လံာ်ယၡါယၤ 46:7 - Sgaw Karen Common Bible

⁷ အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယၡါယၤ 46:7 Iomraidhean Croise

လံာ်စီၤပၤအခီၣ်ထံးတဘ့ၣ် 18:26

အဝဲသ့ၣ်ဟံးန့ၢ်ဃီၤဂီၤဖံးဖါလၢအဘၣ်တၢ်ဟဲစိာ်န့ၢ်အီၤ, ကတဲာ်ကတီၤထီၣ်ဝဲဒီးဘါထုကဖၣ်တၢ်ဆူဘဧၤလးအအိၣ်တုၤမုၢ်ထူၣ် အကတီၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, “ဘဧၤလးဧၢ, စံးဆၢပှၤတက့ၢ်.” ဒီးဂဲၤကလံာ်ဝဲဝးတရံးတၢ်လုၢ်လီၢ်လၢအဘှီထီၣ်ဝဲန့ၣ်လီၤ. ဘၣ်ဆၣ်တၢ်စံးဆၢတဟဲနီတမံၤဘၣ်.

လံာ်စီၤပၤအခီၣ်ထံးတဘ့ၣ် 18:29

အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်ယၡါယၤ 37:38

ဘၣ်တနံၤဖဲအဝဲဘူၣ်တၢ်ဘါတၢ်လၢအကစၢ်နံးစရိးအတၢ် လုၢ်ဟံၣ်ပူၤအဖၢမုၢ်ဒီးအဖိခွါခံဂၤလၢအမ့ၢ်ဝဲစီၤအဒြၤမ့ၤလးဒီးစီၤ ၡၢ်အ့စ့ၢ်, မၤသံကွံာ်အီၤလၢအဝဲသ့ၣ်အနးတဖၣ်, ဒီးဃ့ၢ်ပူၤဖျဲးကွံာ်ဆူ ကီၢ်အရၤရးန့ၣ်လီၤ. အဖိခွါအဂၤတဂၤလၢအမ့ၢ်ဝဲစီၤအ့ၤစၢ်ဃးဒိၣ် ကဲထီၣ်စီၤပၤဖးဒိၣ်လၢအလီၢ်န့ၣ်လီၤ.

လံာ်ယၡါယၤ 40:20

ပှၤလၢအပှ့ၤစ့, ထူ, တန့ၢ်န့ၣ်, ဃုထၢဒၣ်သ့ၣ်လၢအကျၣ်တသ့န့ၣ် လီၤ. အဝဲဃုထံၣ်န့ၢ်ပှၤစုသ့လၢအကူၣ်သ့တဂၤလၢအကမၤန့ၢ်အီၤတၢ် ဂီၤလၢအတလီၤဃံၤဘၣ်န့ၣ်လီၤ.

လံာ်ယၡါယၤ 41:28

ဖဲယကွၢ်တၢ်လၢကစၢ်တဖၣ်အံၤအကျါဒီး, အဝဲသ့ၣ်တအိၣ်ဒီးတၢ်ဂ့ၢ်လၢအစံးဝဲ နီတမံၤနီတဂၤဘၣ်. တၢ်သံကွၢ်လၢယသံကွၢ်တ့ၢ်အဝဲသ့ၣ်န့ၣ်, စံးဆၢဝဲတသ့နီ တဂၤဘၣ်.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 41:7

ပှၤမၤတၢ်စုသ့အတၢ်မၤစံးဘၣ်ပှၤပိာ်ထူ, “နမၤတၢ်ဂ့ၤမးလီၤ.” ပှၤလၢအတီၢ်ဘျ့တၢ်ဂီၤတၢ်ဖီၣ်ဟ့ၣ်ဂံၢ်ဟ့ၣ်ဘါပှၤလၢအတီၢ်ဖှိၣ် တံၢ်အီၤလၢထးန့ၣ်လီၤ. အဝဲသ့ၣ်စံးဝဲ, “စၢၢ်ဃံၤတံၢ်အံၤဂ့ၤဒိၣ်မးလီၤ.” ဒီးအဝဲသ့ၣ်ပာ်တၢ်ဂီၤတၢ်ဖီၣ်လၢအလီၢ်ဒီးတီၢ်တံၢ်ဝဲလၢထး လီၤ.

လံာ်ယၡါယၤ 44:12

ပှၤပိာ်တိၢ်ထးတဂၤဟံးန့ၢ်ထးတလိၣ်ဒီးပိာ်အီၤလၢမ့ၣ်အူအဖီခိၣ်လီၤ. အစုဒုၣ်လၢအဂံၢ်ဆူၣ်ဘါဆူၣ်န့ၣ်ဝံၢ်ထီၣ်ယၤထီၣ် ခံၣ်ခူၣ်တခါဒီးဒိတီၢ်ထးကိၢ်လိၣ်ဒ်သိးကမၤဖျါထီၣ်ဝဲတၢ် အက့ၢ်အဂီၤလီၤ. ဖဲအမၤတၢ်အခါန့ၣ်, တၢ်သၣ်ဝံၤအသး, တၢ်သူအသးလၢထံဒီးလီၤဘှံးလီၤတီၤဝဲလီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယၡါယၤ 47:15

တၢ်န့ၣ်ကမ့ၢ်ကယဲၢ်တၢ်အဂ့ၤလၢအဝဲသ့ၣ်မၤဘၣ်နၤ, ပှၤဖးဆၣ်ဧိၤဖီဧိၤတဖၣ်လၢနကူၣ်လိာ်တ့ၢ်တၢ် ဒီးအီၤလၢနသးသမူဒီစိၤန့ၣ်လီၤ. အဝဲသ့ၣ်ခဲလၢာ်ကလဲၤသဒၣ်နၤဒီးကလဲၤဝဲ လၢအကျဲဒၣ်ဝဲ ဒီးပှၤကအုၣ်က့ၤခီၣ်က့ၤနၤတအိၣ်တီၢ် နီတဂၤလၢၤဘၣ်.”

လံာ်ယံးရမံယၤ 10:5

တၢ်ဂီၤတၢ်ဖီၣ်ဒ်န့ၣ်အသိးတဖၣ်လီၤဂာ်ဒီးတၢ်ဂီၤတဖၣ်လၢအမၤပျံၤ ထိၣ်ဧိၤလံၣ်ဧိၤလၢတၢ်ပာ်လီၤအီၤလၢဒံမုၣ်သၣ်အပျီပူၤန့ၣ်လီၤ. အဝဲသ့ၣ်ကတိၤတၢ်တသ့ဘၣ်. အဝဲသ့ၣ်ဘၣ်တၢ်စိာ်ဆှၢအီၤ မ့ၢ်လၢဟးတသ့ဘၣ်အဃိလီၤ. ပျံၤအဝဲသ့ၣ်တဂ့ၤ, အဝဲသ့ၣ်မၤဘၣ်ဒိဘၣ်ထံးသုတသ့နီတမံၤဘၣ်. ဒီးအဝဲသ့ၣ်မၤဂ့ၤသုတသ့စ့ၢ်ကီးနီတမံၤဘၣ်.”

လံာ်ယံးရမံယၤ 11:12

အန့ၣ်ဒီး, ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ကလဲၤဆူ ကစၢ်တဖၣ်လၢအဝဲသ့ၣ်လုၢ်ထီၣ်ပာ်ထီၣ်တၢ်လုၢ်တၢ်ပာ် တဖၣ်ဆူအအိၣ်, ဒီးကကိးထီၣ်အဝဲသ့ၣ်လၢတၢ်မၤစၢၤ အဂီၢ်လီၤ. ဘၣ်ဆၣ်ဖဲတၢ်မၤဟးဂီၤအံၤဟဲတုၤဝဲန့ၣ်, ကစၢ်တဖၣ်အံၤမၤပူၤမၤဖျဲးအဝဲသ့ၣ်တသ့ဘၣ်လီၤ.

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ဒၤနံးယ့လး 3:1

စီၤပၤနဘူၤကးန့စၢ်မၤလိာ်ဝဲလၢတၢ်ဂီၤထူအထီအိၣ်အပျၢ်ဃုဆံ, အဒီၣ်တူာ်အိၣ်ဃုပျၢ်တဒုကဘၣ်တၢ်တ့ထီၣ်ဒီးဆီလီၤအီၤဖဲ ဝ့ၢ်ဒူရၤအတၢ်ပၢၤခိၣ်တတီၤလၢကီၢ်ဘၤဘူၤလိၣ်အပူၤန့ၣ်လီၤ.

လံာ်ယိၤနါ 1:5

တုၤနုၤတစုပှၤကဘီဖိတဖၣ်ပျံၤတၢ်ဒီးကိးပသူထီၣ်ဝဲတဂၤဆူ အကစၢ်ဒၣ်ဝဲ, တဂၤဆူအကစၢ်ဒၣ်ဝဲအအိၣ်န့ၣ်လီၤ. အဝဲသ့ၣ်တ့ၢ်လီၤကွံာ်တၢ်ဖိတၢ်လံၤလၢအအိၣ်လၢက ဘီပူၤဆူပီၣ်လဲၣ်ပူၤဒ်သိးကမၤဖှံထီၣ်ကဘီအဂီၢ်န့ၣ်လီၤ. အကတီၢ်ဖဲန့ၣ်, စီၤယိၤနါလဲၤနုာ်မံနီၤတ့ၢ်လံလၢကဘီ အဒၢးပူၤဒီးမံဘၣ်အသးလံန့ၣ်လီၤ.

1 ကရံၣ်သူး 12:2

သုသ့ၣ်ညါသုဝဲလၢဖဲသုမ့ၢ်ဒံးပှၤသူခိၣ်ဖိအဆၢကတီၢ်န့ၣ်, သုဘၣ်တၢ်ဆှၢဖျိးသုလၢကျဲအါဘိအပူၤဆူတၢ်ဘါတၢ်ဂီၤ တၢ်ဖီၣ်လၢအသးသမူတအိၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:3

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်ပှၤဝ့ၢ်ဖိလၢအၤစဒိးတဖၣ် ထံၣ်ဘၣ်လၢအတၢ်ဂီၤဒၤကိၣ်န့ၣ်လီၤဃံၤအီထီလာ်လၢဟီၣ်ခိၣ်လိၤ လၢယွၤအတၢ်အၢၣ်လီၤအီလီၤအတလါစီဆှံအမဲာ်ညါန့ၣ်လီၤ. မၤသးဒ်န့ၣ်ဒီး, အဝဲသ့ၣ်ဝံၣ်ထီၣ်အီၤဒီးပာ်ကဒါက့ၤအီၤလၢအလီၢ်လီၤ.