လံာ်ယၡါယၤ 47:12 - Sgaw Karen Common Bible

¹² ပၢၤဃာ်ကယဲၢ်နတၢ်မၤကဒါပှၤအမဲာ်, ဒီးနတၢ်အူတၢ်သမူတၢ်တဖၣ်တက့ၢ်. နသူတ့ၢ်တၢ်တဖၣ်န့ၣ်စးထီၣ်လၢနသးစၢ်အကတီၢ်လံၤလံၤန့ၣ်လီၤ. ဘၣ်သ့ၣ်သ့ၣ်, တၢ်တဖၣ်န့ၣ်ကမ့ၢ်တၢ်မၤစၢၤလၢနဂီၢ်တနီၤနီၤဒီး နမၤပျံၤမၤဖုးနဒုၣ်နဒါတဖၣ်ကသ့န့ၣ်လီၤ.

လံာ်ယၡါယၤ 47:12 Iomraidhean Croise

စံးထီၣ်ပတြၢၤ 129:1

အံၣ်စရ့လးဧၢ, တဲဘၣ်ပှၤလၢ နဘၣ်တၢ်မၤနးမၤဖှီၣ်နၤလၢနဒုၣ်နဒါတဖၣ်, စးထီၣ်လၢ နသးစၢ်လံၤလံၤဒ်လဲၣ်အဂ့ၢ်န့ၣ်တက့ၢ်.

လံာ်တၢ်ဟးထီၣ်ကွံာ် 7:11

တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ.

လံာ်တၢ်ဟးထီၣ်ကွံာ် 8:7

ဘၣ်ဆၣ်ပှၤမၤကဒါပမဲာ်တဖၣ်ဒုးဟဲထီၣ်စ့ၢ်ကီးဒ့ၣ်ဧိၤကွီၣ်ဧိၤ တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 9:11

ဒီးပှၤမၤကဒါပှၤမဲာ်တဖၣ်န့ၣ်ဟဲထီၣ်ဆူစီၤမိၤၡ့မဲာ်ညါတကဲဘၣ် လၢအဝဲသ့ၣ်ပှဲၤဒီးတၢ်ဝ့တၢ်ကျူၤဒ်ပှၤအဲၤကူပတူးဖိအဂၤတဖၣ်အသိးအဃိန့ၣ်လီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယဃ့းစက့လး 21:26

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ. ဘ့ၣ်လီၤကွံာ်နခိၣ်သလုးဒီးနခိၣ်ဖၢၣ်တက့ၢ်. တၢ်ဒ်သိးအံၤတမံၤဃီတမၤကဒီးအသးလၢၤဘၣ်. ပာ်ထီၣ်ထီပှၤအဖှီၣ်ဖိဆူတၢ်စိတၢ်ကမီၤအလီၢ်တက့ၢ်. ပာ်လီၤကွံာ်ပှၤတဖၣ်လၢအပၢတၢ်န့ၣ်တက့ၢ်.

လံာ်ဒၤနံးယ့လး 2:11

တၢ်ဂ့ၢ်လၢစီၤပၤသံကွၢ်ဝဲန့ၣ်ကီဝဲတုၤဒၣ်လဲာ်မ့တမ့ၢ်ဘၣ်လၢက စၢ်တဖၣ်လၢအတအိၣ်ဝဲဆိးဝဲလၢပှၤကညီအကျါဘၣ်သတး ဒီးပှၤပာ်ဖျါထီၣ်အီၤဆူစီၤပၤတသ့နီတဂၤဘၣ်.”

လံာ်ဒၤနံးယ့လး 2:2

ဒီးစီၤပၤမၢပှၤကိးန့ၢ်အီၤပှၤဖးတၢ်ဟဲဝံဟဲစိာ်, ပှၤသ့အူတၢ်သမူတၢ်, ပှၤမၤကဒါမဲာ်ဒီးပှၤသ့သမူပယၢ်တၢ်တဖၣ်လၢအကဟဲ ဖးန့ၢ်အတၢ်မံမီၢ်န့ၣ်လီၤ. ဖဲအဝဲသ့ၣ်ဟဲတုၤ ဒီးဆၢထၢၣ်တ့ၢ်ဝဲလၢစီၤပၤအမဲာ်ညါန့ၣ်,

လံာ်ဒၤနံးယ့လး 5:15

ပှၤဟ့ၣ်ကူၣ်တၢ်တဖၣ်ဒီးပှၤမၤကဒါမဲာ်တဖၣ်ဘၣ်တၢ်ဟဲစိာ်ထီၣ် အီၤဆူယမဲာ်ညါဒ်သိးကဖးတၢ်ကွဲးအသးအံၤဒီးတဲယၤလၢ အခီပညီန့ၣ်လီၤ. ဘၣ်ဆၣ်ဒီးအဝဲသ့ၣ်ဃုထံၣ်န့ၢ်တၢ်ကွဲးအသး အခီပညီတန့ၢ်ဘၣ်.

လံာ်မံကၤ 3:7

ပှၤလၢအဖးဆိပာ်တၢ်လၢခါဆူညါအဂီၢ်တဖၣ်န့ၣ်ကဘၣ် တၢ်မၤမဲာ်ဆှးအီၤလၢအတၢ်လီၤတူၢ်လီၤကာ်အဃိလီၤ. အဂ့ၢ်ဒ်အံၤ, ကစၢ်ယွၤတစံးဆၢဘၣ်အဝဲသ့ၣ်အဃိဒီးအဝဲသ့ၣ်ခဲလၢာ်ကဘၣ် တၢ်မၤမဲာ်ဆှးအီၤလီၤ.

လံာ်နၤဃူၣ် 3:4

ဝ့ၢ်နံၤနဝ့လၢအမ့ၢ်ဃဲသဲမုၣ်အံၤဘၣ်တၢ်စံၣ်ညီၣ်အီၤလံ. အဝဲဒၣ်အိၣ်ဒီးတၢ်ဃံတၢ်လၤဒီးပှဲၤလၢ တၢ်ရဲၢ်သံတဖၣ်လီၤ. အဝဲရဲၢ်သံန့ၢ်တ့ၢ်ပှၤကလုာ်တဖၣ်ဒီး မၢကဲကုၢ်တ့ၢ်အီၤန့ၣ်လီၤ.

လံာ်တၢ်ဂံၢ် 22:25

ဖဲကသ့ၣ်ယီၤထံၣ်ကလူးဒီးအဝဲတွံၢ်အသးဆူဂီၤပၤဒီးကျံၤတံၢ် စီၤဘံးလၣ်အခီၣ်လၢဂီၤပၤန့ၣ်လီၤ. စီၤဘံးလၣ်တီၢ်ကဒီးကသ့ၣ်ယီၤန့ၣ်လီၤ.

လံာ်လီၣ်ဖျါ 9:21

ဒ်န့ၣ်အသိး, အဝဲသ့ၣ်တပီၢ်ယၢ်လီၤအသးလၢအတၢ်မၤသံမၤဝီတၢ် အဃိမ့ၢ်ဂ့ၤ, အတၢ်ဟိၣ်တၢ်ယီအဃိမ့ၢ်ဂ့ၤ, အတၢ်မၤကမၣ်မုၣ်ကမၣ်ခွါအဃိမ့ၢ်ဂ့ၤ, ဒီးအတၢ်ဟုၣ်တၢ်ဘျၣ်တၢ်အဃိမ့ၢ်ဂ့ၤန့ၣ်ဘၣ်.