လံာ်ယၡါယၤ 45:6 - Sgaw Karen Common Bible

⁶ ယမၤတၢ်အံၤဒ်သိးပှၤတဂၤလၢ်လၢ်လၢဟီၣ်ခိၣ်အကတၢၢ်တခီဆူအဂၤ တခီကသ့ၣ်ညါဝဲလၢယမ့ၢ်ယွၤဒီးလၢကစၢ်အဂၤတအိၣ်ဘၣ်အဂ့ၢ်န့ၣ် လီၤ.

လံာ်ယၡါယၤ 45:6 Iomraidhean Croise

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 39:21

ယွၤစံးဝဲဒၣ်, “ယကပျဲပှၤကလုာ်တဖၣ်ထံၣ်ဘၣ်ယလၤကပီၤဒီးယကဒုးနဲၣ် အဝဲသ့ၣ်လၢယသူယစိကမီၤဒ်လဲၣ်, လၢယကမၤထွဲယတၢ်ပာ်လီၤသး အတီအလိၤတဖၣ်အဂီၢ်န့ၣ်လီၤ.

လံာ်ယိၤအ့လး 2:27

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယအိၣ်လၢသုကျါ, ဒီးယၤ, ယွၤ, မ့ၢ်သုကစၢ်ယွၤ ဒီးယွၤအဂၤတအိၣ်နီတဂၤဘၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.