအသးလၢအမ့ၢ်ကစၢ်ယွၤအပှၤဂီၢ်မုၢ်အကျါတဂၤန့ၣ် လီၤ.’ ”

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယၡါယၤ 51:1

ယွၤစံးဝဲ, “ဒိကနၣ်ယၤ, သုဝဲလၢအသးအိၣ်န့ၢ် ဘၣ်တၢ်အုၣ်က့ၤခီၣ်က့ၤ, သုဝဲလၢအဟဲဆူယအိၣ်လၢ တၢ်မၤစၢၤအဂီၢ်သ့ၣ်ဧၢ. ဆိကမိၣ်ထီၣ်လၢၢ်လၢပှၤစိးပျၤဒုးကဲထီၣ်သုဒီး လၢၢ်ပူၤဖဲသုဘၣ်တၢ်ခူၣ်ထုးထီၣ်သုန့ၣ်တက့ၢ်.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 44:26

ဘၣ်ဆၣ်ဒီး ခဲကနံၣ်အံၤ, ဒိကနၣ်တၢ်ဆိၣ်လၢယၤ, ယွၤအံၤမၤတ့ၢ်လံဝဲလၢယမံၤအစိကမီၤဒၣ်ဝဲအပူၤဆူကယဲၢ် သုဝဲပှၤအံၣ်စရ့လးဖိခဲလၢာ်လၢ အအိၣ်လၢကီၢ်အဲၤကူပတူး အပူၤန့ၣ်တက့ၢ်. ယတပျဲကဒီးသုဝဲတဂၤဂ့ၤတဂၤဂ့ၤလၢ ကသူယမံၤလၢ တၢ်ဆိၣ်တမံၤအဂီၢ်ဒီး စံးလၢ, ‘ယဆိၣ်တၢ် လၢယွၤပၢဘၣ်တၢ်ခဲလၢာ်ကစၢ်လၢအမူဝဲတဂၤအမံၤအပူၤလီၤ’ န့ၣ်နီတစုလၢၤဘၣ်.

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:12

တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မံကၤ 2:7

မ့ၢ်သုဆိကမိၣ်လၢအံၣ်စရ့လးအပှၤဂီၢ်မုၢ်အိၣ်လၢတၢ်ဆိၣ် အၢတမံၤအဖီလာ်ဧါ. မ့ၢ်ယွၤအတၢ်ဝံသးစူၤလီၤမၢ်ကွံာ်လံဧါ. မ့ၢ်အဝဲကမၤတၢ်တဖၣ်န့ၣ်သပှၢ်တၢၢ်ဧါ. မ့ၢ်ယွၤတကတိၤတၢ်မုာ်မုာ်ဒီးပှၤလၢအမၤတၢ်အလိၤအဘၣ်တဖၣ်ဘၣ် ဧါ.”

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်စကၤရယၤ 5:3

အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်တၢ်ဂံၢ် 24:7

အဝဲသ့ၣ်ကဒိးန့ၢ်မူခိၣ်စူၤလၢလၢပှဲၤပှဲၤဒီးသူၣ်လီၤ အတၢ်ချံလၢဟီၣ်ခိၣ်စုၣ်စီၣ်ဝဲဂ့ၤဂ့ၤအပျီတဖၣ် အပူၤန့ၣ်လီၤ. အဝဲသ့ၣ်အစီၤပၤကဒိၣ်န့ၢ်ဒံးစီၤအၤကးဒီးအတၢ်ပၢကသလၣ်လီၤ အသးဖးယံၤဖးလဲၢ်န့ၣ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

လံာ်ယိၤဟၣ် 4:24

ကစၢ်ယွၤမ့ၢ်သူၣ်မ့ၢ်သးဒီးပှၤလၢအဘူၣ်ထီၣ်ဘါထီၣ်အီၤ တဖၣ်, ဘၣ်ဘူၣ်ထီၣ်ဘါထီၣ်အီၤလၢသူၣ်လၢသး ဒီးလၢတၢ်မ့ၢ်တၢ်တီလီၤ.”

ရိမ့ၤ 2:17

နဲဒၣ်တခီလဲၣ်, နကိးလီၤနသးလၢပှၤယူဒၤဖိတဂၤလီၤ. နသန့ၤနသးလၢတၢ်သိၣ်တၢ်သီဒီးနပာ်ကဖၢလၢနသးလၢခီဖျိ ယ့ၣ်ၡူးခရံာ်, ယွၤအဃိလီၤ.

ရိမ့ၤ 9:6

ယတစံးလၢကစၢ်ယွၤအတၢ်အၢၣ်လီၤဟးဂီၤကွံာ်လံ န့ၣ်ဘၣ်. အဂ့ၢ်ဒ်အံၤ, ပှၤဂီၢ်မုၢ်လၢအံၣ်စရ့လးအပူၤ တမ့ၢ်ကစၢ်ယွၤအပှၤဂီၢ်မုၢ်ခဲလၢာ်ဘၣ်.

ရိမ့ၤ 9:8

တၢ်အံၤအခီပညီမ့ၢ်ဝဲဖိလၢအအိၣ်ဖျဲၣ်ထီၣ်ဒ်ပှၤဟီၣ်ခိၣ် ဖိအလုအလၢ်အိၣ်ဝဲအသိးတဖၣ်န့ၣ်, တမ့ၢ်ကစၢ်ယွၤ အပှၤဂီၢ်မုၢ်ဘၣ်. မ့မ့ၢ်ဖိလၢအအိၣ်ဖျဲၣ်ထီၣ်ခီဖျိကစၢ်ယွၤ အတၢ်အၢၣ်လီၤအီလီၤတဖၣ်န့ၣ်, တၢ်ပာ်အီၤဒ်စၢၤသွဲၣ်နီၢ်နီၢ် တဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 33:28

လၢတၢ်န့ၣ်အဃိ, စီၤယၤကိာ်အစၢၤအသွဲၣ်တဖၣ်အိၣ်ဝဲ ဆိးဝဲလၢတၢ်ဃူတၢ်မုာ်အပူၤ, အိၣ်ပူၤအိၣ်ဖျဲးဝဲလၢကီၢ် တဘ့ၣ်လၢအပှဲၤဒီးဘုဧိၤဟုဧိၤဒီးစပံးထံအပူၤ, ဖဲပစီၤထံလၢမူကပိာ်လိၤတဖၣ်မၤဘၣ်စီၣ်ဟီၣ်ခိၣ်န့ၣ်လီၤ.

လံာ်သိၣ်လီၤသီလီၤတၢ် 5:28

ဖဲယွၤနၢ်ဟူဘၣ်တၢ်အံၤန့ၣ်, အဝဲစံးဘၣ်ယၤ, “ယနၢ်ဟူတ့ၢ်တၢ်လၢပှၤဂီၢ်မုၢ်အံၤစံးဝဲ, ဒီးအဝဲသ့ၣ်တဲတၢ်န့ၣ်ဘၣ်လီၤ.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.