လံာ်ယၡါယၤ 47:3 - Sgaw Karen Common Bible

³ ပှၤကထံၣ်လၢနအိၣ်ဘ့ၣ်ဆ့လီၤ. အဝဲသ့ၣ်ကထံၣ်နဘၣ်တၢ်ဆီၣ်လီၤနၤဒီး တၢ်မၤမဲာ်ဆှးနၤလီၤ. ယကဟ့ၣ်ကၣ်တၢ်ဒီးပှၤကဆိကတီၢ်ယၤ တအိၣ်နီတဂၤဘၣ်.”

လံာ်ယၡါယၤ 47:3 Iomraidhean Croise

လံာ်တၢ်ကဲထီၣ်အခီၣ်ထံး 3:7

တဘျီဃီဖဲအီၣ်ဝဲဝံၤန့ၣ်ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး သ့ၣ်ညါထံလီၤက့ၤအသးလၢအဝဲသ့ၣ်အိၣ်ဘ့ၣ်ဆ့န့ၣ်လီၤ. လၢတၢ်န့ၣ်အဃိအဝဲသ့ၣ်ဆးပကိာ်ထီၣ်ချၢၣ်ဒၢအလၣ်ဒီးမၤဘံၣ်မၤဘၢအသးန့ၣ်လီၤ.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 3:17

ဘၣ်ဆၣ်ဒီးယကစံၣ်ညီၣ်အဝဲသ့ၣ်, ယကလူၤကျိကွံာ်အခိၣ်တဖၣ်ဒီးပာ်အီၤလ့ၤကဒိလီၤ.”

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယံးရမံယၤ 13:22

နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:4

အဝဲသ့ၣ်ကဘၣ်ဒိဘၣ်ထံးဒီး သံလၢအဝဲသ့ၣ် အဝ့ၢ်တဖၣ်အကျဲဘိတဖၣ်အပူၤန့ၣ်လီၤ.

လံာ်ယံးရမံယၤ 51:56

အဝဲသ့ၣ်ဟဲဝဲလၢ ကမၤဟးဂီၤကီၢ်ဘၤဘူၤလိၣ်အဂီၢ်လီၤ. အသုးဖိတဖၣ်ဘၣ်တၢ်ဖီၣ်န့ၢ်အီၤဒီးအချံၣ်တဖၣ်ကၢ်ကွံာ်ဝဲလံ. ယမ့ၢ်ကစၢ်ယွၤလၢ အစံၣ်ညီၣ်တၢ်အၢတၢ်သီ, ဒီးယကမၤဘၣ်ကီၢ်ဘၤဘူၤလိၣ်ဒ် တၢ်လၢအကြၢး ဒီးအီၤအသိးန့ၣ်လီၤ.

လံာ်ယဃ့းစက့လး 16:37

လၢတၢ်အံၤအဃိ, ယကဟဲပာ်ဖှိၣ်ပှၤလၢနအဲၣ်တ့ၢ်အီၤလၢညါတဖၣ်တပူၤဃီခဲလၢာ်, ပှၤတဖၣ်လၢနအဲၣ်အီၤဒီးပှၤတဖၣ်လၢနသးဟ့အီၤန့ၣ်လီၤ. ယကဟဲပာ်ဖှိၣ်အဝဲသ့ၣ်ဝးတရံးနၤဒီးကကဝီၤဃာ်နၤလီၤ. အန့ၣ်ဝံၤဒီး, ယကဘ့ၣ်လီၤကွံာ်နကူသိးတဖၣ်ဒီးပျဲအဝဲသ့ၣ်ထံၣ်ဘၣ် နတၢ်အိၣ်ဘ့ၣ်ဆ့န့ၣ်လီၤ.

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.